完整藏文原文 · 德格版页 当前仅加载第 68 函德格 273b 版页；藏文 NFD、目录标记与异常页序保留在来源切片中，重复版页行以稳定序号区分。
ཞུམ་པར་བྱས་པ་ལྟུང་བར་འགྱུར་རོ། །དེ་དེ་ལས་ལྟུང་བ་དང་། ལྕགས་ཀྱི་བྱ་རྡོ་རྗེའི་མཆུ་ཅན་དག་ཤིང་དེ་དག་གི་ཡལ་ག་ལ་གནས་ཏེ། དེ་དག་གིས་སེམས་ཅན་དམྱལ་བ་པ་དེའི་མགོ་དང་{གླད་པ་,ཀླད་པ་}བཏོག་བཏོག་ནས་འབིགས་པར་བྱེད་དོ། །ཕུག་ནས་མིག་དག་ལ་
D287.068.0273b01.01ཟ་བར་བྱེད་དོ། །སྙིང་རྗེ་རྗེ་སྐད་དུ་ངུ་སྐད་འབྱིན་ཅིང་སྨྲེ་སྔགས་འདོན་པ་ན་དེའི་མིག་ཟོས་ནས་མགོ་དང་{གླད་པ་,ཀླད་པ་}འབིགས་སོ། །དེ་ཕུག་ནས་གླད་རྒྱས་ལ་ཟའོ། །གླད་རྒྱས་ཀྱང་ཟོས་ནས་སྙིང་གཤེག་པར་བྱེད་དོ། །དེ་ཡང་གཤེགས་ནས་ནང་དུ་སོང་སྟེ། ཁྲག་འཐུང་
D287.068.0273b02.01ངོ་། །འཐུངས་ནས་རྒྱུ་མ་ལ་ཟའོ། །དེ་དག་ཀྱང་ཟོས་ནས་མཆེར་པ་ལ་ཟའོ། །མཆེར་པ་ཟོས་ནས་ལོང་ཀ་ལ་ཟའོ། །དེ་དག་ཀྱང་ཟོས་ནས་མདོམས་ལ་ཟའོ། །བརླའི་སྦུབས་ལ་ཡང་ཟའོ། །པུས་མོའི་ལྷ་ང་ལ་ཡང་ཟའོ། །རྐང་པ་དག་གི་སོར་མོ་ལ་
D287.068.0273b03.01ཡང་ཟ་ལ་དེ་ལྟར་དེ་སྡུག་བསྔལ་དྲག་པོ་དེ་དག་ཡུན་རིང་པོ་ལོ་བགྲང་གིས་མི་ལང་བར་མྱོང་བར་འགྱུར་ཏེ། གང་གི་མིང་ལོ་བརྒྱར་ཡང་ཤེས་པ་སླབ་མ་ཡིན་ནོ། །ཕྱོགས་གཅིག་ཅིག་ཤེས་པར་བྱ་ན། ཇི་ལྟར་རྒྱ་མཚོའི་ཆུ་ཁྱོར་གང་བླངས་པ་དེའི་ཕྱོགས་ཙམ་དུ་
D287.068.0273b04.01བརྗོད་པ་དེ་བཞིན་དུ་འདི་ཡང་ཕྱོགས་གཅིག་ཙམ་ཞིག་བརྗོད་དེ། དེ་ལྟར་དེ་ཇི་སྙམ་དུ་དེའི་སྡིག་པའི་ལས་བྱས་ཤིང་བསགས་པ་སོ་སོར་མྱོང་བར་འགྱུར་བ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་སྡུག་བསྔལ་དེ་དག་མྱོང་བར་འགྱུར་རོ། །དེ་སེམས་ཅན་དམྱལ་
D287.068.0273b05.01བ་དེ་ལས་ཐར་བར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་འཐུན་པར་ཚེ་རབས་སྟོང་དུ་{ཡི་དགས་,ཡི་དྭགས་}མཆིལ་མ་ཟ་བ་རྣམས་སུ་སྐྱེ་བར་འགྱུར་རོ། །དེ་གལ་ཏེ་སྲོག་གིས་འཚོ་བ་ཙམ་དུ་འགྱུར་ཞིང་ལུས་ཤིན་ཏུ་བཀྲེས་པ་དང་། སྐོམ་པས་གདུངས་པ་{ཡི་དགས་,ཡི་དྭགས་}ཀྱི་
D287.068.0273b06.01འཇིག་རྟེན་དེ་ལས་ཤི་ནས་ཀྱང་བ་ཚྭའི་ཆུའི་རྒྱ་མཚོའི་ནང་དུ་དུད་འགྲོ་ཉར་སྐྱེ་བར་འགྱུར། རྟག་ཏུ་རྒྱ་མཚོའི་ཆུའི་གསེབ་ཀྱི་ནང་ན་སྤྱོད་པའི་ཆུ་སྲིན་ན་ཀྲའམ། མ་ཀ་རའམ། རུས་སྦལ་དུ་འགྱུར། ཚེ་རབས་སྟོང་དུ་ཀུན་དུ་རྟག་ཏུ་བཀྲེས་པ་དང་། སྐོམ་པས་
D287.068.0273b07.01