完整藏文原文 · 德格版页 当前仅加载第 68 函德格 315b 版页；藏文 NFD、目录标记与异常页序保留在来源切片中，重复版页行以稳定序号区分。
པར་འགྱུར་བ་མཐོང་ངོ་། །དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། དུད་འགྲོའི་འཇིག་རྟེན་ལ་རྟོག་པར་བྱེད་དེ། རྫུས་ཏེ་སྐྱེས་པ་དེ་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་
D287.068.0315b01.01ན། མིར་གྱུར་པ་ཆགས་པ་གང་གིས་ཟབ་དར་བྱ་བའི་ཕྱིར། སྲིན་བུ་རྣམས་ཆུའི་ནང་དུ་སྐོལ་བར་བྱེད་དོ། །དེ་དག་བསྐོལ་བ་ན་རྫུས་ཏེ་སྐྱེ་བའི་སྲིན་བུ་གཙུག་ཅེས་བྱ་བ་གཞན་བྱེ་བ་ཚོགས་དུ་མ་དག་སྐྱེ་བར་འགྱུར་ཏེ། ཕྲ་མོ་དེ་དག་མཆོད་སྦྱིན་བྱེད་པས་མཆོད་
D287.068.0315b02.01སྦྱིན་བྱ་བའི་ཕྱིར་མེར་སྲེག་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རྣམས་ཀྱི་ནང་དུ་སྐྱེ་བར་འགྱུར་རོ། །དེ་ནས་ཐར་ནས་དུད་འགྲོར་རྫུས་ཏེ་སྐྱེ་བ་དར་གྱི་སྲིན་བུ་ལ་སོགས་པ་རྣམ་པ་དུ་མར་སྐྱེ་བར་འགྱུར་བ་མཐོང་ངོ་། །དེ་ནས་
D287.068.0315b03.01ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། དུད་འགྲོའི་འཇིག་རྟེན་ལ་རྟོག་པར་བྱེད་དེ། དུད་འགྲོ་དྲོད་གཤེར་ལས་སྐྱེས་པ་དེ་དག་ལས་གང་གིས་སྐྱེས་པར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། མི་ངན་པ་ལྟ་
D287.068.0315b04.01བ་ལོག་པ་གང་གིས། ནོར་རྫས་འདོད་པའི་ཕྱིར་ཉ་དང་རུས་སྦལ་དང་སྲོག་ཆགས་དྷུན་དུ་གསོད་པ་དག་ས་བརྐོས་ནས་འཇུག་གམ། དེ་བཞིན་དུ་སྲམ་དང་བཅས་པ་གཞན་དག་ཀྱང་ས་བརྐོས་ནས་འཇུག་ཅིང་། དེར་སྲིན་བུ་དྲོད་གཤེར་ལས་སྐྱེས་པ་རྣམས་སྐྱེས་
D287.068.0315b05.01ལ་དེ་དག་མི་ངན་པ་དེས་མཆོད་སྦྱིན་གྱི་ཕྱིར་རམ། ནོར་རྫས་འདོད་པའི་ཕྱིར་གསོད་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རྣམས་ཀྱི་ནང་དུ་སྐྱེ་བར་འགྱུར་རོ། །དེ་ནས་ཐར་ནས་ཀྱང་སྲིན་བུ་དྲོད་གཤེར་ལས་སྐྱེ་བ་སྦྲང་བུ་དང་།
D287.068.0315b06.01ཤིག་ལ་སོགས་པའི་ནང་དུ་སྐྱེ་བར་འགྱུར་རོ། །སྐྱེ་གནས་གཉིས་པ་ལ་ཡང་དག་པ་གཞན་མ་ཡིན་པའི་ལམ་གྱིས་ལྟ་བ་དང་བློ་གྲོས་གཞན་མ་ཡིན་པ་ཁོང་དུ་ཆུད་པ་ཤིན་ཏུ་ཞིབ་མོས་སོ་སོར་རྟོག་པར་བྱེད་དོ། །དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་
D287.068.0315b07.01