完整藏文原文 · 德格版页 当前仅加载第 46 函德格 17a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་རྗེས་སུ་སྟོན་པའོ། །སེར་སྐྱའི་གནས་ཀྱི་གྲོང་ཁྱེར་ཆེན་པོ་དེ་ནི་སེམས་ཅན་དགེ་བའི་རྩ་བ་བསྐྱེད་པ་རྣམས་ཀྱི་གནས་ཏེ། གང་དག་དེར་སྐྱེས་པར་གྱུར་པ་དེ་དག་ཀྱང་དེ་དང་སྐལ་བ་འདྲ་བ་དག་གོ། །རྒྱལ་པོ་ཟས་གཙང་མ་དེ་ལ་ལྷ་མོ་སྒྱུ་འཕྲུལ་ཞེས་བྱ་བ་
D95.046.0017a01.01ཤཱཀྱའི་བདག་པོ་ཤིན་ཏུ་ལེགས་པར་རྟོགས་པ་ཞེས་བྱ་བའི་བུ་མོ་ཞིག་ཡོད་པའང་ཕྱུག་ཅིང་གཞོན་ཞིང་དར་ལ་བབ་པའི་གཟུགས་ཕུན་སུམ་ཚོགས་པ་སྔན་ཆད་མ་བཙས་པ། བུ་དང་བུ་མོ་མེད་པ། གཟུགས་མཛེས་པ། བུ་དོན་ལ་བྲིས་པ་ལྟར་བལྟ་ན་སྡུག་པ། ལྷའི་བུ་མོ་ལྟར་
D95.046.0017a02.01རྒྱན་ཐམས་ཅད་ཀྱིས་བརྒྱན་པ། བུད་མེད་ཀྱི་སྐྱོན་རྣམས་དང་བྲལ་བ། བདེན་པར་སྨྲ་བ། མི་དྲག་པ། མི་བརླངས་པ། མི་གཅོར་བ། ཁ་ན་མ་ཐོ་བ་མེད་པ། གྱོ་མོའི་སྒྲ་ལྟ་བུ་མེད་པ། ཅ་ཅོ་མེད་པ། འཇམ་ཞིང་སྙན་ལ་ཡིད་དུ་འོང་བར་སྨྲ་བ། མི་དེས་པ་དང་། ཁོང་ཁྲོ་བ་དང་། ང་
D95.046.0017a03.01རྒྱལ་དང་། དྲེགས་པ་དང་། རྒྱགས་པ་དང་། ཁྲོ་བ་མེད་པ། ཕྲག་དོག་མེད་པ། དུས་སུ་སྨྲ་བ། གཏོང་བ་ཕུན་སུམ་ཚོགས་པ། ཚུལ་ཁྲིམས་དང་ལྡན་པ། ཁྱོས་ཆོག་པར་འཛིན་པ། ཁྱིམ་ཐབ་ཀྱི་བརྟུལ་ཞུགས་ཅན། སྐྱེས་པ་གཞན་ལ་བསམ་པའི་ཡིད་ལ་བྱ་བ་དང་བྲལ་བ།
D95.046.0017a04.01མགོ་དང་། རྣ་བ་དང་། སྣ་གནས་སུ་ཕེབས་པ། བུང་བའི་མཆོག་གི་ཁ་དོག་ལྟ་བུའི་སྐྲ་དང་ལྡན་པ། དཔྲལ་བ་ལེགས་པ། སྨིན་ཚུགས་ལེགས་པ། ཁྲོ་གཉེར་མེད་པ། བཞིན་འཛུམ་པ། གསོང་པོར་སྨྲ་བ། འཇམ་ཞིང་སྙན་པའི་ཚིག་དང་ལྡན་པ། འཐུན་པར་འཛིན་པ། དྲང་བ།
D95.046.0017a05.01གྱ་གྱུ་མེད་པ། སྒྱུ་མེད་པ། གཡོ་མེད་པ། ཁྲེལ་ཡོད་ཅིང་ངོ་ཚ་ཤེས་པ། མི་རྒོད་པ། མི་གཡེང་བ། ཁ་ངན་མི་སྨྲ་བ། འཆལ་པའི་ཚིག་མེད་པ། འདོད་ཆགས་དང་། ཞེ་སྡང་དང་། གཏི་མུག་གི་ཤས་ཆུང་བ། ངང་དེས་ཤིང་བཟོད་པ་དང་ལྡན་པ། རྐང་ལག་དང་། མིག་དང་། བློ་ཤིན་
D95.046.0017a06.01ཏུ་བསྲུངས་པ། རྐང་ལག་ཤིན་ཏུ་འཇམ་པ། ཀ་ཙ་ལིན་དའི་གོས་ལྟར་རེག་ན་བདེ་བ། པད་མ་གཞོན་ནུའི་འདབ་མ་ལྟར་མིག་ཤིན་ཏུ་རྣམ་པར་དག་པ། སྣ་དབྱིབས་ལེགས་ཤིང་མདོག་སྡུག་པ། ཡན་ལག་ཤིན་ཏུ་བརྟན་པ། འཇའི་དབྱིབས་ལྟར་ཤིན་ཏུ་འདུད་པ། ཡན་ལག་
D95.046.0017a07.01