完整藏文原文 · 德格版页 当前仅加载第 46 函德格 213a 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་རྣམས་ཀུན་ལ་དབང་སྒྱུར་ཏེ། །དེས་ན་རྒྱལ་བ་ཆོས་ལ་མངའ། །ཆོས་ཀྱི་འཁོར་ལོ་རབ་བསྐོར་བས། །ཆོས་ཀྱི་རྒྱལ་པོར་བརྗོད་པ་ཡིན། །ཆོས་ཀྱི་སྦྱིན་བདག་སྟོན་པ་ཡིན། །ཆོས་ཀྱི་བདག་པོ་བླ་ན་མེད། །མཆོད་སྦྱིན་ལེགས་མཛད་དོན་གྲུབ་པ། །དགོངས་པ་
D95.046.0213a01.01རྫོགས་པ་བཀྲ་ཤིས་གྲུབ། །དབུགས་འབྱིན་མཛད་པ་དེ་གཟིགས་པ། །དཔའ་བོ་ཉོན་མོངས་ཆེན་པོ་སྤོང་། །གཡུལ་རྣམས་ཀུན་ལས་རྒྱལ་གྱུར་པ། །གྲོལ་བའི་སྐྱེས་བུ་ཐར་མཛད་པ། །འཇིག་རྟེན་གྱི་ནི་སྣང་གྱུར་པ། །ཤེས་རབ་ཡེ་ཤེས་འོད་མཛད་པ། །མི་ཤེས་མུན་པ་
D95.046.0213a02.01འཇོམས་པ་པོ། །སྒྲོན་མ་འཛིན་པ་འོད་ཆེན་ལྡན། །ཡེ་ཤེས་ཆེ་ལྡན་སྨན་པ་ཆེ། །ཉོན་མོངས་པ་ལས་གསོ་མཛད་པ། །སེམས་ཅན་ཉོན་མོངས་ཟུགས་རྣམས་ལ། །ཟུག་རྔུ་འབྱིན་པ་བླ་ན་མེད། །མཚན་རྣམས་ཐམས་ཅད་ཕུན་སུམ་ཚོགས། །དཔེ་བྱད་བཟང་པོ་ཀུན་གྱིས་
D95.046.0213a03.01མཛེས། །སྐུ་ཡིས་ཀུན་ཏུ་བཟང་བ་སྟེ། །དམན་པ་རྣམས་དང་འཐུན་པར་མཛད། །སྟོབས་བཅུའི་སྟོབས་དང་ཤིན་ཏུ་ལྡན། །བསྙེངས་པ་མི་མངའ་མི་བསྙེངས་པ། །མ་འདྲེས་རྣམ་པ་{བཅྭ་,བཅོ་}བརྒྱད་ཀྱིས། །ཐུབ་པ་ཆེན་པོ་ཐེག་པ་མཆོག །ཆོས་ཀྱི་འཁོར་ལོ་རབ་བསྐོར་བ། །འདི་ནི་མདོ་ཙམ་བཤད་
D95.046.0213a04.01པ་ཡིན། །དེ་བཞིན་གཤེགས་པའི་ཡོན་ཏན་བསྔགས། །འདི་ནི་ཅུང་ཟད་བརྗོད་པར་ཟད། །སངས་རྒྱས་ཡེ་ཤེས་མཐའ་ཡས་ཏེ། །ནམ་མཁའ་རྒྱ་ཆེ་མཉམ་པ་བཞིན། །བསྐལ་པ་ཟད་པར་བརྗོད་ཀྱང་ནི། །སངས་རྒྱས་ཡོན་ཏན་མི་ཟད་དོ། །ཆོས་ཀྱི་འཁོར་ལོ་བསྐོར་བའི་ལེའུ་ཞེས་བྱ་སྟེ། ཉི་ཤུ་
D95.046.0213a05.01རྩ་དྲུག་པའོ།། །།དེ་ནས་ལྷའི་བུ་གང་དག་གིས་དེ་བཞིན་གཤེགས་པ་ལ་ཆོས་ཀྱི་རྣམ་གྲངས་འདི་རབ་ཏུ་བཤད་པར་གསོལ་བ་བཏབ་པར་གྱུར་པ་དབང་ཕྱུག་དང་། དབང་ཕྱུག་ཆེན་པོ་དང་། དགའ་བོ་དང་། རབ་དགའ་དང་། ཙན་དན་དང་། མཆོད་པ་དང་། ཞི་བ་
D95.046.0213a06.01དང་། །རབ་ཏུ་ཞི་བ་དང་། དུལ་བའི་དབང་ཕྱུག་ལ་སོགས་པ་གནས་གཙང་མའི་རིས་ཀྱི་ལྷའི་བུ་ཁྲི་བརྒྱད་སྟོང་དང་། གང་ཡང་དེ་བཞིན་གཤེགས་པ་ཆོས་ཀྱི་འཁོར་ལོ་བསྐོར་བའི་ཚེ། འདུས་པར་གྱུར་པ་དེ་ལ་བཅོམ་ལྡན་འདས་ཀྱིས་ལྷའི་བུ་དབང་ཕྱུག་ཆེན་པོ་ལ་སོགས་པ་གནས་གཙང་མའི་རིས་ཀྱི་ལྷའི་
D95.046.0213a07.01