完整藏文原文 · 德格版页 当前仅加载第 68 函德格 154a 版页；藏文 NFD、目录标记与异常页序保留在来源切片中，重复版页行以稳定序号区分。
བའི་འདོད་ཆགས་ཀྱི་མོད་ལས་བྱུང་བའི་སྲེད་པ་ལ་མངོན་པར་མི་དགའ་བའི་དགེ་སློང་ཡོན་ཏན་གྱི་རྣམ་པ་དེ་ལྟ་བུ་དག་དང་ལྡན་པ་དེ་ས་བླའི་གནོད་སྦྱིན་དག་གིས་མཐོང་ནས་བར་སྣང་ལ་སྤྱོད་པ་དག་ལ་མངོན་པར་བསྙད་དོ། །དེ་ལྟར་སྔ་མ་བཞིན་དུ་སྦྱར་ཏེ། ཚངས་རིས་
D287.068.0154a01.01དག་གིས་ཐོས་པའི་བར་རྒྱ་ཆེར་སྔ་མ་བཞིན་དུ་སྦྱར་རོ། །དེ་ནས་གཞན་ཡང་དགེ་སློང་དེ་སེམས་ཅན་དམྱལ་བ་ཐིག་ནག་གི་འཁོར་ལ་ལྟ་བར་བྱེད་དེ། སེམས་ཅན་དམྱལ་བ་ཐིག་ནག་གི་འཁོར་གཞན་ཡང་གང་ཞིག་ཡོད་སྙམ་མོ། །དེ་སེམས་ཅན་དམྱལ་བ་རབ་ཏུ་མི་བཟད་
D287.068.0154a02.01པ་ཞེས་བྱ་བ་མཐོང་སྟེ། དེས་སེམས་ཅན་དག་ལས་གང་གིས་དེར་སྐྱེ་བར་འགྱུར་སྙམ་ན་ཁྱིམ་པ་གང་གིས་འོས་པ་མ་ཡིན་པའི་གནས་མལ་དང་། ན་བའི་གསོས་སྨན་གྱི་རྐྱེན་གྱི་ཡོ་བྱད་མང་པོ་དག་ལ་སྤྱད་པ་འཆབ་པ་དང་། གཞན་ལ་སྙད་བཏགས་ཏེ་ཕྱུགས་གསོད་
D287.068.0154a03.01པའམ། ལྷ་ལ་སྙད་བཏགས་པའམ། བྲམ་ཟེ་འདོད་པའི་སྡིག་པས་དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རབ་ཏུ་མི་བཟད་པར་སྐྱེ་བར་འགྱུར་བ་མཐོང་ངོ་། །དེར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། བྱ་རོག་དང་། བྱ་རྒོད་
D287.068.0154a04.01དང་། ཕག་རྒོད་གཏུམ་པོ་དག་གིས་མིག་འབྱིན་ཅིང་། ཕག་དང་འཁྲུགས་པའི་སྒྲ་དང་། གཏུན་ཤིང་དང་། མེ་རབ་ཏུ་འབར་བ་དང་། དམྱལ་བའི་སྲུངས་མ་དྲག་པ་རབ་ཏུ་མི་བཟད་པ་ཡོད་དོ། །སེམས་ཅན་དམྱལ་བ་རབ་ཏུ་མི་བཟད་པར་སྐྱེ་བའི་གནོད་པ་འབྱུང་བ་ནི་
D287.068.0154a05.01འདི་ལྟ་སྟེ། མིག་འབྱིན་པ་དང་། ལྕེ་གཅོད་པ་དང་། ཡན་ལག་དང་། ཉིང་ལག་ཐམས་ཅད་གཅོད་པ་དང་། ལྕགས་ཀྱི་སྣོད་རབ་ཏུ་འབར་བ་དག་ནས་ཟངས་ཀྱི་ཁུ་བ་ལྡུད་པ་དང་། ལུས་ཐམས་ཅད་ལ་ཕུར་བུ་འཛུགས་པ་དང་། རྐང་པ་གཅོད་པ་དང་། བྱ་རོག་གིས་ཟ་བ་དང་།
D287.068.0154a06.01ནད་ཐམས་ཅད་ཀྱིས་གནོད་པ་བྱེད་པར་འགྱུར་ཏེ། ཇི་ཙམ་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་གྱུར་པ་དེ་སྲིད་དུ་སེམས་ཅན་དམྱལ་བ་མི་བཟད་པར་ལོ་འབུམ་ཕྲག་དུ་མར་ངུ་བ་ན་མགོན་མེད་ཅིང་གྲོགས་མེད་ལ། གཤིན་རྗེའི་མི་དག་གིས་གསོད་པར་འགྱུར་རོ།།
D287.068.0154a07.01