完整藏文原文 · 德格版页 当前仅加载第 46 函德格 26b 版页；藏文 NFD、目录标记与异常页序保留在来源切片中，重复版页行以稳定序号区分。
རིན་ཆེན་ཀློད་བྱས་ནས། །འདྲེས་པའི་ནགས་ཚལ་ལྷ་ཡི་བུ་མོ་བཞིན་དུ་གནས། །དགེ་སློང་དག་དེ་ནས་རྒྱལ་པོ་ཆེན་པོ་བཞི་དང་། ལྷའི་དབང་པོ་བརྒྱ་བྱིན་དང་། ལྷའི་བུ་རབ་འཐབ་བྲལ་དང་། ཡོངས་སུ་དགའ་ལྡན་དང་། རབ་འཕྲུལ་དགའ་དང་། གཞན་འཕྲུལ་དབང་བྱེད་དང་།
D95.046.0026b01.01བདུད་ཀྱི་བུ་དེད་དཔོན་དང་། མི་མཇེད་ཀྱི་བདག་པོ་ཚངས་པ་དང་། མདུན་ན་འདོན་ཚངས་མཆོག་དང་། མདུན་ན་འདོན་ཚངས་{བཟངས་,བཟང་}དང་། འོད་བཀོད་པ་དང་། འོད་གསལ་དང་། གནས་གཙང་མའི་རིས་ཀྱི་དབང་ཕྱུག་ཆེན་པོ་དང་། མཐར་ཐུག་དང་། འོག་མིན་པ་དང་། དེ་དག་ལ་སོགས་པ་དང་།
D95.046.0026b02.01གཞན་ཡང་ལྷ་བརྒྱ་སྟོང་མང་པོ་འདུས་ཏེ། གཅིག་ལ་གཅིག་འདི་སྐད་ཅེས་སྨྲས་སོ། །གྲོགས་པོ་དག་བདག་ཅག་གིས་བྱང་ཆུབ་སེམས་དཔའ་གཅིག་པུ་གཉིས་སུ་མེད་པར་གཤེགས་སུ་གསོལ་ན། བདག་ཅག་གིས་བྱས་པ་མ་ཤེས་པར་འགྱུར་ཏེ། བདག་ཅག་ལ་མི་ཆས། གྲོགས་པོ་དག་
D95.046.0026b03.01ཁྱེད་ཀྱི་ནང་ནས་བྱང་ཆུབ་སེམས་དཔའ་ཐོག་མ་ཡུམ་གྱི་ལྷུམས་སུ་གཤེགས་པ་དང་། ལྷུམས་ན་བཞུགས་པ་དང་། བལྟམ་པ་དང་། ཐོར་བུ་དང་། བྱིས་པའི་ནང་ན་རོལ་པ་དང་། བཙུན་མོའི་འཁོར་གྱི་ནང་ན་བཞུགས་པ་དང་། རོལ་མོ་གཟིགས་པ་དང་། མངོན་པར་འབྱུང་བ་དང་། དཀའ་
D95.046.0026b04.01བ་སྤྱོད་པ་དང་། བྱང་ཆུབ་ཀྱི་སྙིང་པོར་གཤེགས་པ་དང་། བདུད་འདུལ་བ་དང་། བྱང་ཆུབ་ཏུ་མངོན་པར་རྫོགས་པར་འཚང་རྒྱ་བ་དང་། ཆོས་ཀྱི་འཁོར་ལོ་བསྐོར་བ་དང་། །མྱ་ངན་ལས་འདས་པ་ཆེན་པོ་བསྟན་གྱི་བར་དུ་ཕན་པའི་སེམས་དང་། དགའ་བའི་སེམས་དང་། ཕངས་པའི་སེམས་
D95.046.0026b05.01དང་། བྱམས་པའི་སེམས་དང་། མཉེན་པའི་སེམས་ཀྱིས་རྟག་པར་རྒྱུན་དུ་བྱང་ཆུབ་སེམས་དཔའི་ཞབས་འབྲིང་ན་འཁོད་པར་སུ་དག་སྤྲོ། །དེའི་ཚེ་ཚིགས་སུ་བཅད་པ་འདི་དག་ཀྱང་སྨྲས་སོ། །ཁྱེད་ལས་སུ་ཞིག་རྟག་ཏུ་དགའ་ཡིད་ཀྱིས། །གཟུགས་མཆོག་མངའ་བའི་ཞབས་འབྲིང་
D95.046.0026b06.01བྱེད་པར་སྤྲོ། །སུ་དག་རང་གི་བསོད་ནམས་གཟི་བརྗིད་དང་། །སྟོབས་དང་གྲགས་པ་རྣམ་པར་སྤེལ་བར་འདོད། །གང་ཞིག་ལྷ་ཡི་ཕོ་བྲང་འདི་དག་ན། །ལྷ་མོ་དག་དང་འདོད་པའི་ཡོན་ཏན་གྱི། །ལྷ་ཡི་བདེ་བས་དགའ་བར་འདོད་པ་དག །དྲི་མེད་ཟླ་བའི་ཞལ་གྱི་ཞབས་འབྲིང་གྱིས། །དེ་
D95.046.0026b07.01