完整藏文原文 · 德格版页 当前仅加载第 68 函德格 265b 版页；藏文 NFD、目录标记与异常页序保留在来源切片中，重复版页行以稳定序号区分。
མཐའ་དག་ཏུ་དཔེ་བྱ་བར་མི་ནུས་སོ། །དེ་ཅིའི་ཕྱིར་ཞེ་ན། ལེགས་པར་བྱས་པ་དང་། ཉེས་པར་བྱས་པའི་མཐའ་དག་ནི་རྒྱུ་འཐུན་པར་འབྲས་བུ་འབྱུང་སྟེ། སེམས་ཅན་དམྱལ་བ་པ་རྣམས་ཀྱང་དེ་དང་འདྲ་བར་དཔེ་བྱ་བར་མི་ནུས་སོ། །དེ་ལྟར་དེ་བསྐལ་པའམ།
D287.068.0265b01.01བསྐལ་པ་ལས་ལྷག་པར་བསྲེགས་ནས་ལས་དེ་ཟད་ན་ཐར་བར་འགྱུར་ཏེ། རྒྱུ་རྐྱེན་ཟད་ན་འབྲས་བུ་ཡང་ཟད་པར་འགྱུར་རོ། །ཇི་ལྟར་མེ་ཤི་ན་ཚ་བ་མེད་པར་འགྱུར་བ་དང་། ས་བོན་ཟད་ན་འབྲས་བུ་ཡང་ཟད་པར་འགྱུར་བ་དེ་བཞིན་དུ་གང་གི་ཚེ་མནར་མེད་པའི་མི་དགེ་
D287.068.0265b02.01བའི་ལས་དེ་བཅོམ་ཞིང་སྤངས་ལ་ཟད་པར་གྱུར་པ་དེའི་ཚེ་སེམས་ཅན་དམྱལ་བ་དེ་ལས་ཐར་བར་འགྱུར་རོ། །ཐར་ནས་ཀྱང་རྒྱུ་འཐུན་པའི་འབྲས་བུ་རི་གསེབ་ཁབ་རྩེ་ལྟ་བུའི་ནང་དུ་{ཡི་དགས་,ཡི་དྭགས་}རྣམས་སུ་སྐྱེ་བར་འགྱུར་རོ། །དེར་སྐྱེས་ནས་བཀྲེས་པ་དང་སྐོམ་པས་གདུངས་
D287.068.0265b03.01ཤིང་ལུས་ཚལ་ཤིང་བསྲེགས་པ་ལྟ་བུར་འགྱུར་རོ། །དེ་ལས་ཐར་ནས་ཀྱང་དུད་འགྲོའམ་ཆུ་སྲིན་བྱིས་པ་གསོད་དག་ཏུ་སྐྱེ་བར་འགྱུར་རོ། །དེ་བཞིན་དུ་ལྗན་ལྗིན་གྱི་ཚོགས་ཕྱི་ས་མི་གཙང་བ་འཇིག་པར་བྱེད་པའི་སྲིན་བུར་འགྱུར་རོ། །ཚེ་རབས་ཉིས་སྟོང་དུ་ཡི་
D287.068.0265b04.01དགས་བཀྲེས་ཤིང་སྐོམ་པ་དག་གིས་གདུངས་པར་འགྱུར་ཞིང་བསྲེགས་པར་འགྱུར། ཚེ་རབས་ཉིས་སྟོང་དུ་དུད་འགྲོ་རྣམས་སུ་སྐྱེ་སྟེ། ཡང་ལས་ཀྱི་དབང་གིས་རྒྱུ་དང་འཐུན་པའི་འབྲས་བུས་དུད་འགྲོའི་རིས་སྡུག་བསྔལ་རྣམ་པ་སྣ་ཚོགས་ཀུན་དང་ཟ་བ་དང་གསད་པའི་
D287.068.0265b05.01བསམ་པ་ཐ་དད་པ་རྣམས་ཀྱི་ནང་དུ་སྐྱེ་བར་འགྱུར་རོ། །དེ་གཅིག་ལ་གཅིག་ཟ་བའི་སྡུག་བསྔལ་དེ་ལས་ཐར་ནས་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་མིའི་ནང་དུ་སྐྱེས་ན་ལས་དེ་དང་རྒྱུ་འཐུན་པར་ཚེ་རབས་ལྔ་བརྒྱར་མངལ་དུ་འཆི་བར་འགྱུར་རོ། །
D287.068.0265b06.01ཚེ་རབས་ལྔ་བརྒྱར་བྱུང་མ་ཐག་ཏུ་འཆི་བར་འགྱུར། ཚེ་རབས་ལྔ་བརྒྱར་གོག་ཐལ་ཐུལ་ཙམ་ན་འཆི་བར་འགྱུར་རོ། །གལ་ཏེ་ཡང་ཕྱིས་རྒྱུ་དང་འཐུན་པའི་འབྲས་བུ་མ་ལུས་པར་འབྱུང་སྟེ་དེ་ལུས་མཐའ་ཡས་པ་ནས་ཞུགས་པ། ལས་ཀྱི་དྲ་བ་དང་འཐུན་པའི་འབྲས་བུ་ཆུང་
D287.068.0265b07.01