完整藏文原文 · 德格版页 当前仅加载第 46 函德格 102b 版页；藏文 NFD、目录标记与异常页序保留在来源切片中，重复版页行以稳定序号区分。
འདིར་བཞུགས་པར་གྱུར་ལགས་ན། །ཁྱོད་ནི་ཇི་ལྟར་དགྱེས་པ་སྐྱེ་བར་འགྱུར། །ལྷ་ཡི་དབང་ཕྱུག་རྣམས་ཀྱིས་དེ་བསྐུལ་ནས། །ཡུད་ཙམ་བཙུན་མོའི་འཁོར་ལ་ལྟ་ཞིང་རྟོག །བལྟས་ནས་སྨད་པར་གྱུར་པ་དེ་དག་མཐོང་། །དུར་ཁྲོད་གནས་པར་གྱུར་པ་བདེན་སྙམ་བྱེད། །བྱང་ཆུབ་སེམས་དཔས་
D95.046.0102b01.01ཐམས་ཅད་དང་ལྡན་པའི་བུད་མེད་ཀྱི་ཚོགས་ལ་རྣམ་པར་བལྟས་པ་དང་། ཁ་ཅིག་ནི་གོས་ལྷུང་བར་གྱུར། ཁ་ཅིག་ནི་སྐྲ་ཞིག །ཁ་ཅིག་ནི་རྒྱན་བྲུལ། ཁ་ཅིག་ནི་ཅོད་པན་ལྷུང་། ཁ་ཅིག་ནི་ཕྲག་པ་མི་སྡུག་པར་གྱུར། ཁ་ཅིག་ནི་ལུས་རྣམ་པར་འཁྲུགས། ཁ་ཅིག་ནི་བཞིན་མི་སྡུག་པར་གནས།
D95.046.0102b02.01ཁ་ཅིག་ནི་མིག་གྱུར། ཁ་ཅིག་ནི་ཁ་ཆུ་ཟག །ཁ་ཅིག་ནི་སྔུར། ཁ་ཅིག་ནི་ལུད་པ་ལུ། ཁ་ཅིག་ནི་རྒོད། ཁ་ཅིག་ནི་བརྡོལ། ཁ་ཅིག་ནི་སོ་འཁྲིག །ཁ་ཅིག་ནི་བཞིན་མདོག་གྱུར། ཁ་ཅིག་ནི་གཟུགས་མི་སྡུག་པར་གྱུར་ཏེ། ལག་པ་རིང་པོར་གྱུར། ཁ་ཅིག་ནི་རྐང་པ་ཕྲལ། ཁ་ཅིག་ནི་མགོ་ཕྱུང་།
D95.046.0102b03.01ཁ་ཅིག་ནི་མགོ་གཡོགས། ཁ་ཅིག་ནི་བཞིན་གྱི་དབྱིབས་གྱུར། ཁ་ཅིག་ནི་ལུས་མ་རུངས་པར་གྱུར། ཁ་ཅིག་ནི་ལུས་སྒྲེན་མོར་གྱུར། ཁ་ཅིག་ནི་ལུས་བསྐུམས་ཤིང་སྔུར། ཁ་ཅིག་ནི་རྫ་རྔ་ལ་འཁྱུད་ནས་ལུས་གན་རྐྱལ་དུ་འགྱེལ། ཁ་ཅིག་ནི་པི་བང་དང་རྒྱུད་གསུམ་པའི་སྟེང་དུ་ལག་པ་བརྐྱང་།
D95.046.0102b04.01ཁ་ཅིག་ནི་གླིང་བུ་ལ་སོས་འདེབས། ཁ་ཅིག་ནི་རོལ་མོའི་ཆ་བྱད་ཀིམ་པ་ལ་དང་། ན་ཀུ་ལ་དང་། ཁར་བའི་སིལ་ཁྲོལ་དང་། ཕེག་ལ་འཛིན། ཁ་ཅིག་ནི་མིག་འཛུམས་ཤིང་འབྱེད་ལ་འགྱུར། ཁ་ཅིག་ནི་ཁ་གདངས་པར་གྱུར་ཏེ། དེ་ལྟར་ས་ལ་མི་སྡུག་པར་གནས་པར་གྱུར་པའི་བཙུན་མོའི་
D95.046.0102b05.01འཁོར་ལ་ལྟ་ཞིང་བྱང་ཆུབ་སེམས་དཔའ་དུར་ཁྲོད་ཀྱི་འདུ་ཤེས་སྐྱེད་དོ། །དེ་ལ་འདི་སྐད་ཅེས་བྱ་སྟེ། འཇིག་རྟེན་མགོན་དེས་དེ་མཐོང་ཡིད་བྱུང་སྟེ། །སྙིང་རྗེས་ཤུགས་ཕྱུང་ནས་ནི་འདི་སྐད་སྨྲས། །ཨེ་མ་སྐྱེ་དགུ་དག་ནི་སྡུག་བསྔལ་གྱུར། །སྲིན་མོའི་ཚོགས་ལ་དགའ་བ་ཇི་ལྟར་རྙེད། །འདོད་
D95.046.0102b06.01པའི་ཡོན་ཏན་ཡོད་མིན་ཡོན་ཏན་འཛིན། །གཏི་མུག་མུན་པས་རབ་བསྒྲིབས་བློ་གྲོས་ངན། །དཔེར་ན་བྱ་ནི་བྱ་རྒྱར་ཆུད་པ་བཞིན། །ནམ་ཡང་འབྱུང་བ་རྙེད་པར་འགྱུར་མ་ཡིན།། །།འཕགས་པ་རྒྱ་ཆེར་རོལ་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་བཅུ་པ།
D95.046.0102b07.01