完整藏文原文 · 德格版页 当前仅加载第 46 函德格 177b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཞག་བདུན་དུ་སྐྱིལ་མོ་ཀྲུང་མ་བཤིག་པར་བཞུགས་སོ། །དགེ་སློང་དག་དེ་ནས་ལྷའི་བུ་ཀུན་ནས་མེ་ཏོག་གིས་དེ་བཞིན་གཤེགས་པ་ལ་ཚིགས་སུ་བཅད་པ་འདི་དག་གིས་མངོན་པར་བསྟོད་དོ། །ཞབས་ནི་འཁོར་ལོས་ཁྱབ་པ་པོ། །པད་འདབ་རྡུལ་མེད་སྟོང་གཟི་ལྡན། །ལྷ་ཡི་ཅོད་པན་ཞབས་
D95.046.0177b01.01གཏུགས་པ། །དཔལ་སྟུག་ཞབས་ལ་ཕྱག་འཚལ་ལོ། །བདེ་གཤེགས་ཞབས་ལ་ཕྱག་འཚལ་ནས། །དེ་ཚེ་ལྷ་བུ་དེ་སེམས་དགའ། །ལྷ་མིན་རབ་ཏུ་ཞི་བྱེད་པ། །ཡིད་གཉིས་སེལ་བའི་ཚིག་འདི་སྨྲས། །ཤཱཀྱའི་རིགས་ལ་དགྱེས་སྐྱེད་པ། །ཆགས་སྡང་གཏི་མུག་མཐར་འབྱིན་
D95.046.0177b02.01པ། །ཞུས་པ་རྣམས་ཀྱང་མཐར་འབྱིན་པ། །ལྷ་མིའི་དོགས་པ་བསལ་དུ་གསོལ། །དཔག་མེད་ཐམས་ཅད་མཁྱེན་པ་ཉིད། །སངས་རྒྱས་སྟོབས་བཅུ་ཅི་སླད་དུ། །རྒྱལ་བ་དོག་སའི་སྙིང་པོར་ནི། །དགུང་བདུན་སྐྱིལ་མོ་ཀྲུང་མ་བཤིག །འདབ་བརྒྱ་རྒྱས་པའི་སྤྱན་མངའ་བ། །ཅི་ཞིག་
D95.046.0177b03.01གཟིགས་ན་དགུང་བདུན་དུ། །མི་ཡི་སེང་གེ་རྣམ་དག་སྤྱན། །སྤྱན་མི་འཛུམས་པར་གཟིགས་པ་མཛད། །གང་གིས་ཤིང་རྒྱལ་དྲུང་དུ་ནི། །སྐྱིལ་ཀྲུང་མ་བཤིག་དགུང་བདུན་བཞུགས། །སྨོན་ལམ་འདི་ནི་ཁྱོད་ཀྱི་འམ། །སྨྲ་བའི་སེང་གེ་ཀུན་གྱི་ལགས། །ཚེམས་ནི་མཉམ་ཞིང་རྣམ་དག་
D95.046.0177b04.01པ། །སྟོབས་བཅུའི་ཞལ་ནི་དྲི་རབ་གདའ། །མ་ནོར་ལེགས་པར་བཀའ་སྩོལ་ཏེ། །ལྷ་དང་མི་རྣམས་དགའ་བར་མཛོད། །ཟླ་འདྲའི་ཞལ་གྱིས་བཀའ་སྩལ་པ། །ངས་བཤད་ལྷ་ཡི་བུ་ཉོན་ཅིག །ངས་ནི་དྲིས་པ་དེ་ཡི་ལན། །ཅུང་ཟད་ཙམ་ཞིག་བཤད་པར་བྱ། །དཔེར་ན་རྒྱལ་པོ་
D95.046.0177b05.01ཕྱོགས་གང་དུ། །གཉེན་གྱི་ཚོགས་ཀྱིས་དབང་བསྐུར་བ། །ཞག་བདུན་བར་དུ་ས་ཕྱོགས་དེ། །མི་འདོར་རྒྱལ་པོའི་ཆོས་ཉིད་དོ། །དེ་བཞིན་སྟོབས་བཅུ་མངའ་བ་ཡང་། །གང་ཚེ་སྨོན་རྫོགས་དབང་བསྐུར་བ། །ས་ཡི་སྙིང་པོར་ཞག་བདུན་དུ། །རྒྱལ་བ་སྐྱིལ་མོ་ཀྲུང་མི་འཇིག །དཔེར་
D95.046.0177b06.01ན་དཔའ་བོ་དགྲ་ཚོགས་རྣམས། །མ་ལུས་ཕམ་བྱས་ལྟ་བ་ལྟར། །བྱང་ཆུབ་སྙིང་པོར་སངས་རྒྱས་ཀྱང་། །ཉོན་མོངས་བཅོམ་ནས་གཟིགས་པ་མཛད། །གཏི་མུག་བྱུང་བའི་འདོད་དང་ཁྲོ། །དེ་དག་འགྲོ་བའི་དགྲ་འདྲ་སྟེ། །ཆོམ་པོ་ཆས་ནི་བཟང་འདྲ་བ། །དེ་དག་མ་ལུས་ངས་འདིར་
D95.046.0177b07.01