完整藏文原文 · 德格版页 当前仅加载第 46 函德格 176a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱོད་ནི་འགྱིང་བ་མི་མངའ་ཞུམ་མི་མངའ། །རྒྱ་མཚོའི་དབུས་ནས་རི་མཆོག་འཕགས་པ་བཞིན། །དེ་འདྲའི་སེམས་ཅན་འཇིག་རྟེན་བྱུང་བས་ན། །མི་རྣམས་འདིར་ནི་རྙེད་པ་ལེགས་པར་རྙེད། །པད་མ་དཔལ་ལྟར་ནོར་རྣམས་སྦྱིན་པ་པོ། །དེ་ལྟར་འཇིག་རྟེན་ཀུན་ལ་མཆོད་
D95.046.0176a01.01སྦྱིན་མཛད། །དེ་ལྟར་རྒྱལ་པོ་ཆེན་པོ་བཞི་ལ་སོགས་པ་རྒྱལ་ཆེན་བཞིའི་རིས་ཀྱི་ལྷ་རྣམས་ཀྱིས་བྱང་ཆུབ་ཀྱི་སྙིང་པོ་ལ་བཞུགས་པའི་དེ་བཞིན་གཤེགས་པ་ལ་མངོན་པར་བསྟོད་ནས་ཐལ་མོ་སྦྱར་ཏེ། དེ་བཞིན་གཤེགས་པ་ལ་ཕྱག་འཚལ་ཞིང་ཕྱོགས་གཅིག་ཏུ་འཁོད་དོ། །དེ་ནས་བར་སྣང་གི་
D95.046.0176a02.01ལྷ་རྣམས་དེ་བཞིན་གཤེགས་པའི་དྲུང་དུ་ལྷགས་ཏེ། མངོན་པར་རྫོགས་པར་བྱང་ཆུབ་པ་ལ་མཆོད་པའི་ལས་ཀྱི་ཕྱིར་བར་སྣང་ཐམས་ཅད་རིན་པོ་ཆེའི་དྲ་བ་དང་། དྲིལ་བུ་གཡེར་ཀའི་དྲ་བ་དང་། རིན་པོ་ཆེའི་གདུགས་རྣམས་དང་། རིན་པོ་ཆེའི་བ་དན་རྣམས་དང་། རིན་པོ་ཆེ་དང་དར་གྱི་ལྡ་ལྡི་དང་།
D95.046.0176a03.01རིན་པོ་ཆེའི་མེ་ཏོག་རྣ་རྒྱན་དང་། མུ་ཏིག་གི་ཆུན་ཁོར་དང་། མེ་ཏོག་གི་ལྡ་ལྡི་སྣ་ཚོགས་རྣམས་ལུས་ཕྱེད་ཕྱུང་བའི་ལྷ་རྣམས་ཀྱིས་བཟུང་བ་དང་། ཟླ་གམ་རྣམས་ཀྱིས་ལེགས་པར་བརྒྱན་ནས་དེ་བཞིན་གཤེགས་པ་ལ་ཕུལ་ལོ། །ཕུལ་ནས་ཀྱང་སྤྱན་སྔ་ནས་ཚིགས་སུ་བཅད་པ་འདི་དག་གིས་
D95.046.0176a04.01མངོན་པར་བསྟོད་དོ། །ཐུབ་པ་མཁས་ལ་བདག་ཅག་མཆིས་ནས་ནི། །འགྲོ་བའི་སྤྱོད་ཀུན་ཇི་བཞིན་གསལ་བལྟས་ཤིང་། །སེམས་ཅན་དག་པ་ཁྱོད་ཀྱི་སྤྱོད་བལྟས་ན། །དེ་ལྟར་ཁྱོད་ཀྱི་ཐུགས་གཅིག་འཁྲུལ་མ་མཐོང་། །མཆོད་ཕྱིར་བྱང་ཆུབ་སེམས་དཔའ་གང་ལྷགས་པ། །
D95.046.0176a05.01མི་ཡི་འདྲེན་པ་དེ་དག་ནམ་མཁའ་ཁྱབ། །འདི་ལྟར་དེ་དག་ནམ་མཁའི་ལུས་ལགས་པས། །གཞལ་མེད་ཁང་རྣམས་ལ་ཡང་གནོད་མ་མཆིས། །བར་སྣང་ནས་ནི་མེ་ཏོག་ཆར་བབ་པ། །སྟོང་ཆེན་བྱུར་བུར་རབ་ཏུ་གང་གྱུར་པ། །དེ་དག་མ་ལུས་ཁྱོད་ཀྱི་སྐུར་བབ་ཀྱང་། །འབབ་ཆུ་
D95.046.0176a06.01རྒྱ་མཚོར་བབ་པ་བཞིན་དུ་གྱུར། །གདུགས་དང་མེ་ཏོག་རྣ་རྒྱན་མེ་ཏོག་ཕྲེང་། །མེ་ཏོག་ཙམ་པ་ཀ་ཡི་ལྡ་ལྡི་དང་། །རྒྱན་ཕྲེང་ཟླ་བ་ཟླ་གམ་རྣམས་ཀྱང་འཐོར། །ལྷ་ཡིས་གཏོར་ཀྱང་འདྲེས་པར་གྱུར་མ་མཆིས། །བར་སྣང་ཐམས་ཅད་ལྷ་ཡིས་གང་གྱུར་ཏེ། །འདི་ལ་སྐྲ་ཙམ་གཞག་
D95.046.0176a07.01