完整藏文原文 · 德格版页 当前仅加载第 46 函德格 83b 版页；藏文 NFD、目录标记与异常页序保留在来源切片中，重复版页行以稳定序号区分。
བས་སྒྲ་བསྒྲགས་ཏེ། །མངོན་པར་ཁྱོད་འབྱུང་དུས་ནི་འདི་ཡིན་ཞེས། །ལྷ་མིས་མཆོད་པར་འོས་ལ་སྐུལ་མ་འདེབས། །དགེ་སློང་དག་བྱང་ཆུབ་སེམས་དཔའ་ཁྱིམ་དམ་པ་མཆོག་ཡོ་བྱད་ཕུན་སུམ་ཚོགས་པ་ཐམས་ཅད་དང་ལྡན་པ། བསམ་པ་ཇི་ལྟ་བ་བཞིན་དུ་བདེ་བར་གནས་པ་དང་འཐུན་པ། ལྷའི་ཁང་
D95.046.0083b01.01ཁྱིམ་ལྟ་བུ་སྟེགས་བུ་དང་། སྒོ་ཁང་དང་། རྟ་བབས་དང་། སྐར་ཁུང་དང་། བསིལ་ཁང་དང་། ཁང་པ་བརྩེགས་པ་དང་། ཁང་{བཟངས་,བཟང་}མཆོག་དང་། རིན་པོ་ཆེ་སྣ་ཚོགས་ཀྱི་རྒྱན་རྣམ་པ་ཐ་དད་པ་དབྱེ་བ་ཤིན་ཏུ་རྣམ་པར་ཕྱེ་བ། གདུགས་དང་། རྒྱལ་མཚན་དང་། བ་དན་བསྒྲེང་བ། རིན་
D95.046.0083b02.01པོ་ཆེའི་དྲིལ་བུ་གཡེར་ཀའི་དྲ་བ་དུ་མས་ལེགས་པར་བརྒྱན་པ། དར་གྱི་ལྡ་ལྡི་བརྒྱ་སྟོང་དུ་མས་མངོན་པར་སྤྱངས་པ། རིན་པོ་ཆེ་སྣ་ཚོགས་ཀྱིས་སྤྲས་པའི་མུ་ཏིག་གི་རྒྱན་ཕྲེང་རབ་ཏུ་སྤྱངས་པ། རིན་པོ་ཆེ་སྣ་ཚོགས་ཀྱི་སྤང་ལེབ་ཅན་གྱི་ཟམ་པས་མཛེས་པར་བྱས་པ། མེ་ཏོག་གི་ཕྲེང་བ་དང་ཆུན་པོ་
D95.046.0083b03.01མང་པོ་སྤྱངས་པ། པོག་སྣོད་ནས་སྤོས་ཀྱིས་བདུགས་པ། དར་ལའི་བླ་རེ་བྲེས་པ། དུས་ཐམས་ཅད་པའི་མེ་ཏོག་དྲི་མཆོག་ཏུ་ཞིམ་ཞིང་། ཤིན་ཏུ་མཛེས་པ་དག་བཀྲམ་པ། རྫིང་མེ་ཏོག་པད་མ་དཀར་པོ་དང་། པད་མ་དང་ལྡན་པའི་ཆུའི་གནས་ཡོངས་སུ་སྤྱད་པར་བྱ་བ་མང་བ། བྱ་འདབ་སྐྱོང་དང་། ནེ་
D95.046.0083b04.01ཙོ་དང་། རི་སྐེགས་དང་། ཁུ་བྱུག་དང་། ངང་པ་དང་། རྨ་བྱ་དང་། ངུར་པ་དང་། ཀུ་ན་ལ་དང་། ཀ་ལ་པིང་ཀ་དང་། ཤང་ཤང་ཏེའུ་ལ་སོགས་པ་བྱ་རྣམ་པ་ཐ་དད་པའི་ཚོགས་སྒྲ་སྙན་པ་འབྱིན་པ། བཻ་དཱུརྱ་སྔོན་པོའི་ས་གཞི་གནས་ཡོངས་སུ་སྤྱད་པར་བྱ་བ། གཟུགས་ཐམས་ཅད་ཀྱི་གཟུགས་བརྙན་
D95.046.0083b05.01ཀུན་ཏུ་སྟོན་པ། བལྟ་བས་མི་ངོམས་པར་ཉམས་དགའ་བ། དགའ་བ་དང་མཆོག་ཏུ་དགའ་བ་དམ་པ་སྐྱེད་པའི་ཁྱིམ་དམ་པ་མཆོག་དེ་ན་འདུག་སྟེ། བྱང་ཆུབ་སེམས་དཔའ་ཁང་པ་མཛེས་པ་ཆེན་པོ་མཆོག་ན་གནས་པ། དྲི་མ་མེད་པ། དྲི་མ་དང་བྲལ་བ། ཡན་ལག་དྲི་མ་མེད་པ། ཕྲེང་བ་དང་རྒྱན་
D95.046.0083b06.01མ་བོར་བ། དྲི་མཆོག་ཏུ་ཞིམ་པ་དམ་པའི་བྱུག་པས་ལུས་བསྐུས་པ། དཀར་ཞིང་བཟང་ལ་དྲི་མ་མེད་ཅིང་རྣམ་པར་དག་ལ་དྲི་མ་དང་བྲལ་བའི་གོས་གྱོན་པའི་ལུས་དང་ལྡན་པ། མལ་ཆ་ལྷའི་རས་བཅོས་བུ་བཟང་པོ་ཕྲ་བ་དུ་མ་བཏིང་བ་འཇམ་པ་ཀ་ཙ་ལིན་དའི་གོས་ལྟར་རེག་ན་བདེ་བ། ཡན་ལག་དམ་
D95.046.0083b07.01