完整藏文原文 · 德格版页 当前仅加载第 46 函德格 139a 版页；藏文 NFD、目录标记与异常页序保留在来源切片中，重复版页行以稳定序号区分。
མི་ནུས། །དགེ་སློང་དག་དེ་ལྟར་བྱང་ཆུབ་སེམས་དཔའི་ལུས་ལས་འོད་ཕྱུང་བ་རྣམ་པར་དག་པ། དྲི་མ་མེད་པ། ལུས་དང་སེམས་ཚིམ་པར་བྱེད་ཅིང་དགའ་བསྐྱེད་པ། ཉོན་མོངས་པ་ཐམས་ཅད་སེལ་བ། སེམས་ཅན་ལ་དགའ་བ་དང་། བདེ་བ་དང་། དད་པ་དང་། མཆོག་ཏུ་
D95.046.0139a01.01དགའ་བ་ཐམས་ཅད་སྐྱེད་པ་དེས་ཀླུའི་རྒྱལ་པོ་ནག་པོའི་གནས་སྣང་བར་བྱས་པར་མཐོང་ནས། དེའི་ཚེ་ཀླུའི་རྒྱལ་པོ་ནག་པོ་རང་གི་འཁོར་གྱི་མདུན་དུ་འདུག་སྟེ་ཚིགས་སུ་བཅད་པ་འདི་དག་སྨྲས་སོ། །གང་ཕྱིར་བདག་གི་གནས་འདི་གསེར་གྱི་འོད་ཀྱིས་བརྒྱན་པར་ལྷ་དེར་གྱུར་པ་ལས། །ཇི་ལྟར་
D95.046.0139a02.01འཁོར་བ་འཇིག་གི་འོད་མཛེས་མཐོང་ཞིང་གསེར་ཞེས་བྱ་བ་མཐོང་བ་དང་། །ཇི་ལྟར་འོད་སྲུང་ཆོས་ཀྱི་རྒྱལ་པོ་སྐྱོན་མེད་པ་ཡི་དྲི་མེད་འོད་མཐོང་ལྟར། །མཚན་མཆོག་ལྡན་ཞིང་ཕན་མཛད་ཡེ་ཤེས་འོད་ལྡན་པ་ཞིག་འབྱུང་དུ་ཐེ་ཚོམ་མེད། །སྔོན་ཆད་ཉེས་པར་བྱས་པའི་ལས་ཀྱིས་བདག་གི་
D95.046.0139a03.01ཁྱིམ་ནི་ཤིན་ཏུ་མུན་པས་གང་། །ཁྱིམ་འདི་ན་ནི་ཉི་མ་ཟླ་བ་དག་གིས་རྒྱ་ཆེར་འོད་ཀྱང་ཡོང་མི་སྣང་། །མེ་དང་ནོར་བུ་དག་དང་དྲི་མེད་གློག་དང་སྐར་མ་རྣམས་ཀྱི་འོད་མི་སྣང་། །བརྒྱ་བྱིན་འོད་དང་ཚངས་པའི་འོད་དང་ལྷ་མིན་རྣམས་ཀྱི་འོད་ཀྱང་མི་སྣང་ན། །དེ་རིང་ཁྱིམ་འདིའི་ནང་དུ་ཉི་མའི་འོད་འདྲ་བ་ཡི་
D95.046.0139a04.01དགེ་བས་མཛེས་གྱུར་ལ། །སེམས་ཀྱང་དགའ་བསྐྱེད་ཅིང་ལུས་ཀྱང་བདེ་བར་གྱུར་ལ་ལུས་ནི་བསིལ་གྱུར་ཏེ། །ལུས་ཀྱི་སྟེང་དུ་བྱེ་ཚན་འབབ་པ་དེ་ཡང་བདག་ལ་བསིལ་བར་གྱུར་པ་ལས། །བསྐལ་པ་བྱེ་བ་མང་པོར་སྤྱད་པ་བྱང་ཆུབ་ཤིང་དྲུང་བཞུད་པར་ཤིན་ཏུ་གསལ། །ཀླུ་ཡི་མེ་ཏོག་མཛེས་དང་
D95.046.0139a05.01བཟང་ལ་དྲི་ཞིམ་གོས་དང་མུ་ཏིག་དོ་ཤལ་དང་། །རྒྱན་དང་གདུ་བུ་དག་དང་ཕྱེ་མ་རྣམས་དང་བདུག་པ་མཆོག་རྣམས་མྱུར་ཐོགས་ལ། །གླུ་དབྱངས་དག་དང་རོལ་མོའི་དབྱངས་སྒྲ་སྣ་ཚོགས་གྱིས་ཤིག་རྔ་དང་རྫ་རྔ་བཟང་། །བརྡུང་ཞིང་འགྲོ་བླ་ཀུན་གྱིས་མཆོད་འོས་ཕན་པ་མཛད་ལ་མཆོད་པ་བྱེད་དུ་འདེང་། །
D95.046.0139a06.01དེ་ནི་ལངས་ཏེ་ཀླུ་ཡི་བུ་མོ་རྣམས་དང་ལྷན་ཅིག་ཕྱོགས་བཞིར་བལྟས་པ་དང་། །དེ་ནས་རི་བོ་ལྷུན་པོ་ལྟ་བུར་གཟི་བརྗིད་རྣམས་ཀྱིས་ལེགས་པར་བརྒྱན་པ་ཞིག །ལྷ་དང་ལྷ་མིན་བྱེ་བ་དག་དང་ཚངས་པའི་དབང་དང་གནོད་སྦྱིན་རྣམས་ཀྱིས་བསྐོར། །དགའ་བའི་ཡིད་ཀྱིས་དེ་ལ་མཆོད་བྱེད་ཤུལ་ནི་
D95.046.0139a07.01