完整藏文原文 · 德格版页 当前仅加载第 68 函德格 316b 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱེད་དེ། དེས་ཐོས་པ་ལས་བྱུང་བའི་ཤེས་པས་བརྟགས་ན། གང་གིས་ཚུལ་ངན་པ་དང་ལྡན་པ་ཆོམ་རྐུན་པ་དག་ལ་ཁམ་གྱི་ཟས་བྱིན་ཏེ། འདི་ལྟར་འདི་ཟོ་ལ་བདག་གི་དགྲ་སོད་ཅིག་ཅེས་བྱས་པ་དང་། ཁ་ཟས་ལ་བརྐམ་པས་ཉམས་པ་དེ་དག་གིས་ཀྱང་དེ་
D287.068.0316b01.01བཞིན་དུ་སྲོག་བཅད་ན་དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བའི་ནང་དུ་སྐྱེ་བར་འགྱུར་རོ། །དེ་ནས་ཐར་ནས་ཀྱང་ལས་དེའི་མཐུས་དུད་འགྲོ་ཁམ་གྱི་ཟས་ཟ་བ་རྣམས་ཀྱི་ནང་དུ་སྐྱེ་བར་འགྱུར་ཏེ། འདི་ལྟ་སྟེ། བ་ལང་དང་། མ་ཧེ་དང་།
D287.068.0316b02.01བོང་བུ་དང་། ཕག་དང་། ཁྱི་དང་། ཝ་དང་། རྔ་མོ་དང་། བལ་གླང་དང་། རྟ་དང་། ལུག་དང་། {རི་དགས་,རི་དྭགས་}དང་། ར་དང་། སྲོག་ཆགས་སྲི་མར་དང་། ཁྭ་དང་། བྱ་རྒོད་དང་། ངང་པ་དང་། སྲོག་ཆགས་ཏི་ཏི་བྷ་དང་། སྐྱར་མོ་དང་། སྲོག་ཆགས་རཱ་མ་
D287.068.0316b03.01དང་། དགོ་བ་དང་། སྲོག་ཆགས་ཀུ་རང་ག་དང་། {རི་དགས་,རི་དྭགས་}མོ་དང་། སྲོག་ཆགས་ཀ་དམ་བྷ་དང་། ནོར་བུའི་མཆུ་དང་། ཤང་ཤང་ཏེའུ་དང་། སྦྲུལ་དག་གནས་ཚེར་མ་ཅན་དང་། ངམ་གྲོག་ལ་སོགས་པ་མཐའ་ཡས་པ་རྣམས་སུ་སྐྱེ་བར་འགྱུར་རོ། །ཕྱོགས་
D287.068.0316b04.01དག་ལ་ཡང་རབ་ཏུ་དཔྱོད་པར་བྱེད་ཅིང་རེག་པའི་ཟས་ལ་ཡང་རྗེས་སུ་སེམས་པར་བྱེད་དེ། སྒོ་ང་ལས་སྐྱེས་བསྒོ་ང་ལས་སྐྱེ་བར་གཏོགས་ཤིང་འབྱུང་བ་དག་ནི་འདི་ལྟ་སྟེ། བྱ་དང་། ཆུ་ན་གནས་པ་དང་། ཤུག་ཏུ་འབྲེལ་བ་དང་། རྒྱ་མཚོའི་འགྲམ་ནས་སྐྱེ་བ་
D287.068.0316b05.01དང་། །རྒྱ་མཚོར་སྐྱེས་པ་དང་། ཀླུ་དང་། སྦྲུལ་དང་། ཁུང་ན་གནས་པ་ལ་སོགས་པ་དེ་དག་ལས་གང་གིས་རེག་པའི་ཁ་ཟས་ཟ་བར་འགྱུར་ཞིག་གུ་སྙམ་ནས། དགེ་སློང་དེ་རྣམ་པར་དཔྱོད་པར་བྱེད་དོ། །དེས་ཐོས་པ་ལས་བྱུང་བའི་ཤེས་པས་བརྟགས་
D287.068.0316b06.01ན། གང་གིས་ཕ་རོལ་དག་ལ་སྦྱིན་པ་སྦྱིན་ནོ་སྙམ་དུ་བསམས་ལ། མ་སྨྲས་པར་ཡིད་ཀྱིས་བྱིན་ཏེ། དེ་འཆི་བའི་དུས་བྱས་ན། དེ་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་དུད་འགྲོ་རྣམས་ཀྱི་ནང་དུ་སྐྱེས་ན་བསམ་པ་འབའ་ཞིག་གི་ལས་དེ་
D287.068.0316b07.01