完整藏文原文 · 德格版页 当前仅加载第 68 函德格 126a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། ངག་དང་། ཡིད་ལས་སུ་རུང་བ་དང་ལྡན་ཞིང་མིའི་སྙིང་དང་ལྡན་པ་རྣམས་ཀྱི་འཁོར་བ་ནི་ཐུང་བར་འདུ་ཤེས་ཀྱི་མཚན་མ་ལ་དམིགས་པར་བྱེད་དོ། །དེ་བཞིན་དུ་གང་དག་བག་མེད་པ་ལ་ཞུགས་པ་རྣམས་ཀྱི་དགའ་བའི་ཚལ་དང་། རྣམ་པར་
D287.068.0126a01.01མཛེས་པ་དང་། ཤིང་རྟ་སྣ་ཚོགས་དང་། ཡོངས་འདུ་དང་། ནགས་ཚལ་དང་། ལྟེང་ཀ་དང་། པད་མ་སྣ་ཚོགས་དང་། རྒྱན་དང་། དོ་ཤལ་དང་། བྲོ་གར་དང་། ཁྲོན་པ་དང་། ཤིན་ཏུ་མཛེས་པའི་དཔག་བསམ་གྱི་ཤིང་དང་། འབབ་ཆུ་དང་། ཆུ་
D287.068.0126a02.01མིག་ཚག་ཚིག་དང་། ཚལ་དང་། བདུད་རྩི་དང་། ཟས་དང་། གནས་ཀྱི་ཁྱད་པར་དག་སྤངས་ནས། གང་དག་ཚུལ་ཁྲིམས་ཀྱི་རྣམ་པའི་ཟས་བསམ་གཏན་དང་། ཀློག་པ་ལ་གནས་ཤིང་ལེགས་པར་ལྟ་ལ་ཁ་ཏོན་དུ་འདོན་པ་དང་། སྦྱིན་པ་དང་། དུལ་བ་དང་
D287.068.0126a03.01ཡང་དག་པར་སྡོམ་པ་དང་། ཚངས་པར་སྤྱོད་པ་དང་། དབང་པོ་དུལ་བ་དང་། སྨྲ་བའི་ཚིག་ཉུང་བ་དང་། ཆོས་འདོད་པ་དང་། ཞི་བའི་ཟས་ལ་གནས་པའི་ལྷ་གང་ཡིན་པ་དེ་དག་གི་འཁོར་བ་ནི་ཐུང་ངོ་། །ཇི་སྐད་བཤད་པ་བཞིན་དུ་སྡུག་བསྔལ་གྱི་རྣམ་པ་བཀྲེས་པ་
D287.068.0126a04.01དང་། སྐོམ་པ་དང་། ཁ་སྐམས་པ་དང་། ཚལ་ཤིང་བསྲེགས་པ་བཞིན་དུ་དམན་ཞིང་ཞུམ་ལ་སྐྲ་དང་། གདོང་ཤིང་བསྲེགས་པ་ལྟ་བུའི་ལུས་ཅན་གང་ཡིན་པ་དེ་དག་སྡུག་བསྔལ་དུ་མི་བགྲང་བར་གང་དག་སྐད་ཅིག་ཙམ་ཞིག་ཀྱང་སངས་རྒྱས་དང་། ཆོས་དང་།
D287.068.0126a05.01དགེ་འདུན་ལ་དབང་པོ་རབ་ཏུ་དང་བས་དད་པ་ཆུང་ངུ་ཞིག་བྱས་པ་དེ་དག་གི་འཁོར་བ་ནི་ཐུང་བར་འདུ་ཤེས་ཀྱི་མཚན་མ་ལ་དམིགས་པར་བྱེད་དོ། །གཅིག་ལ་གཅིག་ཟ་ཞིང་རྡེག་པ་དང་། གྲང་བ་དང་། ཚ་བ་དང་། ཡུལ་ངན་དང་། འཇིགས་པས་འཇིགས་པ་དེ་
D287.068.0126a06.01དག་གལ་ཏེ་ནུས་ན་སྐད་ཅིག་ཙམ་དུ་རྣམ་པར་གནོད་པ་མི་བགྲང་བར་སྐད་ཅིག་ཙམ་ཞིག་ཀྱང་སངས་རྒྱས་དང་། ཆོས་དང་། དགེ་འདུན་ལ་སེམས་དང་བར་བྱས་པའི་དུད་འགྲོ་དེ་དག་གི་འཁོར་བ་ནི་ཐུང་བར་འདུ་ཤེས་ཀྱི་མཚན་མ་ལ་དམིགས་པར་བྱེད་དོ། །ཡང་སོས་
D287.068.0126a07.01