完整藏文原文 · 德格版页 当前仅加载第 46 函德格 50b 版页；藏文 NFD、目录标记与异常页序保留在来源切片中，重复版页行以稳定序号区分。
སེང་གེ་བརྟུལ་ཞུགས་གྲུབ་པ་དེ་ཡང་རྩིབ་ལོགས་གཡས་ནས་བྱུང་། །གསེར་གྱི་རི་དང་འདྲ་ཞིང་དག་པའི་འོད་དང་ལྡན་པའི་འདྲེན་པ་བལྟམ། །བརྒྱ་བྱིན་ཚངས་པ་གཉིས་ཀྱིས་ལག་པ་དར་ཏེ་ཐུབ་པ་དེ་ཡང་བླངས། །ཞིང་རྣམས་བརྒྱ་སྟོང་འོད་{བཟངས་,བཟང་}བཀྱེ་བས་ཐམས་ཅད་རབ་ཏུ་གཡོས་པར་
D95.046.0050b01.01གྱུར། །ངན་སོང་གསུམ་གྱི་སེམས་ཅན་རྣམས་ཀྱང་བདེ་ཞིང་སྡུག་བསྔལ་མེད་གྱུར་ཏེ། །ལྷ་རྣམས་བརྒྱ་ཕྲག་སྟོང་གིས་མེ་ཏོག་གཏོར་ཏེ་གོས་ཀྱི་གཡབ་མོ་ཕྱུང་། །དེ་ཚེ་ས་འདི་སྟོབས་མཐུ་ལྡན་ཞིང་རྡོ་རྗེའི་དངོས་གནས་པད་མ་མཛེས། །སྣ་ཚོགས་མངོན་མཐོན་དགེ་ལ་འདྲེན་པ་འཁོར་ལོའི་
D95.046.0050b02.01མཚན་རིས་ཞབས་བཞག་སྟེ། །གོམ་པ་བདུན་དུ་བཞུད་ནས་ཚངས་པའི་སྒྲ་དབྱངས་དམ་པ་གསུངས་པ་ནི། །རྒ་ཤི་སེལ་བའི་སྨན་པ་དམ་པ་སེམས་ཅན་མཆོག་ཏུ་བདག་འགྱུར་རོ། །ཚངས་པའི་མཆོག་དང་བརྒྱ་བྱིན་ལྷ་མཆོག་ནམ་མཁའི་དཀྱིལ་ན་འཁོད་གྱུར་ཏེ། །གཙང་ཞིང་དང་ལ་མཛེས་
D95.046.0050b03.01པའི་སྤོས་ཆུ་དག་གིས་འདྲེན་པའི་སྐུ་ཡང་བསིལ། །ཀླུ་ཡི་རྒྱལ་གཉིས་བར་སྣང་གནས་ནས་གྲང་དྲོའི་ཆུ་ཡི་རྒྱུན་ཀྱང་གཏོར། །ལྷ་རྣམས་བརྒྱ་སྟོང་དག་ཀྱང་སྤོས་ཆུ་དག་གིས་འདྲེན་པའི་སྐུ་བསིལ་བྱེད། །འཇིག་རྟེན་སྐྱོང་བ་རྣམས་ཀྱང་རིམ་གྲོ་དམ་པར་ལག་པ་བཟང་པོས་ལེན། །སྟོང་གསུམ་
D95.046.0050b04.01འདི་ཡང་རྒྱུ་དང་མི་རྒྱུ་བཅས་པར་རབ་ཏུ་གཡོས་པར་གྱུར། །མཛེས་པའི་འོད་རྣམས་བཀྱེ་བས་ངན་སོང་རྣམས་ཀྱང་རབ་ཏུ་ཞི་བར་འགྱུར། །འཇིག་རྟེན་རྣམ་པར་འདྲེན་པ་བལྟམ་པས་ཉོན་མོངས་སྡུག་བསྔལ་དེ་དག་ཞི། །མི་ཡི་འདྲེན་པ་རྒྱལ་བ་ལ། །ལྷ་རྣམས་མེ་ཏོག་སིལ་མ་འཐོར། །
D95.046.0050b05.01སྟོབས་དང་བརྩོན་འགྲུས་ལྡན་པ་ཡི། །བརྟན་པ་གོམ་པ་བདུན་དུ་བཞུད། །ས་ཕྱོགས་གང་དུ་ཞབས་བཞག་པ། །དེར་ནི་པད་མ་བཟང་པོའི་མཆོག །རིན་ཆེན་ཀུན་གྱིས་བརྒྱན་པ་དག །ས་ལས་མངོན་དུ་འཐོན་པར་གྱུར། །དེ་ལྟར་གོམ་པ་བདུན་བཞུད་ནས། །རྒ་དང་འཆི་བ་སེལ་བ་ཡི། །
D95.046.0050b06.01སྨན་པ་དམ་པ་འདིར་བྱུང་ཞེས། །ཚངས་པའི་དབྱངས་ཀྱིས་གསུང་བརྗོད་དོ། །འཇིགས་མེད་ཕྱོགས་སུ་རྣམ་གཟིགས་ཏེ། །དེ་ནས་དོན་ལྡན་གསུང་ཕྱུང་བ། །ང་ནི་འཇིག་རྟེན་ཀུན་གྱི་གཙོ། །འཇིག་རྟེན་ཕུལ་ཕྱིན་རྣམ་པར་འདྲེན། །ང་ཡི་སྐྱེ་མཐའ་འདི་ཡིན་ཞེས། །མི་ཡི་འདྲེན་པས་
D95.046.0050b07.01