完整藏文原文 · 德格版页 当前仅加载第 46 函德格 19a 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་སེམས་དཔས་འཁོར་གྱི་ཁྱམས་གླིང་བཞི་པ་ཆེན་པོའི་འཇིག་རྟེན་གྱི་ཁམས་ཀྱི་ཚད་ཙམ་དུ་ཡངས་པར་བྱིན་གྱིས་བརླབས་པར་གྱུར་ནས། དེ་དེ་ཙམ་དུ་བཟང་ཞིང་དེ་ཙམ་དུ་བལྟ་ན་སྡུག་ལ། དེ་ཙམ་དུ་རྒྱན་གྱིས་རྒྱས་ཤིང་དེ་ཙམ་དུ་ཡིད་དུ་འོང་བར་གྱུར་པ་དེས་འདོད་པ་ན་སྤྱོད་པ་དང་། གཟུགས་ན་སྤྱོད་
D95.046.0019a01.01པའི་ལྷའི་བུ་ཐམས་ཅད་རང་རང་གི་ཁྱིམ་གྱི་བཀོད་པ་ལ་དུར་ཁྲོད་ལྟ་བུའི་འདུ་ཤེས་སྐྱེས་པར་གྱུར་ཏོ། །དེ་ལ་བྱང་ཆུབ་སེམས་དཔའ་རང་གི་བསོད་ནམས་ཀྱི་རྣམ་པར་སྨིན་པའི་རྒྱུ་འཐུན་པས་ཡོངས་སུ་བརྒྱན་པའི་སེང་གེའི་ཁྲི་ནོར་བུ་རིན་པོ་ཆེ་དུ་མས་རྩ་བ་སྤྲས་པ། ལྷའི་རས་བཅོས་བུའི་སྟན་དུ་མ་བཏིང་
D95.046.0019a02.01བ། ལྷའི་སྤོས་ཞིམ་པོ་དུ་མས་བསྒོས་པ། བདུག་སྤོས་དམ་པ་མཆོག་ཏུ་བྱ་བ་དུ་མས་བདུགས་པ། ལྷའི་མེ་ཏོག་ཁ་དོག་དུ་མའི་དགྲམ་པ་བཀྲམ་པ། ནོར་བུ་རིན་པོ་ཆེའི་འོད་བརྒྱ་སྟོང་དུ་མ་འབར་བའི་གཟི་བརྗིད་ཅན། ནོར་བུ་རིན་པོ་ཆེ་དུ་མའི་དྲ་བས་གཡོགས་པ། རིན་པོ་ཆེའི་དྲིལ་བུ་
D95.046.0019a03.01གཡེར་ཀའི་དྲ་བ་དུ་མའི་སྒྲ་འབྱུང་བས་མངོན་པར་དགའ་བ་དང་ལྡན་པ། རིན་པོ་ཆེའི་དྲིལ་བུ་བརྒྱ་སྟོང་དུ་མ་མངོན་པར་དཀྲོལ་བའི་སྒྲ་དང་ལྡན་པ། རིན་པོ་ཆེའི་དྲ་བ་བརྒྱ་སྟོང་དུ་མས་ཡོངས་སུ་གསལ་བར་གྱུར་པ། རིན་པོ་ཆེའི་གདུགས་བརྒྱ་སྟོང་དུ་མས་ཀུན་ནས་བཀབ་པ། དར་བརྒྱ་སྟོང་དུ་མ་རབ་
D95.046.0019a04.01ཏུ་སྤྱངས་པ། དར་གྱི་ཕྲེང་བ་ལྡ་ལྡི་བརྒྱ་སྟོང་དུ་མས་ཤིན་ཏུ་བརྒྱན་པ། ལྷའི་བུ་མོ་བརྒྱ་སྟོང་དུ་མས་གླུ་བླངས། གར་བྱས། རོལ་མོ་བྱས་པ། ཡོན་ཏན་བརྒྱ་སྟོང་དུ་མ་ཀུན་ཏུ་བརྗོད་པ། འཇིག་རྟེན་སྐྱོང་བ་བརྒྱ་སྟོང་དུ་མས་རྗེས་སུ་བསྲུངས་པ། བརྒྱ་བྱིན་བརྒྱ་སྟོང་དུ་མས་ཕྱག་བྱས་པ།
D95.046.0019a05.01ཚངས་པ་བརྒྱ་སྟོང་དུ་མས་རབ་ཏུ་བཏུད་པ། བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་དུ་མས་ཡོངས་སུ་བཟུང་བ། ཕྱོགས་བཅུའི་སངས་རྒྱས་བྱེ་བ་ཁྲག་ཁྲིག་བརྒྱ་སྟོང་དུ་མ་མཐའ་ཡས་པས་དགོངས་པ། བསྐལ་པ་བྱེ་བ་ཁྲག་ཁྲིག་བརྒྱ་སྟོང་དཔག་ཏུ་མེད་པར་ཕ་རོལ་ཏུ་ཕྱིན་པ་ཚོགས་སུ་
D95.046.0019a06.01བྱས་པའི་བསོད་ནམས་ཀྱི་རྣམ་པར་སྨིན་པའི་རྒྱུ་འཐུན་པ་ལས་བྱུང་བ་དེ་ལྟ་བུ་ལ་འདུག་གོ། །དགེ་སློང་དག་དེ་ལྟར་བྱང་ཆུབ་སེམས་དཔའ་སེང་གེའི་ཁྲི་ཆེན་པོ་ཡོན་ཏན་དེ་ལྟ་བུ་དང་ལྡན་པ་ལ་འདུག་ནས་ལྷའི་འཁོར་ཆེན་པོ་དེ་དག་ལ་སྨྲས་པ། གྲོགས་པོ་དག་བྱང་ཆུབ་སེམས་དཔའི་ལུས་བསོད་
D95.046.0019a07.01