完整藏文原文 · 德格版页 当前仅加载第 46 函德格 65b 版页；藏文 NFD、目录标记与异常页序保留在来源切片中，重复版页行以稳定序号区分。
འབངས་དེ་སྩོལ། །ཤཱཀྱའི་རིགས་ནི་རྒྱ་ཆེན་མཆོག་ཏུ་འགྱུར་སྙམ་ནས། །ཤཱཀྱ་དག་ནི་ཡིད་དགའ་མགུ་ཞིང་ངོ་མཚར་གྱུར། །ལྷ་མོ་དེས་དེ་སྐད་ཅེས་སྨྲས་ནས། ལྷའི་མེ་ཏོག་དག་གིས་བྱང་ཆུབ་སེམས་དཔའ་དེ་ལ་མངོན་པར་གཏོར་ཏེ་དེ་ཉིད་དུ་མི་སྣང་བར་གྱུར་ཏོ། །རྒྱན་གྱི་ལེའུ་སྟེ་དགུ་
D95.046.0065b01.01པའོ།། །།དགེ་སློང་དག་དེ་ལྟར་གཞོན་ནུ་དེ་ཡ་ཟད་སྐྱེས་པ་དང་། བཀྲ་ཤིས་བརྒྱ་སྟོང་བྱས་ནས་ཁྱེའུ་སྟོང་ཕྲག་བཅུ་དང་། བུ་མོ་སྟོང་ཕྲག་བཅུས་ཡོངས་སུ་བསྐོར་ཅིང་མདུན་དུ་བདར་ཏེ་ཡི་གེའི་གྲྭར་འཇུག་པར་བྱས་སོ། །བཟའ་བ་དང་། བཅའ་བ་དང་། མྱང་བས་
D95.046.0065b02.01གང་བའི་ཤིང་རྟ་སྟོང་ཕྲག་བཅུ་དང་། གསེར་དངུལ་དང་། དབྱིག་གིས་གང་བའི་ཤིང་རྟ་སྟོང་ཕྲག་བཅུ་དྲངས་ཏེ། སྐྱེར་སྐྱའི་གནས་ཀྱི་གྲོང་ཁྱེར་ཆེན་པོའི་སྲང་དང་། གྲོང་བར་དང་། ཚོང་འདུས་ཀྱི་ཕྱོགས་གང་ཡིན་པ་དག་ཏུ་གཏོར་ཏོ། །མངོན་པར་བྱིན་ནོ། །སིལ་སྙན་འབུམ་ཕྲག་བརྒྱད་
D95.046.0065b03.01ཀྱི་སྒྲ་ཡང་ཕྱུང་ཞིང་མེ་ཏོག་གི་ཆར་ཆེན་པོ་ཡང་མངོན་པར་བབ་པོ། །སྟེགས་བུ་དང་། སྒོ་ཁང་དང་། རྟ་བབས་དང་། སྐར་ཁུང་དང་། བསིལ་ཁང་དང་། ཁང་པ་བརྩེགས་པ་དང་། ཁང་{བཟངས་,བཟང་}དག་གི་སྟེང་ནས། བུ་མོ་བརྒྱ་སྟོང་རྒྱན་ཐམས་ཅད་ཀྱིས་བརྒྱན་པ་དག །བྱང་ཆུབ་སེམས་
D95.046.0065b04.01དཔའ་ལ་ལྟ་ཞིང་མེ་ཏོག་དག་འཐོར་བར་གྱུར་ཏོ། །ལྷའི་བུ་མོ་སྟོང་ཕྲག་བརྒྱད་ནི་རྒྱན་རྣམས་ཀྱིས་ལྷུག་ལྷུག་པོར་བརྒྱན་ཏེ། རིན་པོ་ཆེ་བཟང་བྱེད་ཐོགས་ནས་ལམ་འཕྱག་ཅིང་བྱང་ཆུབ་སེམས་དཔའི་མདུན་ནས་འདོང་བར་གྱུར་ཏོ། །ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་
D95.046.0065b05.01ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་རྣམས་ཀྱང་ལུས་ཕྱེད་ཕྱུང་ཞིང་ནམ་མཁའི་དཀྱིལ་ནས་མེ་ཏོག་དང་། དར་གྱི་ལྡ་ལྡི་བྲེ་བར་གྱུར་ཏོ། །ཤཱཀྱའི་ཚོགས་ཐམས་ཅད་ཀྱང་རྒྱལ་པོ་ཟས་གཙང་མའི་མདུན་དུ་བདར་ནས་བྱང་ཆུབ་སེམས་དཔའི་མདུན་ནས་འདོང་
D95.046.0065b06.01བར་གྱུར་ཏེ། བཀོད་པའི་རྣམ་པ་འདི་ལྟ་བུ་འདིས་བྱང་ཆུབ་སེམས་དཔའ་ཡི་གེའི་གྲྭར་ཞུགས་པར་གྱུར་ཏོ། །བྱང་ཆུབ་སེམས་དཔའ་ཡི་གེའི་གྲྭར་ཞུགས་མ་ཐག་ཏུ། དེ་ནས་བྱིས་པའི་སློབ་དཔོན་ཀུན་གྱི་བཤེས་གཉེན་ཞེས་བྱ་བས་བྱང་ཆུབ་སེམས་དཔའི་དཔལ་དང་གཟི་བརྗིད་མ་བཟོད་དེ།
D95.046.0065b07.01