完整藏文原文 · 德格版页 当前仅加载第 46 函德格 73a 版页；藏文 NFD、目录标记与异常页序保留在来源切片中，重复版页行以稳定序号区分。
དགོས་པ་ཅི་ཞིག་མཆིས། བྲམ་ཟེ་མདུན་ན་འདོན་གྱིས་ཚིགས་སུ་བཅད་དེ་སྨྲས་པ། ཟས་གཙང་སྲས་པོ་གཟུགས་ནི་མཆོག་ཏུ་མཛེས་གྱུར་ཅིང་། །སུམ་ཅུ་རྩ་གཉིས་མཚན་ལྡན་ཡོན་ཏན་གཟི་བརྗིད་ཅན། །དེ་ཡིས་བུད་མེད་རྣམས་ཀྱི་ཡོན་ཏན་ཡི་གེར་བྲིས། །སུ་ལ་
D95.046.0073a01.01ཡོན་ཏན་འདི་ཡོད་དེ་ཡི་ཆུང་མར་འོས། །ཞེས་སྨྲས་ཏེ། དེས་དེ་ལ་ཡི་གེ་དེ་བྱིན་ནོ། །དེ་ནས་བུ་མོ་དེས་ཚིགས་སུ་བཅད་པའི་ཡི་གེ་དེ་བཀླགས་ནས། བཞིན་འཛུམ་པ་བསྟན་ཏེ། བྲམ་ཟེ་མདུན་ན་འདོན་དེ་ལ་ཚིགས་སུ་བཅད་དེ་སྨྲས་པ། བྲམ་ཟེ་ཡོན་ཏན་འདི་དག་བདག་ལ་ཀུན་ཚང་
D95.046.0073a02.01གིས། །དེས་པའི་གཟུགས་ཅན་དེ་ནི་བདག་གི་ཁྱིམ་ཐབ་བོ། །གལ་ཏེ་གཞོན་ནུ་བཞེད་ན་ཕྱི་བཤོལ་མ་མཛད་གསུངས། །བརྒྱ་ལ་སྐྱེ་བོ་ཕལ་དང་བཞུགས་པར་འགྱུར་ཡང་གདའ། །དེ་ནས་བྲམ་ཟེ་མདུན་ན་འདོན་དེ། རྒྱལ་པོ་ཟས་གཙང་མའི་དྲུང་དུ་སོང་སྟེ་དོན་དེ་བརྗོད་དོ། །རྒྱལ་པོ་
D95.046.0073a03.01ཆེན་པོ་བདག་གིས་གཞོན་ནུའི་ཚུལ་དང་འཐུན་པའི་བུ་མོ་མཐོང་ངོ་། །རྒྱལ་པོས་སྨྲས་པ། སུ་ལ་དེ་ལྟ་བུ་ཞིག་ཡོད། སྨྲས་པ། ལྷ་ཤཱཀྱ་ལག་ན་བེ་ཅོན་ཅན་ལ་བུ་མོ་དེ་ལྟ་བུ་ཞིག་མཆིས་སོ། །དེ་ནས་རྒྱལ་པོ་ཟས་གཙང་མ་འདི་སྙམ་དུ་སེམས་ཏེ། གཞོན་ནུ་དེ་ནི་ཤིན་ཏུ་ཕུལ་ཆེ་ཞིང་བཟང་
D95.046.0073a04.01བ་ལ་མོས་པ་ཡིན་ལ། །བུད་མེད་དག་ནི་ཕལ་ཆེར་ཡོན་ཏན་མེད་པ་དག་ཀྱང་། བདག་ལ་ཡོན་ཏན་ཡོད་པར་ཁས་ལེན་གྱིས། བདག་གིས་ཡིད་དུ་འོང་བའི་ཡོ་བྱད་དག་ཅིག་བྱས་ཏེ། གཞོན་ནུ་འདི་བུ་མོ་ཐམས་ཅད་ལ་སྦྱིན་པ་བྱེད་དུ་གཞུག་གོ། །བུ་མོ་དེ་དག་གི་ནང་ནས་གང་ལ་
D95.046.0073a05.01གཞོན་ནུ་མིག་མངོན་པར་ཆགས་པར་གྱུར་པ་དེ། གཞོན་ནུ་ལ་སྦྱིན་པར་བྱའོ་སྙམ་མོ། །དེ་ནས་རྒྱལ་པོ་ཟས་གཙང་མས་ཡིད་དུ་འོང་བའི་ཡོ་བྱད་གསེར་དང་། དངུལ་དང་། རིན་པོ་ཆེ་སྣ་ཚོགས་ལས་བྱེད་དུ་བཅུག་ནས་སེར་སྐྱའི་གནས་ཀྱི་གྲོང་ཁྱེར་ཆེན་པོར་དྲིལ་གྱི་སྒྲ་
D95.046.0073a06.01བསྒྲགས་ཏེ། དེང་ནས་ཞག་བདུན་ན་ཀུན་གྱིས་ཀྱང་གཞོན་ནུ་མཐོང་བར་འགྱུར་ཏེ། ཡིད་དུ་འོང་བའི་ཡོ་བྱད་དག་ཀྱང་བུ་མོ་དག་ལ་སྦྱིན་པ་བྱེད་ཀྱིས། བུ་མོ་ཐམས་ཅད་ཀྱང་འདུན་ཁང་དུ་ཤོག་ཤིག་ཅེས་བསྒོའོ། །དགེ་སློང་དག་དེ་ནས་ཞག་བདུན་ལོན་པ་དང་། བྱང་ཆུབ་སེམས་
D95.046.0073a07.01