完整藏文原文 · 德格版页 当前仅加载第 68 函德格 269b 版页；藏文 NFD、目录标记与异常页序保留在来源切片中，重复版页行以稳定序号区分。
བསྡུས་པ་དེ་དག་ཐམས་ཅད་རང་གི་ལས་ཀྱི་འབྲས་བུ་དང་འཐུན་པར་འབྱུང་ངོ་། །ཁྱད་པར་དུ་འབྱུང་བ་ནི་འདི་ལྟར་སེམས་ཅན་དམྱལ་བ་དེའི་ལས་ཀྱིས་བྱས་པའི་ཝ་ཁ་རབ་ཏུ་འབར་བ་རྣམས་ཀྱིས་ཤིན་ཏུ་གང་ལ་དེར་སྐྱེས་མ་ཐག་ཏུ་ཝ་མཆེ་བ་རབ་ཏུ་འབར་བ་རྣམས་རྒྱུག་
D287.068.0269b01.01སྟེ། འཕགས་པ་ལ་སྐུར་བ་འདེབས་པ་དེ་ལ་འཛིན་པར་བྱེད་དོ། །སྡིག་པ་བྱེད་པ་དེའི་མགོ་ཡང་གཞན། ལྕེ་ཡང་གཞན། {གླད་པ་,ཀླད་པ་}ཡང་གཞན། བྲང་ཞོལ་ཡང་གཞན། སྙིང་ཡང་གཞན། མཆེར་པ་ཡང་གཞན། རྒྱུ་མ་ཡང་གཞན། གཉེ་མ་ཡང་གཞན། ལྟོ་
D287.068.0269b02.01བ་ཡང་གཞན། སྟ་ཟུར་ཡང་གཞན། བརླའི་རུས་སྦུབས་ཀྱང་གཞན། བྱིན་པའི་སྦུབས་ཀྱང་གཞན། པུས་མོའི་ལྷ་ང་ཡང་གཞན། ལག་པ་དང་རྐང་པ་ཡང་གཞན། སོར་མོ་ཡང་གཞན། རྐང་པའི་སོར་མོ་ཡང་གཞན་དུ་ཁྱེར་ཏེ། དེ་ལྟར་ཡན་
D287.068.0269b03.01ལག་དང་ཉིང་ལག་ཞིགས་པ་ཐམས་ཅད་སོ་སོར་ཁྱེར་རོ། །དེ་ནས་ཡང་དེའི་སྡིག་པའི་ལས་ཀྱིས་བྱས་ཤིང་བསགས་པ་སོ་སོ་ཡང་དག་པ་མྱོང་བའི་འབྲས་བུ་སྐྱེ་བར་འགྱུར་ཏེ། དེ་ལྟར་ན་ཡུན་རིང་དུ་འབྲས་བུ་དེ་མྱོང་བར་འགྱུར་རོ། །དེ་གལ་ཏེ་ཡང་ཐར་
D287.068.0269b04.01ནས་གར་བབ་བབ་ཏུ་འབྲོས་པ་དང་། གཤིན་རྗེའི་མི་གཞན་དག་གིས་བཟུང་ནས་དེའི་ཁ་དེ་གདངས་ཏེ་ལྕེ་བཟུང་ནས་མཚོན་ཧུ་ལུ་དག་གིས་དུམ་བུ་དུམ་བུར་གཅོད་དོ། །བཅད་ནས་ཀྱང་ཡང་སྐྱེ་བར་འགྱུར་ཏེ། དེའི་ངག་མི་གཙང་བ་འབྱིན་པ་གང་གིས་འཕགས་
D287.068.0269b05.01པ་ལ་སྐུར་པ་བཏབ་པ་དང་། ཕ་རོལ་དག་ལ་ཆོས་མ་ཡིན་པ་ལ་ཆོས་ལྟ་བུར་བསྟན་པ་ནི་དེ་ལྟར་དེ་ཡུན་རིང་དུ་སྡུག་བསྔལ་གྱི་ཚོར་བ་ཚ་བ་དག་མྱོང་བར་འགྱུར་རོ། །དེ་གལ་ཏེ་ཡང་དེ་ལས་ཐར་ནས་མགོན་འདོད་པ། སྐྱབས་འདོད་པ། དཔུང་གཉེན་འདོད་
D287.068.0269b06.01པ། གར་བབ་བབ་ཏུ་འབྲོས་པ་དང་། དེའི་ལས་ཀྱིས་བྱས་པ་གཤིན་རྗེའི་མི་དག་འབྱུང་བར་འགྱུར་ཏེ། དེ་དག་གིས་ཡང་བཟུང་ངོ་། །བཟུང་ནས་ཀྱང་ཕྱིན་ཅི་ལོག་ཏུ་སྨྲ་བ་དང་། གཡོ་ཐབས་སྨྲ་བ། སྡིག་པ་སྨྲ་བ། ཆོས་ངན་པའི་ཆོས་ཀྱིས་སེམས་
D287.068.0269b07.01