完整藏文原文 · 德格版页 当前仅加载第 46 函德格 179b 版页；藏文 NFD、目录标记与异常页序保留在来源切片中，重复版页行以稳定序号区分。
སྡུག་བསྔལ་ཕུང་པོས་སྡུག་བསྔལ་བ། །ཕྱིས་མི་འབྱུང་བ་འཇིགས་མེད་ཀྱི། །གྲོང་ཁྱེར་འདིར་ནི་ངས་ཕྱིན་ཏོ། །ངས་འདིར་ནང་གི་དགྲ་ཆེན་པོ། །ཁྱབ་པ་དེ་དག་རྗེས་སུ་རྟོགས། །རྟོགས་ནས་རབ་ཏུ་བསྲེགས་ཏེ་ངས། །དེ་དག་ཡང་བྱུང་གནས་མེད་བྱས། །བདུད་རྩིའི་དོན་དུ་བསྐལ་པ་
D95.046.0179b01.01ནི། །བྱེ་བ་ཁྲག་ཁྲིག་རང་གི་ཤ། །མིག་དང་རིན་ཆེན་མང་བཏང་བ། །དེ་འདིར་ང་ཡིས་རྗེས་སུ་རྟོགས། །སྔོན་གྱི་རྒྱལ་བ་དཔག་མེད་པས། །གང་སངས་རྒྱས་དེ་ངས་འདིར་རྟོགས། །གང་གི་སྙན་པ་ཉམས་དགའ་བ། །སྒྲ་ནི་འཇིག་རྟེན་རྣམས་སུ་གྲགས། །རྟེན་ནས་བྱུང་བའི་འགྲོ་བ་སྟོང་། །
D95.046.0179b02.01སེམས་ཀྱི་སྐད་ཅིག་གཅིག་ལ་འཇིག །སྨིག་རྒྱུ་དྲི་ཟའི་གྲོང་ཁྱེར་འདྲ། །དེ་འདིར་ང་ཡིས་རྗེས་སུ་རྟོགས། །གང་གིས་ལག་པའི་མཐིལ་དུ་ནི། །ཤིང་ཏོག་བཞག་བཞིན་འཇིག་རྟེན་ཁམས། །ཐམས་ཅད་མཐོང་བའི་མིག་མཆོག་དེ། །ང་ཡིས་འདིར་ནི་དག་པར་བྱས། །སྔོན་གྱི་
D95.046.0179b03.01གནས་ནི་ངས་འདིར་དྲན། །རིག་པ་གསུམ་ཡང་ཐོབ་པར་གྱུར། །བསྐལ་པ་ཁྲག་ཁྲིག་དཔག་མེད་པ། །གཉིད་ཀྱིས་ལོག་ལས་སད་བཞིན་དྲན། །ལྷ་མི་ནོར་ཞིང་འདུ་ཤེས་ལོག །ཕྱིན་ཅི་ལོག་གྱུར་གང་འབར་བ། །དེ་ཡང་དེ་བཞིན་མ་ནོར་བར། །ངས་འདིར་བདུད་རྩིའི་
D95.046.0179b04.01སྙིང་ཁུ་འཐུངས། །གང་གི་དོན་དུ་སྟོབས་བཅུ་པོ། །སེམས་ཅན་ཀུན་ལ་བྱམས་པ་བསྒོམས། །བྱམས་པའི་སྟོབས་ཀྱིས་རྒྱལ་གྱུར་ནས། །ངས་འདིར་བདུད་རྩིའི་སྙིང་ཁུ་འཐུངས། །གང་གི་དོན་དུ་སྟོབས་བཅུ་པོ། །སེམས་ཅན་ཀུན་ལ་སྙིང་རྗེ་བསྒོམས། །སྙིང་རྗེའི་སྟོབས་
D95.046.0179b05.01ཀྱིས་རྒྱལ་གྱུར་ནས། །ངས་འདིར་བདུད་རྩིའི་སྙིང་ཁུ་འཐུངས། །གང་གི་དོན་དུ་སྟོབས་བཅུ་པོ། །སེམས་ཅན་ཀུན་ལ་དགའ་བ་བསྒོམས། །དགའ་བའི་སྟོབས་ཀྱིས་རྒྱལ་གྱུར་ནས། །ངས་འདིར་བདུད་རྩིའི་སྙིང་ཁུ་འཐུངས། །གང་གི་དོན་དུ་སྟོབས་བཅུ་པོ། །བསྐལ་པ་ཁྲག་
D95.046.0179b06.01ཁྲིག་བཏང་སྙོམས་བསྒོམས། །བཏང་སྙོམས་འདི་ཡི་སྟོབས་ཀྱིས་རྒྱལ། །ངས་འདིར་བདུད་རྩིའི་སྙིང་ཁུ་འཐུངས། །སྟོབས་བཅུ་གང་གཱའི་བྱེ་མ་བས། །རབ་ཏུ་མང་བས་གང་གསོལ་པ། །སྔོན་རྒྱལ་སེང་གེས་སྔོན་གསོལ་པ། །བདུད་རྩིའི་སྙིང་ཁུ་ངས་འདིར་འཐུངས། །རྒ་ཤི་མཐའ་
D95.046.0179b07.01