完整藏文原文 · 德格版页 当前仅加载第 68 函德格 84a 版页；藏文 NFD、目录标记与异常页序保留在来源切片中，重复版页行以稳定序号区分。
167ཡང་དག་པར་སྟོན་པ། ཁམས་{བཅྭ་,བཅོ་}བརྒྱད་ཀྱི་དེ་ཉིད་མཁྱེན་པ། མོས་པ་ཡིད་ལ་བྱེད་པའི་དེ་ཉིད་མཁྱེན་པ། ཡོན་ཏན་གྱི་ཀླུང་རང་གི་ཡོན་ཏན་{བཅྭ་,བཅོ་}བརྒྱད་དག་དང་ལྡན་པ། སྲིད་པའི་འཆིང་བ་ལས་རྣམ་པར་གྲོལ་བ། སྟོབས་བཅུ་དང་
D287.068.0084a01.01ལྡན་པ། བསྙེངས་པ་མི་མངའ་བ་བཞིས་མི་བསྙེངས་པ། ཐུགས་རྗེ་ཆེན་པོ་དང་ལྡན་པ། དྲན་པ་ཉེ་བར་གཞག་པ་གསུམ་དང་རྟག་ཏུ་ལྡན་པ་དེ་མཐོང་ངོ་། །དེ་ནས་དགེ་སློང་རབ་ཏུ་མང་པོ་དག་ཆོས་གོས་ཕྲག་པ་གཅིག་ལ་གཟར་ནས། པུས་མོ་གཡས་
D287.068.0084a02.01པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས། དུལ་བས་མགོ་བཏུད་དེ་ཕྱོགས་གཅིག་ཏུ་འཁོད་དོ། །དེ་ནས་དགེ་སློང་རབ་ཏུ་མང་པོ་དག་གིས་དགེ་སློང་གཅིག་ཅིག་བསྒོ་བ་དང་བཅོམ་ལྡན་འདས་ག་ལ་བ་དེར་ཤིན་ཏུ་ཉེ་
D287.068.0084a03.01བར་ཕྱིན་ནས། ཡང་དེ་བཞིན་དུ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་འདིར་བདག་སྔ་དྲོའི་དུས་སུ་ལྷུང་བཟེད་དང་ཆོས་གོས་འཚལ་ནས། རྒྱལ་པོའི་ཁབ་ཏུ་བསོད་སྙོམས་ལ་
D287.068.0084a04.01མཆི་མཆི་ན་ཞེས་བྱ་བ་སྔ་མ་བཞིན་ཏེ། གཞན་མུ་སྟེགས་ཅན་སྤྱོད་པ་པ་ཀུན་ཏུ་རྒྱུ་བ་རྣམས་དང་ལྷན་ཅིག་ལུས་ཀྱི་ཆད་པ་དང་། ངག་གི་ཆད་པ་དང་། ཡིད་ཀྱི་ཆད་པ་སྔོན་དུ་འགྲོ་བའི་གཏམ་འདྲི་བའི་བར་སྔ་མ་བཞིན་ཏེ། དེ་དག་བཅོམ་ལྡན་འདས་ལ་གསོལ་ཏོ། །
D287.068.0084a05.01དེ་ནས་བཅོམ་ལྡན་འདས་ཀྱིས་དེའི་ཚེ་དགེ་སློང་དེ་དག་དང་ན་ལ་ཏིའི་གྲོང་གི་བྲམ་ཟེ་ལ་སོགས་པ་ལ་འདི་སྐད་ཅེས་བཀའ་སྩལ་ཏོ། །དགེ་སློང་དག་ཁྱེད་ཅག་ལ་ཆོས་བཤད་པར་བྱ་བ་འདི་ལྟ་སྟེ། དམ་པའི་ཆོས་དྲན་པ་ཉེ་བར་གཞག་པ་ཞེས་བྱ་བའི་ཆོས་ཀྱི་རྣམ་གྲངས་ཐོག་མར་
D287.068.0084a06.01དགེ་བ། བར་དུ་དགེ་བ། ཐ་མར་དགེ་བ། དོན་བཟང་པོ། ཚིག་འབྲུ་བཟང་པོ། མ་འདྲེས་པ། ཡོངས་སུ་རྫོགས་པ། ཡོངས་སུ་དག་པ། ཡོངས་སུ་བྱང་བ། ཚངས་པར་སྤྱོད་པ། ཡང་དག་པར་རབ་ཏུ་བསྟན་པར་བྱས། དེ་ལེགས་པར་རབ་ཏུ་ཉོན་ལ་
D287.068.0084a07.01