完整藏文原文 · 德格版页 当前仅加载第 68 函德格 177a 版页；藏文 NFD、目录标记与异常页序保留在来源切片中，重复版页行以稳定序号区分。
བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་ཐམས་ཅད་སྒྲ་འབྱིན་དུ་སྐྱེ་བར་འགྱུར་རོ། །དེར་གནོད་པ་འདི་དག་འབྱུང་བར་འགྱུར་ཏེ། ཇི་ལྟ་ཇི་ལྟར་སེམས་ཅན་དམྱལ་བ་པ་རྣམས་ལྕགས་ཀྱི་གཏུན་ཤིང་གིས་རྡེག་པ་ན་དེ་ལྟ་དེ་ལྟར་སྒྲ་ཆེན་པོ་
D287.068.0177a01.01འབྱིན་ཏེ། དེས་སེམས་ཅན་དམྱལ་བའི་འཁོར་དེ་དག་ཐམས་ཅད་གང་བར་འགྱུར་རོ། །གལ་ཏེ་ཁོར་ཡུག་དང་། ཁོར་ཡུག་ཆེན་པོའི་རི་དག་དང་། ཆུ་བོའི་འཁོར་དག་མེད་ན། སྒྲ་དེས་འཛམ་བུའི་གླིང་ལ་སོགས་པ་མིའི་གནས་བཞི་པོ་དེར་ཐམས་ཅད་
D287.068.0177a02.01དུ་འབྱུང་བར་འགྱུར་རོ། །དེའི་ངུད་མོའི་སྒྲ་འབྱིན་པ་དེས་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་སྙིང་རྗེ་ཞིང་དེ་སྲིད་དུ་རོ་མེད་པ་ཡིན་ཏེ། དེ་དག་རང་གི་ལས་དང་འཐུན་པར་སེམས་ཅན་དམྱལ་བ་པ་དེ་དག་གིས་དེ་སྲིད་དུ་ངུ་བའི་
D287.068.0177a03.01སྒྲ་འབྱིན་ཏོ། །དེ་དག་ཕྱིས་སེམས་ཅན་དམྱལ་བ་དེ་ལས་ཐར་བར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་{ཡི་དགས་,ཡི་དྭགས་}དང་། དུད་འགྲོ་དག་ཏུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིར་སྐྱེས་ན་ཆུ་དཀོན་
D287.068.0177a04.01པའི་ཡུལ་དང་འབྲོག་ཏུ་སྐྱེ་བར་འགྱུར་ཏེ། སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པའི་འབྲས་བུ་ནི་སྔ་མ་བཞིན་ནོ། །དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་
D287.068.0177a05.01དམྱལ་བ་ངུ་འབོད་ཀྱི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་འཁོར་སྐྲ་མེ་འབར་བ་ཞེས་བྱ་བ་མཐོང་ངོ་། །དེར་སེམས་ཅན་དམྱལ་བ་པ་དག་ལས་ཀྱི་རྣམ་པར་སྨིན་པ་གང་གིས་སྐྱེ་བར་འགྱུར་སྙམ་ནས་དེས་བརྟགས་ན། གང་གིས་སྲོག་
D287.068.0177a06.01གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པ་ནི་སྔ་མ་བཞིན་ནོ། །དགེ་བསྙེན་བསླབ་པའི་གཞི་ལྔ་ཡོད་པ་ལ་ཆང་འཐུང་བ་ཡོན་ཏན་ཡིན་པར་བསླབ་པའི་གཞི་འཛིན་དུ་བཅུག་ན། དེ་ལུས་
D287.068.0177a07.01