完整藏文原文 · 德格版页 当前仅加载第 68 函德格 271b 版页；藏文 NFD、目录标记与异常页序保留在来源切片中，重复版页行以稳定序号区分。
གཉེན་འདོད་པ། བདེ་བ་འདོད་པ་དེ་འབྲོས་པ་དང་། ལེགས་པར་བྱས་པ་དང་། ཉེས་པར་བྱས་པའི་ལས་ཀྱིས་འབྲེལ་བ་སེམས་ཅན་དམྱལ་བ་དེ་ལས་གནས་གཞན་དུ་འབྱུང་སྟེ། མཚན་མོ་རི་ལ་ཆར་འབབ་པའི་ཆུ་ལྟར་གནོད་པ་འཕེལ་ལོ། །དེའི་ལྕགས་ཀྱི་རྡོ་རྒྱང་
D287.068.0271b01.01གྲགས་ཙམ་རབ་ཏུ་འབབ་སྟེ་དེ་དག་གིས་དེའི་{གླད་པ་,ཀླད་པ་}ལ་སོགས་པ་ནས་རྐང་པའི་བར་ཇི་ལྟར་བཅའ་སྒ་བཏགས་པ་ལྟ་བུར་དེ་ལྟར་ཕྱེ་མར་བྱེད་དེ་དེའི་ལུས་མངོན་པ་མེད་པར་བྱེད་དོ། །དེ་ལྟར་དེ་ལྕགས་ལས་བྱས་པའི་རྡོ་མི་བཟད་པ་ཆར་ལྟར་འབབ་པས་བཏགས་པ་ན་དེ་ནས་ཡང་
D287.068.0271b02.01སླར་འཚོ་བར་འགྱུར་ཏེ། ཅེ་སྤྱང་གི་མཆེ་བ་རབ་ཏུ་འབར་བ་དག་གིས་དེའི་ལུས་བཅའ་སྒ་ལྟར་སྲབ་མོར་བྱས་ཤིང་ཟའོ། །དེ་ནས་ཡང་བྱུང་ཞིང་སྐྱེས་ནས་ཅེ་སྤྱང་མི་བཟད་པ་དེ་དག་གིས་ཟ་སྟེ། དེ་ལྟར་ཡང་ཡུན་རིང་དུ་འཚེད་ཅིང་སྲེག་གོ། །སླར་ཡང་སྐྱེ་བར་འགྱུར་ཏེ།
D287.068.0271b03.01དེ་ལྟར་དེ་ལས་དེ་མྱོང་བར་འགྱུར། སོ་སོ་ཡང་དག་པར་ཚོར་བར་འགྱུར། དེ་སྡུག་བསྔལ་ཚ་བ་རྩུབ་པ་གནོད་པ་དག་མྱོང་བར་འགྱུར་ཏེ། རང་གིས་བྱས་ཤིང་གཞན་གྱིས་མ་བྱས་པ་མ་བྱས་པ་དང་ཕྲད་པ་མ་ཡིན། བྱུང་བ་རྣམས་ཀྱིས་བྱས་པ་ཆུད་ཟ་བ་མ་ཡིན། རྒྱུ་མེད་པ་
D287.068.0271b04.01མ་ཡིན། འདོད་རྒྱལ་ལས་བྱུང་བ་མ་ཡིན། རྒྱུ་དང་རྐྱེན་མི་འཐུན་པ་ལས་བྱུང་བ་མ་ཡིན། བྱེད་པ་པོས་བྱིན་གྱིས་མ་བརླབས། ཚོར་བ་པོས་བྱིན་གྱིས་མ་བརླབས་ཏེ། ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་རང་གི་རྒྱུ་
D287.068.0271b05.01རྐྱེན་གྱིས་བྱས་པ་མྱོང་བར་འགྱུར་རོ། །དེ་སེམས་ཅན་དམྱལ་བ་དེ་ལས་ཐར་ན་ལས་དེ་དང་རྒྱུ་འཐུན་པར་ཚེ་རབས་སྟོང་དུ་{ཡི་དགས་,ཡི་དྭགས་}མཆོག་ཏུ་མི་བཟད་པར་སྨིན་ཏེ། ལུས་ཀུན་ནས་རབ་ཏུ་འབར་ཞིང་ངུ་སྐད་འབྱིན་ཀུ་ཆོ་འདོན་པ་ན་སྐྱེ་བོ་ཀུན་གྱི་གནས་གྲོང་དུ་མཚན་མོ་ངུ་ཞིང་
D287.068.0271b06.01ཉིན་པར་ཡང་ཉི་མའི་འོད་མདག་མེ་ཆར་ལྟར་འབབ་པས་ཇི་སྲིད་དུ་དེའི་སྡིག་པའི་ལས་ཀྱི་མེ་འབྱུང་བ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་སྲེག་པར་བྱེད་དོ། །དེ་ལས་ཀྱང་ཐར་ན་དགོན་པའི་དུད་འགྲོ་རྐང་པ་བརྒྱ་བར་འགྱུར་ཏེ། རྟག་ཏུ་བཀྲེས་པ་དང་། སྐོམ་
D287.068.0271b07.01