完整藏文原文 · 德格版页 当前仅加载第 46 函德格 216a 版页；藏文 NFD、目录标记与异常页序保留在来源切片中，重复版页行以稳定序号区分。
གེར་འདྲིར་འཇུག་པ་དང་། ཀུན་ཆུབ་པར་བྱེད་པ་དང་། འཁོར་གྱི་ནང་དུ་རྒྱ་ཆེར་ཡང་དག་པར་སྟོན་པར་འགྱུར་བ་དེ་དག་གིས་བསོད་ནམས་ཀྱང་ཐུག་པ་མེད་དོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་འོད་སྲུང་ཆེན་པོ་དང་། ཚེ་དང་ལྡན་པ་ཀུན་དགའ་བོ་དང་། བྱང་ཆུབ་སེམས་དཔའ་
D95.046.0216a01.01སེམས་དཔའ་ཆེན་པོ་བྱམས་པ་ལ་བཀའ་སྩལ་པ། གྲོགས་པོ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ངས་བསྐལ་པ་གྲངས་མེད་པ་བྱེ་བ་ཁྲག་ཁྲིག་བརྒྱ་སྟོང་དུ་ཡང་དག་པར་བསྒྲུབས་པ་འདི་ཁྱེད་ཀྱི་ལག་ཏུ་གཏད་དེ། ཡོངས་སུ་གཏད་པའི་མཆོག་གིས་གཏད་དོ། །ཁྱེད་བདག་ཉིད་
D95.046.0216a02.01ཀྱིས་ཀྱང་ཆོས་ཀྱི་རྣམ་གྲངས་འདི་ཟུང་ཤིག །གཞན་དག་ལ་ཡང་རྒྱ་ཆེར་ཡང་དག་པར་སྟོན་ཅིག །དེ་སྐད་ཅེས་བཀའ་སྩལ་ནས། དེའི་ཚེ་བཅོམ་ལྡན་འདས་ཀྱིས་ཆོས་ཀྱི་རྣམ་གྲངས་འདི་རྒྱ་ཆེར་ཡོངས་སུ་གཏད་པའི་ཕྱིར། དེའི་ཚེ་ཚིགས་སུ་བཅད་པ་འདི་དག་ཀྱང་བཀའ་སྩལ་ཏོ། །
D95.046.0216a03.01སངས་རྒྱས་གཟིགས་པས་སེམས་ཅན་གང་དག་ངས་མཐོང་བ། །དེ་དག་ཤཱ་རིའི་བུ་འདྲར་དགྲ་བཅོམ་པར་གྱུར་ལ། །གལ་ཏེ་ལ་ལས་གང་གཱའི་ཀླུང་གི་བྱེ་སྙེད་ཀྱི། །བསྐལ་པ་བྱེ་བར་དེ་དག་རྣམས་ལའང་མཆོད་བྱེད་ལ། །གང་ཞིག་ཉིན་ཞག་གཅིག་ཏུ་རབ་ཏུ་དགའ་བ་ཡིས། །རང་སངས་
D95.046.0216a04.01རྒྱས་རྣམས་ལ་ནི་ཕྲེང་བ་དེ་བཞིན་དུ། །གཞན་ཡང་རྣམ་པ་མཆོག་རྣམས་ཀྱིས་ནི་མཆོད་བྱེད་ན། །དེ་བས་བསོད་ནམས་བྱས་པ་འདི་ནི་ཁྱད་པར་འཕགས། །གལ་ཏེ་སེམས་ཅན་ཐམས་ཅད་རང་རྒྱལ་ཐོབ་གྱུར་ལ། །དེ་དག་རྣམས་ལ་གང་ཞིག་འདིར་ནི་བག་ཡོད་པར། །བསྐལ་པ་དུ་མར་
D95.046.0216a05.01ཟས་དང་སྐོམ་དང་བགོ་བ་དང་། །མེ་ཏོག་སྤོས་དང་བྱུག་པ་རྣམས་ཀྱིས་མཆོད་བྱེད་ལ། །གང་ཞིག་གིས་ནི་དེ་བཞིན་གཤེགས་པ་གཅིག་ཅིག་ལ། །ལན་ཅིག་ཕྱག་འཚལ་བྱེད་ཅིང་དང་བའི་སེམས་ཀྱིས་ནི། །དགྲ་བཅོམ་པ་ལ་ཕྱག་འཚལ་ལོ་ཞེས་ཚིག་བརྗོད་ན། །དེ་
D95.046.0216a06.01བས་བསོད་ནམས་འདི་ནི་ཤིན་ཏུ་ཆེས་མཆོག་གོ། །གལ་ཏེ་སེམས་ཅན་ཐམས་ཅད་སངས་རྒྱས་ཐོབ་གྱུར་ལ། །དེ་དག་རྣམས་ལ་གང་ཞིག་སྔར་བཞིན་མཆོད་བྱེད་ཅིང་། །ལྷ་ཡི་མེ་ཏོག་རྣམས་དང་མི་ཡི་མཆོག་རྣམས་དང་། །རྣམ་པ་མང་པོས་བསྐལ་པ་དུ་མར་མཆོད་བྱེད་ལ། །གང་ཞིག་
D95.046.0216a07.01