完整藏文原文 · 德格版页 当前仅加载第 68 函德格 302a 版页；藏文 NFD、目录标记与异常页序保留在来源切片中，重复版页行以稳定序号区分。
རྟག་ཏུ་ཉེས་པར་སྤྱོད་ལ་དགའ། །སྡིག་པ་ངེས་པར་རྣམ་སྤངས་པ། །འགྲོ་བ་བཟང་པོར་འགྲོ་བར་འགྱུར། །འཇིག་རྟེན་ལས་ཀྱི་འབྲས་བུ་མཐོང་། །ལྷ་ལ་རྣམ་པ་སྣ་ཚོགས་མཐོང་། །གང་ཞིག་བག་མེད་ཤིན་ཏུ་རྩུབ། །དེ་དག་ངེས་པར་འཕགས་མི་བྱེད། །གང་གི་དོན་
D287.068.0302a01.01དུ་ལུས་དང་ངག །ཡིད་ཀྱིས་མང་དུ་སྡིག་བྱས་པ། །དེ་དག་ཐམས་ཅད་གཞན་དུ་དོང་། །གནས་འདིར་ཁྱོད་ནི་གཅིག་པུ་འདུག །མི་ནི་རྙེད་དཀའ་ཐོབ་ནས་སུ། །གང་ཞིག་སྡིག་པ་མང་བྱེད་པ། །ཤིན་ཏུ་སླུ་བ་མི་བཟད་དེ། །ངན་འགྲོར་ངེས་པར་འགྲོ་བ་ཡིན། །གང་ཞིག་སྡིག་
D287.068.0302a02.01ལས་བྲལ་བ་ནི། །ཤིན་ཏུ་དགེ་ལ་དགའ་འགྱུར་ཏེ། །དེ་ནི་བདེ་ལས་བདེ་འཐོབ་ཅིང་། །མྱ་ངན་འདས་པར་རབ་ཏུ་འགྲོ། །གང་ཞིག་དགེ་ལ་ཉེར་སྟེན་པ། །མི་ནི་ཤིན་དུ་བཀྲ་ཤིས་འགྱུར། །གང་ཞིག་སྡིག་ལ་ཉེར་སྟེན་པ། །དེ་ནི་ཤིན་ཏུ་བཀྲ་མི་ཤིས། །ཐོག་མ་བར་དང་མཐར་ངན་
D287.068.0302a03.01པ། །དམ་པས་དེ་ནི་རྣམ་པར་སྨད། །སྡིག་པ་སྡིག་པར་འགྲོ་བ་མཐོང་། །སེམས་ཅན་དམྱལ་བ་ཉེ་བར་རྟོག །ལས་དགེ་དབང་པོ་ཐུལ་བ་ནི། །འཇིག་རྟེན་དག་ན་ཤིན་ཏུ་བཟང་། །ལུས་དང་བྲལ་ནས་བདེ་འགྲོ་སྟེ། །ལྷ་ཡི་འཇིག་རྟེན་སྐྱེ་བར་འགྱུར། །ཁྱོད་ནི་བཅིང་བ་དམ་པོས་
D287.068.0302a04.01བཅིངས། །གཤིན་རྗེའི་ཕོ་ཉས་དབང་དུ་བྱས། །གཤིན་རྗེའི་འཇིག་རྟེན་བསྟེན་དཀའ་བ། །དྲག་པོ་མི་བཟད་ཁྱོད་ཀྱིས་ཐོབ། །ཁྱོད་ཀྱིས་ངན་བྱས་གང་བྱས་པའི། །ལས་དེ་འདིར་ནི་སྤྱད་པར་གྱིས། །བྱིས་པ་རང་གིས་བྱས་ལ་སྤྱད། །གཞན་གྱིས་སྤྱོད་པ་ཉིད་མི་འགྱུར། །དེ་ལྟར་དེ་
D287.068.0302a05.01གཤིན་རྗེས་རྗེས་སུ་བསྟན་པ་ན་གཤིན་རྗེའི་ཆད་པ་དེ་དག་མངོན་སུམ་དུ་གྱུར་ཏོ། །དེ་ནས་དེ་བསྟན་ནས་གཤིན་རྗེའི་མིས་ཉེས་པར་བྱེད་པ་བྱས་པ་རང་གི་ལས་ཀྱི་འབྲས་བུས་བསླུས་པ་དེ་ཕྱིར་བྱུང་ནས་ལས་ཉེ་བར་འགྲོ་བ་ཇི་ལྟ་བ་བཞིན་དུ་ཁྲིད་དེ། ཇི་སྲིད་དུ་སྡིག་པའི་ལས་བྱས་ཤིང་བསགས་
D287.068.0302a06.01པ་དེ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ཟས་རླུང་ལ་ཟ་བར་བྱེད་དོ། །དེ་ཕྱིས་{ཡི་དགས་,ཡི་དྭགས་}ཀྱི་འཇིག་རྟེན་དེ་ལས་ཐར་བར་འགྱུར་ཏེ། ཐར་ནས་ཀྱང་གལ་ཏེ་མི་རྣམས་དང་སྐལ་བ་མཉམ་པར་མིར་སྐྱེས་ན་ལས་དེ་དང་རྒྱུ་འཐུན་པར་རི་ཉམ་ང་བ་དང་ཆུ་མི་བདེ་བའི་འགྲམ་དུ་གནས་ཏེ་
D287.068.0302a07.01