完整藏文原文 · 德格版页 当前仅加载第 46 函德格 37b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་མཚན་ལྡན་པ་ཞེས་བྱ་བ་དང་། འོད་དང་ལྡན་པ་ཞེས་བྱ་བ་སྟེ། བཞི་པོ་དེ་དག་ཀྱང་བྱང་ཆུབ་སེམས་དཔའ་མའི་རུམ་དུ་ཞུགས་པར་ཤེས་ནས་རྟག་ཏུ་རྒྱུན་མི་འཆད་པར་སྲུང་ངོ་། །ལྷའི་དབང་པོ་བརྒྱ་བྱིན་ཡང་ལྷའི་བུ་ལྔ་བརྒྱ་ཙམ་དང་ལྷན་ཅིག་བྱང་ཆུབ་སེམས་དཔའ་མའི་རུམ་དུ་
D95.046.0037b01.01ཞུགས་པ་ཤེས་ནས། རྟག་ཏུ་རྒྱུན་མི་འཆད་པར་ཕྱི་བཞིན་འབྲང་བར་གྱུར་ཏོ། །བྱང་ཆུབ་སེམས་དཔའ་མའི་རུམ་དུ་ཞུགས་པའི་ལུས་ནི་རྣམ་པ་འདི་ལྟ་བུར་གྱུར་ཏེ། དཔེར་ན་མཚན་མོ་མུན་པ་ཤིན་ཏུ་གནག་པའི་ནང་ན་རིའི་སྤོ་ལ་མེའི་ཕུང་པོ་ཆེན་པོ་འདུག་པ་ནི་དཔག་ཚད་གཅིག་ནས་ཀྱང་སྣང་ངོ་། །
D95.046.0037b02.01དཔག་ཚད་ལྔའི་བར་ནས་ཀྱང་སྣང་ངོ་། །དེ་བཞིན་དུ་བྱང་ཆུབ་སེམས་དཔའ་མའི་རུམ་དུ་ཞུགས་པའི་ལུས་མངོན་པར་གྲུབ་པ་ཡང་དེ་ལྟ་བུར་གྱུར་ཏེ། འོད་གསལ་ཞིང་གཟུགས་བལ་མཛེས་ཤིང་བལྟ་ན་སྡུག་པར་གྱུར་པ་དེ། ཁང་པ་བརྩེགས་པ་དེའི་ནང་དུ་སྐྱིལ་མོ་ཀྲུང་དུ་འདུག་
D95.046.0037b03.01ན་གསེར་གྱི་ས་ལེ་སྦྲམ་རིགས་དང་ལྡན་པ་རིན་པོ་ཆེ་བཻ་དཱུརྱས་བརྒྱན་པ་ལྟར་ཤིན་ཏུ་མཛེས་པར་གྱུར་ཏོ། །བྱང་ཆུབ་སེམས་དཔའི་མས་ཀྱང་བྱང་ཆུབ་སེམས་དཔའ་རུམ་ན་འདུག་པ་མཐོང་བར་གྱུར་ཏོ། །འདི་ལྟ་སྟེ་དཔེར་ན་སྤྲིན་གྱི་ཚོགས་ཆེན་པོའི་ནང་ནས་གློག་བྱུང་བ་ནི་སྣང་བ་ཆེན་པོ་
D95.046.0037b04.01སྐྱེད་དོ། །དེ་བཞིན་དུ་བྱང་ཆུབ་སེམས་དཔའ་མའི་རུམ་ན་འདུག་པ་ཡང་དཔལ་དང་། གཟི་བརྗིད་དང་། ཁ་དོག་གིས་ཉེ་བར་རིན་པོ་ཆེའི་ཁང་པ་བརྩེགས་པ་དང་པོ་དེ་སྣང་བར་བྱེད་དོ། །སྣང་བར་བྱས་ནས་སྤོས་ཀྱི་ཁང་པ་བརྩེགས་པ་གཉིས་པ་སྣང་བར་བྱེད་དོ། །སྤོས་ཀྱི་ཁང་པ་བརྩེགས་
D95.046.0037b05.01པ་གཉིས་པ་སྣང་བར་བྱས་ནས། སྤོས་ཀྱི་ཁང་པ་བརྩེགས་པ་གསུམ་པ་སྣང་བར་བྱེད་དོ། །སྤོས་ཀྱི་ཁང་པ་བརྩེགས་པ་གསུམ་པ་སྣང་བར་བྱས་ནས་མའི་ལུས་ཐམས་ཅད་སྣང་བར་བྱེད་དོ། །དེ་སྣང་བར་བྱས་ནས་དེ་སྟན་གང་ལ་འདུག་པ་དེ་སྣང་བར་བྱེད་དོ། །དེ་སྣང་བར་བྱས་ནས་
D95.046.0037b06.01ཁྱིམ་ཐམས་ཅད་སྣང་བར་བྱེད་དོ། །ཁྱིམ་ཐམས་ཅད་སྣང་བར་བྱས་ནས་འོད་འཕྲོ་བ་ཁྱིམ་གྱི་སྟེང་དུ་བྱུང་སྟེ། ཤར་ཕྱོགས་སྣང་བར་བྱེད་དོ། །དེ་བཞིན་དུ་ལྷོ་ཕྱོགས་དང་། ནུབ་ཕྱོགས་དང་། བྱང་ཕྱོགས་དང་། འོག་དང་། སྟེང་དང་། ཕྱོགས་བཅུ་ཀུན་ཏུ་རྒྱང་གྲགས་ཙམ་དུ་ཕྱོགས་
D95.046.0037b07.01