完整藏文原文 · 德格版页 当前仅加载第 46 函德格 93b 版页；藏文 NFD、目录标记与异常页序保留在来源切片中，重复版页行以稳定序号区分。
བཟོད་པའི་སྒྲ་དང་དེ་བཞིན་བརྩོན་འགྲུས་སྒྲ། །བསམ་གཏན་མངོན་པར་སྒྲུབ་དང་ཏིང་འཛིན་སྒྲ། །ཤེས་རབ་དང་ནི་ཐབས་ཀྱི་སྒྲ་ཡང་བྱུང་། །བྱམས་པའི་སྒྲ་དང་དེ་བཞིན་སྙིང་རྗེའི་སྒྲ། །དགའ་དང་བཏང་སྙོམས་མངོན་པར་ཤེས་པའི་སྒྲ། །བསྡུ་བའི་དངོས་པོ་བཞི་པོ་རྣམ་ངེས་པས། །སེམས་ཅན་
D95.046.0093b01.01ཡོངས་སུ་སྨིན་བྱའི་སྒྲ་ཡང་བྱུང་། །དྲན་པ་ཉེ་བར་གཞག་པ་རབ་དབྱེ་སྒྲ། །ཡང་དག་སྤོང་དང་དེ་བཞིན་རྫུ་འཕྲུལ་དང་། །དབང་པོ་ལྔ་དང་སྟོབས་ལྔ་རབ་དབྱེ་དང་། །བྱང་ཆུབ་ཡན་ལག་སྒྲ་ནི་སིལ་སྙན་བྱུང་། །ཡན་ལག་བརྒྱད་པའི་འཕགས་ལམ་མཆོག་དབྱེ་དང་། །ཞི་གནས་སྒྲ་དང་དེ་
D95.046.0093b02.01བཞིན་ལྷག་མཐོང་དང་། །མི་རྟག་པ་དང་སྡུག་བསྔལ་བདག་མེད་སྒྲ། །མི་སྡུག་སྒྲ་ཡང་སིལ་སྙན་རྣམས་ལས་བྱུང་། །འདོད་ཆགས་བྲལ་སྒྲ་དེ་བཞིན་དབེན་པའི་སྒྲ། །ཟད་པ་ཤེས་པའི་སྒྲ་དང་མི་སྐྱེ་སྒྲ། །འགོག་པའི་སྒྲ་དང་དེ་བཞིན་གནས་མེད་སྒྲ། །མྱ་ངན་འདས་པའི་སྒྲ་ཡང་སིལ་སྙན་
D95.046.0093b03.01བྱུང་། །རྫོགས་པའི་བྱང་ཆུབ་སེམས་དཔའི་མཐུ་ཡིས་ན། །སྙིལ་སྙན་དག་ལས་འདི་འདྲའི་སྒྲ་བྱུང་སྟེ། །སྒྲ་དེ་ཐོས་ནས་བུད་མེད་ཐམས་ཅད་ཀྱིས། །སེམས་ཅན་མཆོག་རབ་རྗེས་བསླབས་བྱང་ཆུབ་སྨོན། །དགེ་སློང་དག་དེ་ལྟར་བྱང་ཆུབ་སེམས་དཔའ་བཙུན་མོའི་འཁོར་གྱི་ནང་ན་འདུག་པས་བུད་
D95.046.0093b04.01མེད་བརྒྱད་ཁྲི་བཞི་སྟོང་དང་། ལྷའི་བུ་བརྒྱ་སྟོང་མང་པོ་གང་དག་དེར་འདུས་པར་གྱུར་པ་དག་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྨིན་པར་བྱས་པར་གྱུར་ཏོ། །དེ་ནས་བྱང་ཆུབ་སེམས་དཔའ་མངོན་པར་འབྱུང་བའི་དུས་ལ་བབ་པ་དང་། དགའ་ལྡན་གྱི་རིས་ཀྱི་ལྷའི་
D95.046.0093b05.01བུ་ཁྲེལ་ཡོད་པའི་ལྷ་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པ་དེས་མཚན་མོ་མི་ཉལ་ཙམ་ན། ལྷའི་བུ་འབུམ་ཕྲག་སུམ་ཅུ་རྩ་གཉིས་ཀྱིས་བསྐོར་ཅིང་མདུན་དུ་བདར་ཏེ་བྱང་ཆུབ་སེམས་དཔའ་ལ་རིམ་གྲོ་བྱ་བའི་ཕྱིར་ཁང་{བཟངས་,བཟང་}ག་ལ་བ་དེར་སོང་སྟེ་ཕྱིན་ནས་ནམ་
D95.046.0093b06.01མཁའི་དཀྱིལ་ན་འདུག་སྟེ། བྱང་ཆུབ་སེམས་དཔའ་ལ་ཚིགས་སུ་བཅད་དེ་སྨྲས་པ། ཤི་འཕོ་བ་ནི་ཤིན་ཏུ་བསྟན། །སྐྱེས་བུ་སེང་གེས་ཚེ་ཡང་བསྟན། །བཙུན་མོའི་འཁོར་ཡང་བསྟན་པ་མཛད། །ཁྱོད་ཀྱིས་འཇིག་རྟེན་རྗེས་འཐུན་མཛད། །འཇིག་རྟེན་ཆོས་ནི་རྗེས་ཐོབ་པས། །ལྷ་མི་མང་
D95.046.0093b07.01