完整藏文原文 · 德格版页 当前仅加载第 46 函德格 70b 版页；藏文 NFD、目录标记与异常页序保留在来源切片中，重复版页行以稳定序号区分。
བསམ་གཏན་བྱེད། །དྲང་སྲོང་ལྔ་ཞིག་ནམ་མཁའི་དཀྱིལ་ནས་དོང་དོང་ན། །འཛམ་བུའི་ཤིང་གི་སྟེང་དུ་ཕྱིན་ནས་འདོང་མ་ནུས། །དེ་དག་ཐོགས་ནས་ང་རྒྱལ་དྲེགས་པ་སྤང་བྱ་ཞིང་། །དེ་དག་ཐམས་ཅད་འཐུན་པར་ལྷན་ཅིག་ལྟ་བར་བྱེད། །བདག་ཅག་རི་མཆོག་རི་རབ་དེ་བཞིན་འཁོར་ཡུག་དག །
D95.046.0070b01.01ཐལ་ཕྱུང་ཐགས་ཐོགས་མེད་པར་ཤུགས་ཀྱིས་དོང་དོང་ན། །བདག་ཅག་དེ་རིང་འཛམ་བུའི་ཤིང་ལྗོན་འདི་ལས་ནི། །འདའ་བར་མ་ནུས་འདི་ལ་རྒྱུ་རྐྱེན་ཅི་ཞིག་ཡོད། །བབས་ཏེ་ས་སྟེང་འདུག་ནས་འཛམ་བུའི་ཤིང་དྲུང་ན། །ཤཱཀྱའི་བུ་ཕོ་བྱང་ཆུབ་སེམས་དཔའ་གཟི་བརྗིད་ཅན། །འཛམ་
D95.046.0070b02.01གླིང་གསེར་གྱི་འོད་འཕྲོ་འདྲ་བ་འོད་ཟེར་ལྡན། །སྐྱིལ་མོ་ཀྲུང་བཅས་བསམ་གཏན་བྱེད་པ་དེ་ཚེ་མཐོང་། །དེ་དག་རྨད་གྱུར་སྤྱི་བོར་སོར་བཅུ་ཐལ་སྦྱར་ཏེ། །ཐལ་མོ་སྦྱར་བ་རྐང་པར་གཏུགས་ནས་ཕྱག་འཚལ་ལོ། །འགྲོ་བ་ཤིན་ཏུ་བདེ་མཛད་ལེགས་པར་བལྟམ་པ་ལེགས། །མྱུར་དུ་
D95.046.0070b03.01རྣམ་སངས་རྒྱས་ཏེ་བདུད་རྩིར་སེམས་ཅན་ཐུལ། །སྡོང་པོ་མཆོག་ནི་པད་མ་འདྲ་བའི་སྤྱན་ལ་འདུད། །གདུགས་ཡོལ་གྱུར་ཀྱང་གྲིབ་མས་བདེ་བར་གཤེགས་མི་གཏོང་། །ལྷ་རྣམས་སྟོང་ཕྲག་མང་པོ་གནས་པ་ཐལ་སྦྱར་ནས། །དེས་པར་བྱས་པ་དེ་ཡི་རྐང་པར་ཕྱག་ཀྱང་འཚལ། །ཟས་གཙང་
D95.046.0070b04.01རྒྱལ་པོ་བདག་གི་ཁྱིམ་ན་ཡོངས་ཚོལ་ཞིང་། །ངའི་བུ་གཞོན་ནུ་དེ་ནི་གང་དུ་སོང་ཞེས་རྨེད། །སྲུ་མོས་སྨྲས་པ་བདག་གིས་བཙལ་ཀྱང་མ་རྙེད་ན། །གཞོན་ནུ་དེ་ནི་གར་བཞུད་རྒྱལ་པོས་རྨ་བར་གསོལ། །ཟས་གཙང་རྒྱལ་པོས་ཉུང་རུམ་དག་ལ་རིངས་པར་རྨས། །ང་ཡི་གཞོན་ནུ་འདི་ནས་
D95.046.0070b05.01བྱུང་བར་ལ་ལས་མཐོང་ངམ་ཞེས། །སྒོ་བ་རྣམས་དང་དེ་བཞིན་ནང་མི་ཀུན་ལའང་རྨས། །ལྷ་ཅིག་ཁྱོད་གསོན་མཆོག་དེ་ཞིང་པའི་གྲོང་དུ་བཞུད། །དེ་ནི་རིངས་པར་ཤཱཀྱ་རྣམས་དང་ལྷན་ཅིག་ཏུ། །བྱུང་ནས་དཔལ་ཞུགས་གྱུར་པའི་ཞིང་པའི་གྲོང་དུ་བལྟས། །ཇི་ལྟར་ཉི་མ་བྱེ་བ་ཁྲག་ཁྲིག་
D95.046.0070b06.01ཤར་བ་ལྟར། །དེ་ལྟར་དཔལ་གྱིས་འབར་ཞིང་ཕན་བྱེད་འདུག་པ་མཐོང་། །ཅོད་པན་རལ་གྲི་ལྷམ་དག་ཕ་ཟད་ཕོག་ཕུད་དེ། །མགོ་བོར་སོར་བཅུ་ཐལ་མོ་སྦྱར་ནས་ཕྱག་ཀྱང་འཚལ། །དྲང་སྲོང་བདག་ཉིད་ཆེན་པོ་ལེགས་པར་ཡང་དག་སྨྲ། །གཞོན་ནུ་བྱང་ཆུབ་དོན་དུ་མངོན་པར་འབྱུང་དུ་
D95.046.0070b07.01