完整藏文原文 · 德格版页 当前仅加载第 46 函德格 78a 版页；藏文 NFD、目录标记与异常页序保留在来源切片中，重复版页行以稳定序号区分。
རྩིས་པ་ཆེན་པོ་སྲིད་སྒྲུབ་ཀྱིས་ཚིགས་སུ་བཅད་པ་འདི་དག་སྨྲས་སོ། །འདི་ལྟར་བྱེ་བ་བརྒྱ་ན་ཐེར་འབུམ་དེ་བཞིན་དུ། །ཁྲག་ཁྲིག་དང་ནི་གཏམས་པའི་རྒྱུད་དང་དེ་བཞིན་དུ། །དཀྲིགས་པ་མི་འཁྲུགས་བདག་གི་ཤེས་ཐུག་དེ་གོང་མིན། །མཚུངས་པ་མེད་ཀྱི་མཁྱེན་པ་རྩིས་
D95.046.0078a01.01ལ་དེ་བས་ལྷག །ཡང་ཀྱེ་ཤཱཀྱ་དག །སྟོང་གསུམ་དག་གི་རྡུལ་དང་རྩྭ་དང་ནགས་ཚལ་དང་། །སྨན་དང་ཆུ་ཡི་ཐིགས་པ་ཇི་སྙེད་ཡོད་པ་ཡང་། །ཧུང་ཞེས་བྱ་བ་གཅིག་ལ་འདི་ཡིས་རྩི་ནུས་ན། །ལྔ་བརྒྱ་ཙམ་དག་གི་ལྟ་ངོ་མཚར་ཅི་ཞིག་ཆེ། །དེ་ནས་ལྷ་དང་མི་བརྒྱ་སྟོང་དག །ཨེ་མ་ཨ་
D95.046.0078a02.01ལ་ལ་ཞེས་ཟེར་ཞིང་ཅ་ཅོ་དང་། ག་ཞའི་སྒྲ་བརྒྱ་སྟོང་འབྱིན་པར་གྱུར་ཏོ། །ནམ་མཁའི་དཀྱིལ་ནས་ལྷའི་བུ་དག་གིས་ཀྱང་ཚིགས་སུ་བཅད་པ་འདི་དག་བརྗོད་དོ། །དུས་གསུམ་སེམས་ཅན་མ་ལུས་ཇི་སྙེད་གང་ཡོད་པའི། །སེམས་དང་སེམས་བྱུང་འདུ་ཤེས་རྣམ་པར་རྟོག་པ་དག །མཆོག་
D95.046.0078a03.01དང་ཐ་མ་དེ་བཞིན་རྒྱ་ཆུང་ཡངས་པ་དག །ཐམས་ཅད་སེམས་ཀྱི་འགྱུར་བ་གཅིག་གིས་རབ་ཏུ་མཁྱེན། །དགེ་སློང་དག་དེ་ལྟར་ཤཱཀྱ་གཞོན་ནུ་དེ་དག་ཐམས་ཅད་ཟིལ་གྱིས་ནོན་པར་གྱུར་ཏེ། བྱང་ཆུབ་སེམས་དཔའ་འབའ་ཞིག་ཁྱད་པར་དུ་འཕགས་པར་གྱུར་ཏོ། །དེའི་རྗེས་ལ་མཆོངས་
D95.046.0078a04.01པ་དང་། རྐྱལ་དང་། བང་ལ་སོགས་པ་ཐམས་ཅད་ལའང་བྱང་ཆུབ་སེམས་དཔའ་ཉིད་ཁྱད་པར་དུ་འཕགས་པར་གྱུར་ནས། ནམ་མཁའི་དཀྱིལ་ནས་ལྷའི་བུ་དག་གིས་ཚིགས་སུ་བཅད་པ་འདི་དག་སྨྲས་སོ། །བརྟུལ་ཞུགས་དཀའ་ཐུབ་སྡོམ་པའི་ཡོན་ཏན་དང་། །བསྐལ་པ་བྱེ་
D95.046.0078a05.01བར་བཟོད་དུལ་བྱམས་སྟོབས་ཀྱིས། །ལུས་དང་སེམས་ནི་ཅི་ནས་ཡང་མཛད་པས། །དེ་ཡི་ཤུགས་ཀྱི་ཁྱད་པར་མཉན་པར་གྱིས། །སེམས་ཅན་མཆོག་འདི་གྲོང་ཁྱེར་འདི་ན་བཞུགས་པར་ཁྱེད་ཀྱིས་མཐོང་། །འོན་ཀྱང་འདི་ནི་ཕྱོགས་བཅུའི་འཇིག་རྟེན་ཁམས་རྣམས་ཐམས་ཅད་དུ། །
D95.046.0078a06.01སྐད་ཅིག་གཅིག་ལ་རིན་ཆེན་གསེར་དང་མཆོད་པ་སྣ་ཚོགས་ཀྱིས། །རྒྱལ་བ་དཔག་ཏུ་མེད་པ་དག་ལ་མཆོད་པ་མཛད་དུ་བཞུད། །འོན་ཀྱང་རྫུ་འཕྲུལ་དེ་འདྲ་བརྙེས་པ་དེ། །བྱོན་ཏམ་བཞུད་པར་ཁྱེད་ཀྱིས་ཡོང་མི་ཤེས། །ཇི་ཙམ་ཞུགས་ཞེས་དེ་ལ་ཅི་ཞིག་བསྐྱེད། །འདི་ནི་མཚུངས་པ་
D95.046.0078a07.01