完整藏文原文 · 德格版页 当前仅加载第 46 函德格 116a 版页；藏文 NFD、目录标记与异常页序保留在来源切片中，重复版页行以稳定序号区分。
ལྟ་བའི་རང་བཞིན་འདྲ་སྟེ་རྟག་མ་ཡིན། །བྱིས་པ་འདུ་ཤེས་ཀྱིས་བཟུང་ལྟ་བ་ཕྱིན་ཅི་ལོག་པས་སྐྱེ་དང་འཆི་འཕོ་གནས་པར་གྱུར། །དེ་ཡིས་སྔོན་ཆད་རྒ་ཤི་ལྡན་པའི་འདུས་བྱས་དག་ལ་གྲོགས་པོ་འགའ་ཡང་མེད་ཅེས་བསྟན། །ཁྱོད་ཀྱི་དགོངས་པ་ཡོངས་སུ་རྫོགས་
D95.046.0116a01.01ནས་ཤིང་མཆོག་དྲུང་དུ་བྱང་ཆུབ་དམ་པ་མཆོག་ཐོབ་གྱུར། །རྡུལ་མེད་བྱང་ཆུབ་སངས་རྒྱས་ནས་ནི་གྲོང་ཁྱེར་དམ་པ་འདིར་ནི་སླར་ཡང་གཤེགས་སུ་གསོལ། །འདུན་པ་དེ་ཡང་མཆོག་ཏུ་ཡིད་མི་དགའ་ཞིང་ས་འཚོ་མ་ཡི་ཚིག་ནི་ཐོས་གྱུར་ནས། །དེ་ནི་ང་རོ་འཐོན་ཅིང་ཚིག་ཏུ་སྨྲས་པ་ས་
D95.046.0116a02.01འཚོ་མ་ཁྱོད་བདག་ཚིག་ལེགས་པར་གསོན། །ནམ་གྱི་གུང་ཐུན་བུད་མེད་ཚོགས་རྣམས་ཐམས་ཅད་རབ་ཏུ་གཉིད་ཀྱིས་ལོག་སྟེ་དབེན་གྱུར་པ། །དེ་ཡི་ཚེ་ན་བསོད་ནམས་བརྒྱས་འཕགས་དེ་ཡིས་བདག་ལ་བསྔགས་ལྡན་ང་ལ་བྱིན་ཞེས་གསུང་། །དེ་སྐད་ཚིག་ཐོས་ནས་ནི་དེ་མ་ཐག་ཏུ་
D95.046.0116a03.01བདག་གིས་ཁྱོད་ནི་གཟིམས་མལ་གཟིམས་ལ་བལྟས། །དེ་ཚེ་ཁྱོད་ཀྱི་སྡུག་པ་འདི་ནི་གཤེགས་ཀྱིས་ས་འཚོ་བཞེངས་ཞེས་སྒྲ་སྐད་ཆེན་པོ་ཕྱུང་། །ལྷ་ཡིས་ཚིག་དེ་བཀག་པར་གྱུར་པས་བུད་མེད་རྣམས་ལས་འགའ་ཙམ་ཞིག་ཀྱང་སད་མ་གྱུར། །བདག་ནི་རབ་ཏུ་ངུ་ཞིང་རྟ་ཡི་རྒྱལ་
D95.046.0116a04.01པོ་བརྒྱན་པ་བགྱིས་ནས་མི་མཆོག་དེ་ལ་ཕུལ། །བསྔགས་ལྡན་དྲག་ཤུལ་ཅན་གྱི་གཟི་ལྡན་སྒྲ་བྱུང་དེ་ཡི་སྒྲ་ནི་རྒྱང་གྲགས་ཙམ་ཏུ་གྲགས། །འོན་ཀྱང་ལྷ་ཡིས་གཉིད་ཀྱིས་ལོག་པར་བགྱིས་པས་གྲོང་ཁྱེར་པ་ལས་འགའ་ཡང་སད་མ་གྱུར། །གསེར་དང་དངུལ་དང་ནོར་བུ་རྣམས་ཀྱིས་
D95.046.0116a05.01གཡོགས་པའི་ས་ལ་བསྔགས་ལྡན་རྐང་ལག་རབ་ཏུ་བརྡབས། །དེ་ལས་སྙན་དང་འཇིགས་དང་མཛེས་པའི་སྒྲ་བྱུང་འོན་ཀྱང་མི་ལས་འགའ་ཙམ་སད་མ་གྱུར། །དེ་ཡི་བར་སྐབས་སྐར་མ་རྒྱལ་དང་ལྡན་གྱུར་ཟླ་བ་སྐར་མ་དག་ཀྱང་མཁའ་ལ་གནས། །མཁའ་ལས་ལྷ་རྣམས་བྱེ་བ་ཐལ་
D95.046.0116a06.01མོ་སྦྱར་ཏེ་བཏུད་ནས་ཕྱག་ཀྱང་རབ་ཏུ་འཚལ། །གནོད་སྦྱིན་སྲིན་པོ་ཚོགས་རྣམས་ཉེ་བར་གནས་ཤིང་འཇིག་རྟེན་སྐྱོང་བ་རྫུ་འཕྲུལ་ཆེ་ལྡན་བཞིས། །པད་མའི་ཟེ་བ་ལྟ་བུར་རྣམ་དག་དྲི་མེད་ལག་པས་བསྔགས་ལྡན་གྱི་ནི་རྐང་ལག་བཏེག །བསོད་ནམས་གཟི་བརྗིད་བརྒྱས་འཕགས་དེ་ཡང་
D95.046.0116a07.01