完整藏文原文 · 德格版页 当前仅加载第 68 函德格 291a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ཟད་པར་མ་བྱས་པ་དེ་སྲིད་དུ་{ཡི་དགས་,ཡི་དྭགས་}ཁ་ཟས་མེད་པའི་སྡུག་བསྔལ་མྱོང་བར་འགྱུར། དེ་ཕྱིས་{ཡི་དགས་,ཡི་དྭགས་}ཀྱི་ཡུལ་དེ་ལས་ཐར་བར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་འཐུན་པར་རང་གིས་བྱས་པའི་ལས་སྤྱད་པ་ཇི་ལྟར་ལས་ཉེ་བར་འགྲོ་བས་
D287.068.0291a01.01འཁོར་བར་ཡོངས་སུ་འཁྱམ་མོ། །དེ་གལ་ཏེ་མི་རྣམས་ཀྱི་ནང་དུ་གཉའ་ཤིང་གི་བུ་གར་རུས་སྦལ་འཇུག་པ་ལྟ་བུར་མི་རྣམས་དང་སྐལ་བ་མཉམ་པར་མིར་སྐྱེས་ན་དེ་མངལ་ན་གནས་པ་ན་མ་དེ་ཟས་འདོད་པ་མེད་པར་འགྱུར། གང་གིས་མ་དེའི་ལུས་དང་བཞིན་ཁ་
D287.068.0291a02.01དོག་མཆོག་ཏུ་མི་སྡུག་པར་འགྱུར། དེ་གལ་ཏེ་མངལ་དེ་ཉིད་དུ་གནས་པ་ན་ལས་རབ་ཏུ་མཐུ་ཆེ་བ་དང་སྲོག་བཅད་པ་རབ་ཏུ་མཐུ་ཆེ་བ་དེས་འཆི་བའི་དུས་བྱེད་པར་འགྱུར། གལ་ཏེ་ཡང་བརྒྱ་ལ་བཙའ་བར་གྱུར་ན་དེ་ལྟར་ངན་པ་བྱས་པ་འདུས་བྱས་དེའི་མ་རྟག་ཏུ་དྲི་ང་ཞིང་
D287.068.0291a03.01མདོག་མི་སྡུག་ལ་མདངས་མེད་པར་འགྱུར། དེ་སྲོག་གི་འཚོ་བ་དུས་ཐུང་ཞིང་ཚེགས་ཆེན་པོས་ཐོབ་པར་འགྱུར། ཡུལ་གྱི་བདག་པོ་རྒྱལ་པོས་ཀྱང་དེ་ལྟར་བཙོན་རར་བཅུག་ནས་བཀྲེས་པ་དང་། སྐོམ་པ་དག་གིས་འཆི་བའི་དུས་བྱེད་པར་འགྱུར་བ་མཐོང་ངོ་། །དེ་
D287.068.0291a04.01ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་{ཡི་དགས་,ཡི་དྭགས་}ཀྱི་འཇིག་རྟེན་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་{ཡི་དགས་,ཡི་དྭགས་}དྲི་ཟ་བ་ཞེས་བྱ་བ་ཇི་ལྟར་འདུག་པ་མཐོང་ངོ་། །དེར་ལས་གང་གིས་སྐྱེ་བར་འགྱུར་སྙམ་ནས་དེས་ཐོས་པ་ལས་
D287.068.0291a05.01བྱུང་བའི་ཤེས་པས་བརྟགས་ན། གང་གིས་བཟའ་བ་དང་བཏུང་བ་མང་པོ་ཤིན་ཏུ་བསྡུས་ནས་བདག་འབའ་ཞིག་ཟ་ལ། བུ་དང་ཆུང་མ་དག་ལ་ཡང་དག་པར་འགེད་པར་མི་བྱེད། དེ་དག་རོ་བྲོ་བ་འདོད་ན་དྲི་ཙམ་ཞིག་ལ་སྣོམ་དུ་འཇུག །དེ་བུ་དང་ཆུང་མ་དེའི་མདུན་དུ་
D287.068.0291a06.01རང་འབའ་ཞིག་ཟ་བར་བྱེད་ལ། ཕྲག་དོག་དང་སེར་སྣས་ཟིན་པས་ཡང་དག་པར་འགེད་པར་མི་བྱེད་དེ། དེ་ལྟར་བུ་དང་ཆུང་མ་རིས་འཐུན་པ་ལྷན་ཅིག་འཁོད་པ་ལ་བརྙས་པར་བྱེད་ཅིང་གཞན་དག་ཀྱང་དེ་ཉིད་ལ་རབ་ཏུ་འཇོག་པར་བྱེད་པ་ལ་རྗེས་སུ་དགའ་ཞིང་དེ་ནས་ཡང་བདག་
D287.068.0291a07.01