完整藏文原文 · 德格版页 当前仅加载第 46 函德格 148b 版页；藏文 NFD、目录标记与异常页序保留在来源切片中，重复版页行以稳定序号区分。
གནོད་སྦྱིན་དང་། སྲིན་པོ་དང་། གྲུལ་བུམ་དང་། དྲི་ཟའི་བདག་པོ་གང་ཡིན་པ་དེ་དག་ཐམས་ཅད་ཀྱང་ཨོམས་ཚུགས་བཅས་ཏེ་ངུ་ཞིང་ཆོ་ངེས་བཏབ་ནས་བྱེར་བར་རྨིས་པ་དང་། འདོད་པ་ན་སྤྱོད་པའི་ལྷ་རྣམས་ཀྱི་ལྷའི་བདག་པོ་འདི་ལྟ་སྟེ། ཡུལ་འཁོར་སྲུང་དང་། འཕགས་སྐྱེས་པོ་
D95.046.0148b01.01དང་། མིག་མི་བཟང་དང་། རྣམ་ཐོས་ཀྱི་བུ་དང་། བརྒྱ་བྱིན་དང་། རབ་འཐབ་བྲལ་དང་། ཡོངས་སུ་དགའ་ལྡན་དང་། རབ་འཕྲུལ་དང་། དབང་སྒྱུར་ལ་སོགས་པ་གང་ཡིན་པ་དེ་དག་ཐམས་ཅད་ཀྱང་བདུད་ལ་མི་གུས་ཤིང་བྱང་ཆུབ་སེམས་དཔའ་ལ་ཕྱོགས་པར་རྨིས་པ་དང་།
D95.046.0148b02.01ཐབ་མོའི་ནང་ན་དེའི་རལ་གྲི་ཤུགས་ནས་མ་ཕྱིན་ཅིང་བདག་མི་ཤིས་པའི་སྒྲ་འབྱིན་པར་རྨིས་པ་དང་། རང་གི་འཁོར་གྱིས་བདག་པོར་བར་རྨིས་པ་དང་། བཀྲ་ཤིས་ཀྱི་བུམ་པ་སྒོར་ལྷུང་བར་རྨིས་པ་དང་། བྲམ་ཟེ་མིས་བྱིན་གྱི་བུ་ཡང་བཀྲ་མི་ཤིས་པའི་སྒྲ་སྒྲོགས་པར་རྨིས་པ་དང་། སྒོ་བ་ཀུན་
D95.046.0148b03.01ཏུ་དགའ་བྱེད་ཀྱང་ཀུན་ཏུ་མི་དགའ་བའི་སྒྲ་སྒྲོགས་པར་རྨིས་པ་དང་། ནམ་མཁའི་དཀྱིལ་མུན་པས་ཁེབས་པར་རྨིས་པ་དང་། འདོད་པའི་གནས་ན་གནས་པའི་དཔལ་ཡང་ངུ་བར་རྨིས་པ་དང་། བདག་གི་དབང་ཡང་དབང་མེད་པར་གྱུར་པར་རྨིས་པ་དང་། རང་གི་ཕྱོགས་ཀྱང་ཕྱོགས་
D95.046.0148b04.01མ་ཡིན་པར་རྨིས་པ་དང་། ནོར་བུ་དང་མུ་ཏིག་གི་དྲ་བ་རྣམས་ཀྱང་ཆད་ཅིང་རྣམ་པར་ཆད་ནས་འབྲུལ་བར་རྨིས་པ་དང་། བདུད་ཀྱི་གནས་ཐམས་ཅད་ཀྱང་རབ་ཏུ་གཡོས་པར་རྨིས་པ་དང་། ཤིང་རྣམས་ཀྱང་བཅད་ཅིང་བ་གམ་ཡང་ལྷུང་བར་རྨིས་པ་དང་། བདུད་ཀྱི་སྡེ་བཀོད་པ་ཐམས་ཅད་
D95.046.0148b05.01ཀྱང་ཁས་སྦུབ་ཏུ་འགྱེལ་བར་རྨིས་པ་སྟེ། དགེ་སློང་དག་དེ་ལྟར་བདུད་སྡིག་ཅན་གྱི་རྨི་ལམ་དུ་རྣམ་པ་སུམ་ཅུ་རྩ་གཉིས་པོ་འདི་ལྟ་བུ་རྨིས་སོ། །དེ་སད་པ་དང་། འཇིགས་སྐྲག་སྔངས་ནས་ནང་མི་ཐམས་ཅད་བསོགས་ཏེ། དཔུང་དང་བཅས་པ་དང་། འཁོར་དང་སྡེ་དཔོན་དང་། སྒོ་བ་དང་དེ་
D95.046.0148b06.01དག་འདུས་པར་རིག་ནས་ཚིགས་སུ་བཅད་པ་འདི་དག་སྨྲས་སོ། །བདུད་དེས་རྨི་ལམ་དེ་དག་མཐོང་ནས་ཉམ་ཐག་སྟེ། །སྡེ་དཔོན་བདུད་པོ་སེང་གེ་ཟ་འགྲམ་ཞེས་བྱ་དང་། །བུ་རྣམས་དག་དང་འཁོར་རྣམས་གང་དག་ཡིན་ལ་སྨྲས། །ནག་པོའི་རྩ་ལག་དེ་དག་ཀུན་ལ་ཡོངས་སུ་དྲིས། །ཤཱཀྱའི་
D95.046.0148b07.01