完整藏文原文 · 德格版页 当前仅加载第 46 函德格 20a 版页；藏文 NFD、目录标记与异常页序保留在来源切片中，重复版页行以稳定序号区分。
བར་འགྱུར་རོ། །སངས་རྒྱས་རྗེས་སུ་དྲན་པ་ནི་ཆོས་སྣང་བའི་སྒོ་སྟེ། སངས་རྒྱས་མཐོང་བ་རྣམ་པར་དག་པར་འགྱུར་རོ། །ཆོས་རྗེས་སུ་དྲན་པ་ནི་ཆོས་སྣང་བའི་སྒོ་སྟེ། ཆོས་བསྟན་པ་རྣམ་པར་དག་པར་འགྱུར་རོ། །དགེ་འདུན་རྗེས་སུ་དྲན་པ་ནི་ཆོས་སྣང་བའི་སྒོ་སྟེ། སྐྱོན་མེད་པར་
D95.046.0020a01.01འཇུག་པར་འགྱུར་རོ། །གཏོང་བ་རྗེས་སུ་དྲན་པ་ནི་ཆོས་སྣང་བའི་སྒོ་སྟེ། རྫས་ཐམས་ཅད་རབ་ཏུ་སྤོང་བར་འགྱུར་རོ། །ཚུལ་ཁྲིམས་རྗེས་སུ་དྲན་པ་ནི་ཆོས་སྣང་བའི་སྒོ་སྟེ། སྨོན་ལམ་ཡོངས་སུ་རྫོགས་པར་འགྱུར་རོ། །ལྷ་རྗེས་སུ་དྲན་པ་ནི་ཆོས་སྣང་བའི་སྒོ་སྟེ། སེམས་རྒྱ་ཆེན་པོར་འགྱུར་རོ། །
D95.046.0020a02.01བྱམས་པ་ནི་ཆོས་སྣང་བའི་སྒོ་སྟེ། རྫས་ལས་བྱུང་བའི་བསོད་ནམས་བྱ་བའི་དངོས་པོ་ཐམས་ཅད་ཟིལ་གྱིས་གནོན་པར་འགྱུར་རོ། །སྙིང་རྗེ་ནི་ཆོས་སྣང་བའི་སྒོ་སྟེ། རྣམ་པར་འཚེ་བ་མེད་པ་ལྷུར་ལེན་པར་འགྱུར་རོ། །དགའ་བ་ནི་ཆོས་སྣང་བའི་སྒོ་སྟེ། མི་དགའ་བ་ཐམས་ཅད་སེལ་བར་
D95.046.0020a03.01འགྱུར་རོ། །བཏང་སྙོམས་ནི་ཆོས་སྣང་བའི་སྒོ་སྟེ། འདོད་པ་ལ་སྨོད་པར་འགྱུར་རོ། །མི་རྟག་པར་སོ་སོར་རྟོག་པ་ནི་ཆོས་སྣང་བའི་སྒོ་སྟེ། འདོད་པ་དང་། གཟུགས་ཡོད་པ་དང་། གཟུགས་མེད་པའི་འདོད་ཆགས་ལས་ཡང་དག་པར་འདའ་བར་འགྱུར་རོ། །སྡུག་བསྔལ་དུ་སོ་སོར་རྟོག་
D95.046.0020a04.01པ་ནི་ཆོས་སྣང་བའི་སྒོ་སྟེ། སྨོན་ལམ་ཀུན་ཏུ་ཆད་པར་འགྱུར་རོ། །བདག་མེད་པར་སོ་སོར་རྟོག་པ་ནི་ཆོས་སྣང་བའི་སྒོ་སྟེ། བདག་ལ་མངོན་པར་ཞེན་པ་མེད་པར་འགྱུར་རོ། །ཞི་བར་སོ་སོར་རྟོག་པ་ནི་ཆོས་སྣང་བའི་སྒོ་སྟེ། རྗེས་སུ་ཆགས་པ་འབར་བ་མེད་པར་འགྱུར་རོ། །ངོ་ཚ་ཤེས་པ་ནི་
D95.046.0020a05.01ཆོས་སྣང་བའི་སྒོ་སྟེ། ནང་ཉེ་བར་ཞི་བར་འགྱུར་རོ། །ཁྲེལ་ཡོད་པ་ནི་ཆོས་སྣང་བའི་སྒོ་སྟེ། ཕྱི་རོལ་ཉེ་བར་ཞི་བར་འགྱུར་རོ། །བདེན་པ་ནི་ཆོས་སྣང་བའི་སྒོ་སྟེ། ལྷ་དང་མི་རྣམས་མི་སླུ་བར་འགྱུར་རོ། །ཡང་དག་པ་ནི་ཆོས་སྣང་བའི་སྒོ་སྟེ། བདག་ལ་སླུ་བ་མེད་པར་འགྱུར་རོ། །ཆོས་
D95.046.0020a06.01སྤྱད་པ་ནི་ཆོས་སྣང་བའི་སྒོ་སྟེ། ཆོས་ལ་རྟོན་པར་འགྱུར་རོ། །གསུམ་ལ་སྐྱབས་སུ་འགྲོ་བ་ནི་ཆོས་སྣང་བའི་སྒོ་སྟེ། ངན་སོང་གསུམ་ལས་ཡང་དག་པར་འདའ་བར་འགྱུར་རོ། །བྱས་པ་གཟོ་བ་ནི་ཆོས་སྣང་བའི་སྒོ་སྟེ། དགེ་བའི་རྩ་བ་བྱས་པ་རྣམས་ཆུད་མི་ཟ་བར་འགྱུར་རོ། །བྱས་པ་རིག་
D95.046.0020a07.01