完整藏文原文 · 德格版页 当前仅加载第 46 函德格 61b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་ལྷའི་བུ་མང་པོ་དང་ལྷན་ཅིག་ཏུ་བྱང་ཆུབ་སེམས་དཔའ་ལ་མཆོད་པ་དང་། རིམ་གྲོ་ཆེན་པོ་བྱས་ཏེ། དེ་ཁོ་ནའི་ལུང་བསྟན་པས་བྱང་ཆུབ་སེམས་དཔའ་ལུང་བསྟན་ནས་ཕྱིར་བདག་གི་གནས་སུ་སོང་ངོ་། །དེ་ལ་འདི་སྐད་ཅེས་བྱ་སྟེ། ཡོན་ཏན་རྒྱ་མཚོའི་ཕ་རོལ་ཕྱིན་པ་དེ་བལྟམ་པ། །ལྷ་
D95.046.0061b01.01ཡི་དབང་པོས་ཤེས་ནས་དགའ་སྟེ་ལྷ་ལ་སྨྲས། །དེ་ཐོས་འགྱུར་བའང་བསྐལ་པ་བྱེ་མང་ཤིན་ཏུ་དཀའ། །ཚུར་ཤོག་མི་ཡི་དབང་པོ་དེ་ལ་མཆོད་དུ་འདེང་། །རིན་ཆེན་ནོར་བུས་གཙུག་ནི་ལེགས་བརྒྱན་སྤྱོད་ལམ་ལྡན། །གཙུག་པུད་མཛེས་པ་འཕྱང་བ་རྣམ་པར་དག་པའི་ལྷ། །སྟོང་ཕྲག་
D95.046.0061b02.01བཅུ་གཉིས་ཚང་བ་སེར་སྐྱའི་གནས་མཆོག་ཏུ། །མྱུར་དུ་ལྷགས་ནས་རྒྱལ་པོའི་སྒོ་ཡི་དྲུང་ན་སྡོད། །དེ་དག་རྣམས་ཀྱིས་སྒོ་བ་ལ་ནི་ཡིད་འོང་སྨྲས། །རྒྱལ་པོའི་ཕོ་བྲང་སོང་སྟེ་ཐུགས་སུ་ཆུད་པར་གསོལ། །ཆབ་སྒོ་བས་ཀྱང་ཚིག་དེ་མཉན་ནས་ནང་དུ་སོང་། །ཐལ་མོ་སྦྱར་ནས་རྒྱལ་པོ་དེ་ལ་
D95.046.0061b03.01འདི་སྐད་སྨྲས། །ལྷན་ཅིག་རྟག་ཏུ་རྒྱལ་གྱུར་སྐུ་ཚེ་རིང་དུ་སྲུངས། །བསོད་ནམས་ཡངས་པ་རྣམ་དག་འོད་ཅན་ཆབ་སྒོར་མཆིས། །རིན་ཆེན་ནོར་བུས་གཙུག་ནི་ལེགས་བརྒྱན་སྤྱོད་ལམ་ལྡན། །ཟླ་བ་ཉ་ལྟར་བཞིན་བཟང་ཟླ་ལྟར་དྲི་མེད་འོད། །རྒྱལ་པོ་དེ་དག་གང་དུ་མཆི་ཡང་གྲིབ་མི་
D95.046.0061b04.01གདའ། །སུག་པ་འདོར་ཡང་གོམ་པའི་སྒྲ་དག་ཐོས་མི་འགྱུར། །དོག་སར་རྒྱུ་བ་བགྱིད་ཀྱང་རྡུལ་ནི་ཡོང་མི་ལྡང་། །སྐྱེ་བོ་རྣམས་ཀྱང་དེ་དག་མཐོང་ན་ངོམས་མི་འགྱུར། །དེ་དག་ལུས་ཀྱི་འོད་ནི་ཤིན་ཏུ་རྒྱ་ཆེན་གསལ། །ཚིག་ཀྱང་ཡིད་དུ་མཆིས་ཏེ་མི་ལ་དཔེ་མ་མཆིས། །ཟབ་ཅིང་འཇམ་
D95.046.0061b05.01མཉེན་སྙན་པ་འབྱུང་བའི་གནས། །དེ་དག་མི་མ་ལགས་ཀྱི་ལྷ་ཚོགས་ལགས་སྙམ་བགྱིད། །མེ་ཏོག་མཆོག་ཕྲེང་བྱུག་པ་དར་གྱི་ལྡ་ལྡི་དག །ཀུན་གྱི་ལག་ན་ཐོགས་ནས་གུས་དང་བཅས་པར་སྡོད། །རྒྱལ་པོ་ལྷ་རྣམས་དེ་དག་གཞོན་ནུ་ལྷ་ཡི་ལྷ། །བལྟ་བར་འཚལ་ཞིང་མཆོད་པའི་
D95.046.0061b06.01སླད་དུ་མཆིས་སུ་ངེས། །རྒྱལ་པོས་དེ་སྐད་ཚིག་ཐོས་རབ་ཏུ་དགར་གྱུར་ནས། །སོང་སྟེ་ཀུན་ཀྱང་ཕོ་བྲང་ནང་དུ་གཤེགས་ཞེས་གྱིས། །དེ་དག་ཡོན་ཏན་སྤྱོད་ལམ་ཁྱོད་ཀྱིས་སྨྲས་ལྟར་ན། །རྫུ་འཕྲུལ་དེ་འདྲ་བ་ནི་མི་ལ་གང་ཡང་མེད། །སྒོ་བས་ཐལ་མོ་སྦྱར་ཏེ་ལྷ་ལ་འདི་སྐད་སྨྲས། །
D95.046.0061b07.01