完整藏文原文 · 德格版页 当前仅加载第 68 函德格 259a 版页；藏文 NFD、目录标记与异常页序保留在来源切片中，重复版页行以稳定序号区分。
བ་དེ་བྱེ་མ་ཆང་པ་ནས་གཏོར་བ་བཞིན་དུ་གཏོར་ཏོ། །ལུས་ཐམས་ཅད་ཕྱེ་མར་བྱས་པ་དེ་སླར་ཡང་འབྱུང་བར་འགྱུར་ཏེ། དེ་ནས་ཤིན་ཏུ་རྒྱུག་ཀྱང་དེའི་འདོད་ཆགས་ཞི་བར་མི་འགྱུར་རོ། །དེའི་གནས་དེ་ལྟ་བུ་མཐོང་ནས་དགེ་སློང་དེས་བསམས་ཏེ།
D287.068.0259a01.01ཐོས་པ་ལས་བྱུང་བའི་ཤེས་པས་འདི་ལྟར་ཚིགས་སུ་བཅད་དེ་སྨྲས་པ། བུད་མེད་ངན་སོང་གཞི་ཡིན་ཞིང་། །ཀུན་ནས་ནོར་ནི་ཟད་པར་བྱེད། །མི་གང་བུད་མེད་ཚིག་ཉན་པ། །དེ་ལ་བདེ་བ་ག་ལ་ཡོད། །དོན་མེད་ཆོས་ལ་དགའ་བ་ནི། །བུད་མེད་གཡོ་
D287.068.0259a02.01དང་ཕྲག་དོག་མང་། །འཇིག་རྟེན་གཉིས་ནི་རྣམ་འཇིག་པ། །སྐྱེས་པ་རྣམས་ཀྱི་མདུན་ན་གནས། །དེའི་ཚིག་ཤིན་ཏུ་མི་བརྟན་ཏེ། །རྟག་ཏུ་འདོད་ཆགས་སྐྱེད་ལ་མཁས། །དེ་ཡི་སྙིང་ནི་གཞན་སེམས་ལ། །གཞན་གྱི་ཚུལ་གྱིས་སྨྲ་བར་བྱེད། །དང་པོར་མཉེན་
D287.068.0259a03.01ཞིང་སྲུན་བྱེད་ལ། །ཕྱི་ནས་སེམས་ནི་རྡོ་རྗེ་འདྲ། །སེམས་ནི་ཡང་ལ་ཕན་པ་མེད། །བཀུར་སྟི་དག་ནི་དྲན་མི་བྱེད། །ལེགས་པ་བརྒྱ་ནི་ཆུད་གཟོན་ལ། །མ་ལེགས་གཅིག་པུ་དྲན་པར་བྱེད། །སྡིག་པའི་ས་གཞི་བུད་མེད་ཡིན། །སྙིང་ནི་གློག་གི་ངོ་བོ་བཞིན། །
D287.068.0259a04.01སྐྱེས་པ་ཆགས་པའི་སེམས་ཡོད་པ། །འཇིག་པའི་རྒྱུ་ནི་བུད་མེད་བྱེད། །འཇིག་རྟེན་འདི་དང་ཕ་རོལ་ཏུ། །འཇིག་བྱེད་ནང་ན་བུད་མེད་འཇིག །གལ་ཏེ་བདེ་བའི་མཆོག་འདོད་ན། །དེ་ལྟར་བུད་མེད་རྣམ་པར་སྤོངས། །བུད་མེད་རྟག་ཏུ་སྤངས་པ་ནི། །འཇིག་རྟེན་འདི་
D287.068.0259a05.01དང་ཕ་རོལ་བདེ། །གང་ཞིག་དབུལ་བ་སྤོང་འདོད་ཅིང་། །གང་ཞིག་བདག་ནི་འབྱོར་འདོད་དང་། །གང་ཞིག་མྱ་ངན་འདས་འགྲོ་འདོད། །མི་དེས་བུད་མེད་སྤང་བར་བྱོས། །དེ་ལྟར་ཕྱིན་ཅི་ལོག་ཏུ་མཐོང་བ་སྙིང་རྣམ་པར་རྨོངས་པ་དེ་ལོ་འབུམ་ཕྲག་དུ་མར་སྲེག་གོ། །གཤེག་
D287.068.0259a06.01གོ། །གསོད་དོ། །དེ་ནས་ཡང་སླར་འབྱུང་བར་འགྱུར་ཏེ། དེ་གལ་ཏེ་དེ་ལས་ཐར་ནས་དེ་ནས་ཡང་མེ་མདག་གི་ཆུ་བོའི་ནང་དུ་བྱིང་ཞིང་འཚེད་པ་ན་བཀྲེས་པ་དང་། སྐོམ་པས་གདུངས་ཏེ། གར་བབ་བབ་ཏུ་འབྲོས་སོ། །དེ་ནས་ཡང་དགེ་སློང་དེ་མནར་མེད་པའི་མི་དགེ་བ་བྱེད་
D287.068.0259a07.01