完整藏文原文 · 德格版页 当前仅加载第 68 函德格 317b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་འགྱུར་བ་མཐོང་ངོ་། །དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་དུད་འགྲོའི་འཇིག་རྟེན་ཁ་ཟས་བཞི་པ་དགའ་བ་ཞེས་བྱ་བ་ལ་རྟོག་པར་བྱེད་དེ། དེས་ཐོས་པ་ལས་བྱུང་བའི་ཤེས་པས་འདི་ལྟར་དུད་འགྲོའི་ཡུལ་ན་དུད་འགྲོ་ཀུན་ནས་ཉོན་མོངས་
D287.068.0317b01.01པ་ཅན་གྱི་དགའ་བའི་ཟས་ཀྱིས་འཚོ་བ་ཡོད་དེ། ནགས་ཁུང་ན་སྦྲུལ་པོ་ཆེ་ཨ་ཛ་ག་ར་ཞེས་པ་དགའ་བའི་ཟས་དང་རླུང་ཟ་ཞིང་འཚོ་བ་དང་། སྲོག་ཆགས་ག་ལ་གོ་ལི་ཀ་དང་། རི་ཞོལ་གནས་ཞེས་བྱ་བ་ལ་སོགས་པ་དང་གཞན་ཡང་ཡོད་དེ། དེ་ལ་འོད་གསལ་གྱི་
D287.068.0317b02.01ལྷ་རྣམས་ཀྱི་དགའ་བའི་ཟས་ནི་གནོད་སེམས་མེད་པའི་དགའ་བའི་ཟས་ཀྱིས་འཚོ་བ་ཡིན་གྱི་དུད་འགྲོའི་དགའ་བའི་ཟས་ནི་འཁོན་གྱི་ལྟ་བ་དང་། འཁོན་དམ་དུ་འཛིན་པའི་སེམས་དང་ལྡན་པ་ཡིན་ན་དེ་དག་ལས་གང་གིས་དེར་སྐྱེ་བར་འགྱུར་སྙམ་ནས། དེས་ཐོས་པ་ལས་
D287.068.0317b03.01བྱུང་བའི་ཤེས་པས་བརྟགས་ན། ཞེ་སྡང་གི་ཤས་ཆེ་བའམ། ཞེ་སྡང་གི་རང་བཞིན་ཅན་གང་ཡིན་པ་སྟེ། འཁོན་གྱི་རྒྱུ་དང་འཐུན་པ་དང་། གཏི་མུག་གི་ཤས་ཆེ་བ་དེས་སྲོག་གཅོད་པར་བྱས་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་
D287.068.0317b04.01སེམས་ཅན་དམྱལ་བ་རྣམས་ཀྱི་ནང་དུ་སྐྱེ་བར་འགྱུར་རོ། །དེ་འཁོན་དང་དགའ་བའི་གཞི་ཡོད་པ་དེས་དུད་འགྲོ་རྣམས་ཀྱི་ནང་དུ་སྐྱེས་ན། དགའ་བའི་ཟས་དང་རླུང་ཟ་བར་འགྱུར་རོ། །དེ་གལ་ཏེ་མི་རྣམས་དང་སྐལ་བ་མཉམ་པར་མིར་སྐྱེས་ན། ལས་དེ་དང་རྒྱུ་
D287.068.0317b05.01འཐུན་པར་དེ་རྟག་པར་གློ་བུར་དུ་ཕ་རོལ་དང་། ལྷན་ཅིག་རྒྱུ་མེད་པར་འཐབ་པ་དང་འབྲེལ་བར་འགྱུར་བ་མཐོང་ངོ་། །དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་རྣམ་པ་གཞན་གྱིས་དུད་འགྲོའི་འཇིག་རྟེན་མཐའ་ཡས་པ་ལ་རྟོག་པར་བྱེད་དེ།
D287.068.0317b06.01ཡང་ཆུའི་ནང་ན་རྒྱུ་བ་དག་ཇི་ལྟར་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། གང་བློ་ཞན་ཅིང་རྣམ་པར་ཤེས་པ་ཞན་པ་སྐོམ་གྱིས་གདུངས་བཞིན་དུ་འཆི་བའི་དུས་བྱེད་ན་དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་ཆུའི་ནང་ན་རྒྱུ་
D287.068.0317b07.01