完整藏文原文 · 德格版页 当前仅加载第 46 函德格 172b 版页；藏文 NFD、目录标记与异常页序保留在来源切片中，重复版页行以稳定序号区分。
མ་ཐག་ཏུ་ཁྱོད། །བྱམས་དང་ཐུགས་རྗེའི་སྤྲིན་གྱི་དྲ་བ་བསྒྲུབས། །མགོན་པོ་བདུད་རྩིའི་རྒྱུན་གྱི་ཆར་ཕོབ་ལ། །ལྷ་མི་རྣམས་ཀྱི་གདུང་བ་ཞི་བར་མཛོད། །ཁྱོད་ནི་སྲིད་གསུམ་མི་གོས་པད་མ་འདྲ། །ཁྱོད་ནི་མི་གཡོ་མི་བསྐྱོད་ལྷུན་པོ་འདྲ། །ཁྱོད་ནི་ཐུགས་དམ་མི་གཡོ་རྡོ་རྗེ་བཞིན། །ཡོན་ཏན་མཆོག་
D95.046.0172b01.01ཀུན་མངའ་སྟེ་ཟླ་བ་འདྲ། །དགེ་སློང་དག་དེ་ལྟར་འོད་གསལ་བའི་ལྷ་རྣམས་ཀྱིས་དེ་བཞིན་གཤེགས་པ་ལ་མངོན་པར་བསྟོད་ནས་ཐལ་མོ་སྦྱར་ཏེ། དེ་བཞིན་གཤེགས་པ་ལ་ཕྱག་འཚལ་ཞིང་ཕྱོགས་གཅིག་ཏུ་འཁོད་དོ། །དེ་ནས་ལྷའི་བུ་རབ་ཚངས་པ་ལ་སོགས་པ་ཚངས་རིས་ཀྱི་ལྷ་རྣམས་ཀྱིས་དེ་
D95.046.0172b02.01བཞིན་གཤེགས་པ་བྱང་ཆུབ་ཀྱི་སྙིང་པོ་ལ་བཞུགས་པ་ལ་ནོར་བུ་རིན་པོ་ཆེ་བྱེ་བ་ཁྲག་ཁྲིག་བརྒྱ་སྟོང་དུ་མས་སྤྲས་པའི་རིན་པོ་ཆེའི་དྲ་བས་བཀབ་སྟེ་ལན་གསུམ་བསྐོར་བ་བྱས་ནས་ཚུལ་དང་འཐུན་པའི་ཚིགས་སུ་བཅད་པ་འདི་དག་གིས་མངོན་པར་བསྟོད་དོ། །དགེ་བ་དྲི་མེད་ཤེས་རབ་འོད་དང་གཟི་བརྗིད་ལྡན། །
D95.046.0172b03.01མཚན་གྱི་དམ་པ་སུམ་ཅུ་རྩ་གཉིས་མཆོག་མངའ་བ། །དྲན་དང་ལྡན་ཞིང་བློ་གྲོས་ལྡན་པ་ཡེ་ཤེས་མངའ། །མཉེལ་བ་མི་མངའ་ཁྱོད་ལ་མགོ་བོས་ཕྱག་འཚལ་ལོ། །དྲི་གསུམ་དྲི་མི་མངའ་བ་དྲི་མེད་དྲི་མ་བྲལ། །འཇིག་རྟེན་གསུམ་དུ་གྲགས་ཤིང་རིག་པ་གསུམ་བརྙེས་པ། །རྣམ་པར་ཐར་པ་
D95.046.0172b04.01དམ་པ་གསུམ་གྱི་མིག་སྦྱིན་པ། །སྤྱན་གསུམ་དྲི་མ་མི་མངའ་ཁྱོད་ལ་ཕྱག་འཚལ་ལོ། །དུས་ངན་རྙོག་པ་བསལ་ཞིང་རབ་ཏུ་ཞི་ཐུགས་ལྡན། །ཐུགས་བརྩེ་ཐུགས་རྗེས་འཕགས་པ་འགྲོ་བའི་དོན་མཛད་པ། །ཐུབ་པ་དགྱེས་པས་འཕགས་པ་ཐུགས་ནི་རབ་ཞི་བ། །ཁྱོད་ནི་ཡིད་གཉིས་གྲོལ་བར་མཛད་
D95.046.0172b05.01པ་བཏང་སྙོམས་དགྱེས། །བརྟུལ་ཞུགས་དཀའ་ཐུབ་འཕགས་པ་འགྲོ་བའི་དོན་མཛད་པ། །རང་སྤྱོད་རྣམ་པར་དག་ཅིང་སྤྱོད་པའི་ཕ་རོལ་བྱོན། །བདེན་པ་བཞི་པོ་སྟོན་པ་རྣམ་ཐར་དགྱེས་པ་པོ། །གྲོལ་བར་གྱུར་ནས་འགྲོ་བ་གཞན་ཡང་གྲོལ་མཛད་པ། སྟོབས་དང་བརྩོན་འགྲུས་ལྡན་པའི་བདུད་པོ་འདིར་
D95.046.0172b06.01ལྷགས་པ། །ཤེས་རབ་བརྩོན་འགྲུས་དེ་བཞིན་བྱམས་པས་ཕམ་མཛད་ནས། །ཁྱོད་ཀྱིས་གོ་འཕང་དམ་པ་འཆི་བ་མེད་པ་བརྙེས། །གཡོན་ཅན་དཔུང་རྣམས་བཅོམ་པ་ཁྱོད་ལ་ཕྱག་འཚལ་ལོ། །དགེ་སློང་དག་དེ་ལྟར་ལྷའི་བུ་རབ་ཚངས་པ་ལ་སོགས་པ་ཚངས་རིས་ཀྱི་ལྷ་རྣམས་ཀྱིས་དེ་བཞིན་གཤེགས་
D95.046.0172b07.01