完整藏文原文 · 德格版页 当前仅加载第 46 函德格 193b 版页；藏文 NFD、目录标记与异常页序保留在来源切片中，重复版页行以稳定序号区分。
བདག་གིས་ཐོག་མར་ཆོས་བསྟན་པར་བྱ་ཞིང་དེ་ཡང་བདག་ལ་ཐོ་འཚམས་པར་མི་འགྱུར་རོ་སྙམ་མོ། །དགེ་སློང་དག་དེ་བཞིན་གཤེགས་པས་ཡང་འདི་སྙམ་དུ་དགོངས་ཏེ། སེམས་ཅན་དག་པ་གདུལ་སླ་བ་ཞེས་བྱ་བ་ནས། ངའི་ཆོས་བསྟན་པ་ཐོ་འཚམ་པར་མི་འགྱུར་བ་ཞེས་བྱ་བའི་བར་དུ་སྔ་
D95.046.0193b01.01མ་བཞིན་ཏེ། དེ་ལྟ་བུ་གཞན་སུ་ཡོད་སྙམ་མོ། དགེ་སློང་དག་དེ་ནས་དེ་བཞིན་གཤེགས་པ་འདི་སྙམ་དུ་དགོངས་ཏེ། སྒྱུ་རྩལ་ཤེས་ཀྱི་བུ་རིང་འཕུར་ནི་དག་པ་ཞེས་བྱ་བ་ནས། ངའི་ཆོས་བསྟན་པ་ཐོ་འཚམ་པར་མི་འགྱུར་ཞེས་བྱ་བའི་བར་དུ་སྟེ། དེ་ད་ལྟར་ག་ལ་འདུག་སྙམ་དགོངས་ན། དེ་ཡང་འཆི་
D95.046.0193b02.01བའི་དུས་བྱས་ནས་དེང་དུ་ཞག་གསུམ་ལོན་པར་མཁྱེན་ཏོ། གནས་གཙང་མའི་རིས་ཀྱི་ལྷ་རྣམས་ཀྱིས་ཀྱང་དོན་དེ་དེ་བཞིན་གཤེགས་པ་ལ་གསོལ་ཏེ། །བཅོམ་ལྡན་འདས་དེ་དེ་ལྟ་ལགས་སོ། །བདེ་བར་གཤེགས་པ་དེ་དེ་ལྟ་ལགས་ཏེ། སྒྱུ་རྩལ་ཤེས་ཀྱི་བུ་རིང་འཕུར་གུམ་ནས་དེང་དུ་དགུང་
D95.046.0193b03.01གསུམ་ལགས་སོ། །དེ་ནས་དེ་བཞིན་གཤེགས་པ་འདི་སྙམ་དུ་དགོངས་ཏེ། ཨེ་མ་སྒྱུ་རྩལ་ཤེས་ཀྱི་བུ་རིང་འཕུར་དེ་ཆོས་ཤིན་ཏུ་བཟང་པོ་འདི་ལྟ་བུ་འདི་མ་ཐོས་པར་ཤི་བ་ནི་ཆེར་ཉམས་སོ་སྙམ་མོ། །དགེ་སློང་དག་དེ་བཞིན་གཤེགས་པས་ཡང་འདི་སྙམ་དུ་དགོངས་ཏེ། སེམས་ཅན་དག་པ་
D95.046.0193b04.01རྣམ་པ་བཟང་བ་ཞེས་བྱ་བ་ནས་ངའི་ཆོས་བསྟན་པ་ཐོ་འཚམ་པར་མི་འགྱུར་ཞེས་བྱ་བའི་བར་དུ་སྔ་མ་བཞིན་ཏེ། དེ་ལྟ་བུ་གཞན་སུ་ཡོད་སྙམ་མོ། །དགེ་སློང་དག་དེ་ནས་དེ་བཞིན་གཤེགས་པས་འདི་སྙམ་དུ་དགོངས་ཏེ། ལྔ་སྡེ་བཟང་པོ་རྣམས་ནི་དག་པ། རྣམ་པ་བཟང་བ། གདུལ་སླ་བ། གོ་སླ་
D95.046.0193b05.01བ། རྣམ་པར་སྦྱང་སླ་བ། འདོད་ཆགས་དང་ཞེ་སྡང་དང་། གཏི་མུག་ཆུང་བ། རྣམ་པར་ཤེས་པ་ལྐོག་ཏུ་མ་གྱུར་པ་སྟེ། དེ་དག་ཆོས་མ་ཐོས་ན་ཡོངས་སུ་ཉམས་པར་འགྱུར་བའོ། །ང་དཀའ་བ་སྤྱད་པ་སྤྱོད་པ་ན་ཡང་དེ་དག་གིས་བསྙེན་བཀུར་བྱས་པར་གྱུར་ཏེ། དེ་དག་ངས་ཆོས་བསྟན་ན་
D95.046.0193b06.01ཤེས་པར་འགྱུར་ཞིང་། ང་ལ་ཐོ་འཚམ་པར་མི་འགྱུར་རོ་སྙམ་མོ། །དགེ་སློང་དག་དེ་ནས་དེ་བཞིན་གཤེགས་པ་འདི་སྙམ་དུ་དགོངས་ཏེ། བདག་གིས་ལྔ་སྡེ་བཟང་པོ་རྣམས་ལ་ཐོག་མར་ཆོས་བསྟན་པར་བྱ་གོར་མ་ཆག་སྙམ་མོ། །དགེ་སློང་དག་དེ་ནས་ཡང་དེ་བཞིན་གཤེགས་པ་འདི་
D95.046.0193b07.01