完整藏文原文 · 德格版页 当前仅加载第 68 函德格 196a 版页；藏文 NFD、目录标记与异常页序保留在来源切片中，重复版页行以稳定序号区分。
བརྟགས་ན། དེས་ཐོས་པ་ལས་བྱུང་བའི་ཤེས་པས། སེམས་ཅན་དམྱལ་བ་ཀུན་དགའ་ལ་རེ་བ་མེད་པ་ཞེས་བྱ་བ་མཐོང་ངོ་། །དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས་དེས་ཐོས་པ་ལས་བྱུང་བའི་ཤེས་པས་བརྟགས་ན། གང་
D287.068.0196a01.01གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་ཀུན་དུ་བསྟེན་ཅིང་བསྒོམས་ཏེ་མང་དུ་བྱས་པ་ནི་སྔ་མ་བཞིན་ནོ། །{བརྫུན་,རྫུན་}སྨྲ་བ་ནི་རྣམ་པ་འདི་དག་སྨྲ་བ་ཡིན་ཏེ། སྡུག་བསྔལ་བ་དང་། ནད་བུ་ཅན་དང་། ལྟོགས་
D287.068.0196a02.01པ་དང་། དམན་པ་དང་། མགོན་མེད་པ་དང་། བཀྲེན་པ་དག་ལ་ནོར་རྫས་སྦྱིན་པར་ཁས་བླངས་པ་ལས་མ་བྱིན་པ་ཡིན་ཏེ། འབྲས་སཱ་ལུའི་བཟའ་བ་དང་། བཏུང་བ་དང་། གོས་དང་། མལ་ཆ་དང་། ཁྱིམ་སྦྱིན་པར་ཁས་བླངས་པ་ལས་མ་བྱིན་པ་དེ་ནི་རྒྱུ་དེས་
D287.068.0196a03.01རེ་བ་མེད་པར་འགྱུར་ཏེ། དེ་ལུས་དང་བྲལ་བའི་འོག་ཏུ་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་ཀུན་དགའ་ལ་རེ་བ་མེད་པ་ཞེས་བྱ་བར་སྐྱེ་བར་འགྱུར་རོ། །དེར་གནོད་པའི་རྣམ་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། གང་གིས་བཟའ་བ་སྦྱིན་པར་
D287.068.0196a04.01ཁས་བླངས་པ་ལས་མ་བྱིན་པ་དེ་ནི་སེམས་ཅན་དམྱལ་བར་བཟའ་བ་དང་། བཅའ་བ་ཞིམ་པོ་དང་། རྒྱན་སྣ་ཚོགས་ཀྱིས་བཀླུབས་པ་དག་མཐོང་ངོ་། །སེམས་ཅན་དམྱལ་བ་པ་ལྟོགས་པས་ཉེན་པ་དེ་དག་རྒྱང་རིང་པོ་ན་བཟའ་བ་ཉམས་དགའ་ཞིང་སྨོན་པའི་བཟའ་བ་
D287.068.0196a05.01དེ་དག་མཐོང་སྟེ། བཟའ་བ་དེ་དག་གི་ཕྱོགས་སུ་རྒྱུག་པ་དང་། ལམ་ཕུར་བུ་དང་། སྤས་གང་ཞིང་ལམ་དུ་སོག་ལེ་རབ་ཏུ་འབར་བས་གཤེག་པ་ན་ཕྱོགས་དེར་རྒྱུག་པ་ནི་སྔ་མ་བཞིན་དུ་སྦྱར་རོ། །ནམ་ཟས་དེ་ཐོབ་པ་དང་། དེ་དག་ལྕགས་ཀྱི་ཐུ་ལུམ་རབ་ཏུ་
D287.068.0196a06.01འབར་བ་ལྟ་བུར་གྱུར་ཅིང་དྲི་ང་ལ་མདོག་མི་སྡུག་པ་ལས་ཀྱིས་བྱས་པ་ཚུལ་ལོག་པར་མཐོང་སྟེ། དེ་ཉེ་བར་བལྟས་པ་དང་། མིག་གི་འབྲས་བུ་ལྟུང་ངོ་། །གང་གི་ཚེ་བསྣམས་པ་དང་དྲི་དེས་སྣ་ཚིག་ནས་བྱིད་དོ། །རེག་པས་ཡན་ལག་དང་ཉིང་ལག་ཐམས་ཅད་རབ་ཏུ་
D287.068.0196a07.01