完整藏文原文 · 德格版页 当前仅加载第 46 函德格 13b 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་ཞེས་འདྲིའོ། །དེ་ལ་ལ་ལ་ན་རེ་ཡུལ་མ་ག་དྷཱ་ན་ལུས་འཕགས་ཀྱི་རིགས་འདི་འབྱོར་ཅིང་རྒྱས་ལ་ལོ་ལེགས་པ་དང་། བདེ་བ་དང་ལྡན་པ་ཡིན་ཏེ། དེ་ནི་བྱང་ཆུབ་སེམས་དཔའ་ཡུམ་གྱི་ལྷུམས་སུ་འཇུག་པའི་གནས་སུ་རུང་ངོ་ཞེས་ཟེར་རོ། །ལ་ལ་ན་རེ་དེ་ནི་ཚུལ་དང་འཐུན་པ་མ་
D95.046.0013b01.01ཡིན་ཏེ། དེ་ཅིའི་ཕྱིར་ཞེ་ན། འདི་ལྟར་དེ་ནི་མའི་རྒྱུད་ཀྱིས་དག་པ་ཡང་མ་ཡིན། ཕའི་རྒྱུད་ཀྱིས་དག་པ་ཡང་མ་ཡིན་ལ། བསོད་ནམས་ཆུང་ངུས་བྱུང་གི། བསོད་ནམས་རྒྱ་ཆེན་པོས་མངོན་པར་བྱུང་བ་མ་ཡིན་ཞིང་རྒོད་ལ་མི་བརྟེན་ཏེ་མི་གནས་པ་ཡིན་ལ། ཡུལ་དེ་ཡང་ཉེ་འཁོར་
D95.046.0013b02.01གསེག་མས་གང་བ། སྐྱེད་མོས་ཚལ་དང་། མཚོ་དང་། མཚེའུ་དག་ཀྱང་མི་མང་ལ་རི་བྲགས་ལྟར་མཐའ་འཁོབ་ཀྱི་གནས་སུ་གྱུར་པ་སྟེ། དེའི་ཕྱིར་དེ་ནི་ཚུལ་དང་འཐུན་པ་མ་ཡིན་ནོ་ཞེས་ཟེར་རོ། །ལ་ལ་ན་རེ་ཀོ་ས་ལའི་རིགས་འདི་འཁོར་མང་ཞིང་བཞོན་པ་མང་ལ་ནོར་ཆེ་བ་སྟེ། དེ་ནི་བྱང་ཆུབ་
D95.046.0013b03.01སེམས་དཔའ་ཡུམ་གྱི་ལྷུམས་སུ་འཇུག་པའི་གནས་སུ་རུང་ངོ་ཞེས་ཟེར་རོ། །ལ་ལ་ན་རེ་དེ་ཡང་ཚུལ་དང་འཐུན་པ་མ་ཡིན་ཏེ། དེ་ཅིའི་ཕྱིར་ཞེ་ན། འདི་ལྟར་ཀོ་ས་ལའི་རིགས་ནི་གདོལ་པའི་རིགས་ལས་ཤི་འཕོས་ནས་སྐྱེས་པ་ཡིན་ཏེ། ཕ་དང་མས་དག་པ་ཡང་མ་ཡིན་ལ། དམའ་བ་ལ་མོས་
D95.046.0013b04.01པ་སྟེ། རིགས་མཐོ་བར་ཡང་མི་བྱ། ནོར་དང་རིན་པོ་ཆེའི་གཏེར་ཡང་ཚད་མེད་པར་ཕུན་སུམ་ཚོགས་པ་མ་ཡིན་ཏེ། དེའི་ཕྱིར་དེ་ནི་ཚུལ་དང་འཐུན་པ་མ་ཡིན་ནོ་ཞེས་ཟེར་རོ། །ལ་ལ་ན་རེ་རྒྱལ་པོ་བད་སའི་རིགས་འདི་འབྱོར་ཅིང་རྒྱས་ལ། ལོ་ལེགས་པ་དང་། བདེ་བ་དང་ལྡན་པ་ཡིན་ཏེ། དེ་ནི་
D95.046.0013b05.01བྱང་ཆུབ་སེམས་དཔའ་ཡུམ་གྱི་ལྷུམས་སུ་འཇུག་པའི་གནས་སུ་རུང་ངོ་ཞེས་ཟེར་རོ། །ལ་ལ་ན་རེ་དེ་ཡང་དེའི་ཚུལ་དང་འཐུན་པ་མ་ཡིན་ཏེ། དེ་ཅིའི་ཕྱིར་ཞེ་ན། འདི་ལྟར་རྒྱལ་པོ་བད་སའི་རིགས་ནི་ཕལ་པ་སྟེ། གཏུམ་ལ་གཟི་བརྗིད་འབར་བ་ཡང་མ་ཡིན་ཞིང་། སྐྱེས་པ་གཞན་ལས་སྐྱེ་བ་གྲུབ་པ།
D95.046.0013b06.01ཕ་མ་ཉིད་ཀྱི་གཟི་བརྗིད་ཀྱི་ལས་ཀྱིས་གྲུབ་པ་མ་ཡིན་ལ། དེའི་རྒྱལ་པོ་ཡང་ཆད་པར་སྨྲ་བ་སྟེ། དེའི་ཕྱིར་དེ་ཡང་ཚུལ་དང་འཐུན་པ་མ་ཡིན་ནོ་ཞེས་ཟེར་རོ། །ལ་ལ་ན་རེ་གྲོང་ཁྱེར་ཆེན་པོ་ཡངས་པ་ཅན་འདི་ནི་འབྱོར་ཅིང་རྒྱས་ལ། ལོ་ལེགས་པ་དང་། བདེ་བ་དང་ལྡན་པ་ཡིན་ཏེ། ཉམས་
D95.046.0013b07.01