完整藏文原文 · 德格版页 当前仅加载第 46 函德格 16b 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱིམ་ཐབ་ཀྱི་བརྟུལ་ཞུགས་དང་ལྡན་པ་དང་། ཡོན་ཏན་ཐམས་ཅད་ཕུན་སུམ་ཚོགས་པའི་བུད་མེད་ཀྱི་མངལ་དུ་བྱང་ཆུབ་སེམས་དཔའ་སྲིད་པ་ཐ་མ་པ་འཇུག་གོ། །གྲོགས་པོ་དག་བྱང་ཆུབ་སེམས་དཔའ་སྲིད་པ་ཐ་མ་པ་བུད་མེད་གང་གི་མངལ་དུ་འཇུག་པའི་བུད་མེད་དེ་ནི་ཡོན་ཏན་གྱི་རྣམ་པ་སུམ་ཅུ་རྩ་
D95.046.0016b01.01གཉིས་པོ་དེ་དག་དང་ལྡན་པ་ཡིན་ནོ། །གྲོགས་པོ་དག་བྱང་ཆུབ་སེམས་དཔའ་ནི་ཟླ་བ་མར་གྱི་ངོ་ལ་མའི་མངལ་དུ་མི་འཇུག་གི །བྱང་ཆུབ་སེམས་དཔའ་སྲིད་པ་ཐ་མ་པ་ནི་ཟླ་བ་ཡར་གྱི་ཚེས་བཅོ་ལྔའི་ཟླ་བ་ཉ་སྟེ་རྒྱས་པ་ལ་སྐར་མ་རྒྱལ་དང་ལྡན་པའི་ཚེ། མ་གསོ་སྦྱོང་བླངས་པའི་མངལ་དུ་འཇུག་གོ། །
D95.046.0016b02.01དེ་ནས་བྱང་ཆུབ་སེམས་དཔའ་དེ་དག་དང་། ལྷའི་བུ་དེ་དག་གིས་བྱང་ཆུབ་སེམས་དཔའ་ལས་རིགས་ཡོངས་སུ་དག་པ་དང་། མ་ཡོངས་སུ་དག་པའི་རྣམ་པ་དེ་ལྟ་བུ་དེ་དག་ཐོས་ནས་འདི་སྙམ་དུ་སེམས་ཏེ། སྐྱེས་བུ་དམ་པ་འདིས་རྣམ་པ་ཇི་སྙེད་དུ་བསྟན་པ་དེ་ལྟ་བུའི་ཡོན་ཏན་དང་ལྡན་པའི་རིགས་དེ་གང་
D95.046.0016b03.01ཞིག་ལ་ཡོད་སྙམ་དུ་སེམས་སོ། །དེ་ལྟར་སེམས་ཤིང་ཡིད་ལ་བྱེད་པ་ལ་ཞུགས་པ་ན་དེ་དག་འདི་སྙམ་དུ་སེམས་ཏེ། ཤཱཀྱའི་གྲོང་ཁྱེར་འདི་འབྱོར་ཅིང་རྒྱས་ལ་བདེ་ཞིང་ལོ་ལེགས་པ་དང་ལྡན་ཏེ། ཉམས་དགའ་ཞིང་སྐྱེ་བོ་མང་པོ་དང་མིས་གང་བ་ཡིན་ལ། རྒྱལ་པོ་ཟས་གཙང་མ་ཡང་མའི་རྒྱུད་ཀྱིས་དག་
D95.046.0016b04.01པ། ཕའི་རྒྱུད་ཀྱིས་དག་པ། ཆུང་མ་དག་པ་དང་ལྡན་པ། ལས་ཀྱི་མཐའ་ལ་ཉོན་མོངས་པ་མེད་པ། དཔེ་བྱད་བཟང་བ། ཤིན་ཏུ་མཛངས་པ། བསོད་ནམས་ཀྱི་གཟི་བརྗིད་དང་ལྡན་པ། གྲགས་པ་ཆེན་པོའི་རིགས་སུ་སྐྱེས་པ། འཁོར་ལོས་སྒྱུར་བའི་རིགས་ཀྱི་རྒྱུད་དུ་སྐྱེས་པ། ནོར་དང་།
D95.046.0016b05.01གཏེར་དང་། རིན་པོ་ཆེ་དཔག་ཏུ་མེད་པ་དང་ལྡན་པ། ལས་ཡོད་པར་ལྟ་བ། སྡིག་པའི་ལྟ་བ་མེད་པ། ཤཱཀྱའི་ཡུལ་ཀུན་ན་ཡང་རྒྱལ་པོ་དེ་གཅིག་པུར་ཟད་དེ། ཚོང་དཔོན་དང་། ཁྱིམ་བདག་དང་། བློན་པོ་དང་། འཁོར་གྱི་མི་ཐམས་ཅད་ཀྱིས་རིམ་གྲོར་བྱ་ཞིང་མཆོད་པ། མཛེས་པ།
D95.046.0016b06.01བལྟ་ན་སྡུག་པ། ཧ་ཅང་ཡང་མི་རྒན་ཧ་ཅང་ཡང་མི་གཞོན་ཞིང་གཟུགས་མཛེས་ལ་ཡོན་ཏན་ཐམས་ཅད་དང་ལྡན་པ། བཟོ་ཤེས་པ། དུས་ཤེས་པ། བདག་ཤེས་པ། ཆོས་ཤེས་པ། སེམས་ཅན་ཤེས་པ། འཇིག་རྟེན་ཤེས་པ། མཚན་ཤེས་པ། ཆོས་ཀྱི་རྒྱལ་པོ་ཆོས་
D95.046.0016b07.01