完整藏文原文 · 德格版页 当前仅加载第 68 函德格 290a 版页；藏文 NFD、目录标记与异常页序保留在来源切片中，重复版页行以稳定序号区分。
སྨད་པར་འགྱུར། དེའི་ཁ་ནས་ཀྱང་དྲི་མནམ་པོ་འབྱུང་ཞིང་གློ་བུར་དུ་སོ་ནག་པོར་འགྱུར་བ་མཐོང་ངོ་། །དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་སེར་སྣའི་གནས་སུ་གྱུར་པའི་{ཡི་དགས་,ཡི་དྭགས་}ཀྱི་འཇིག་རྟེན་ལ་བརྟགས་ན།
D287.068.0290a01.01དེས་ཐོས་པ་ལས་བྱུང་བའི་ཤེས་པས་སེར་སྣ་ཐམས་ཅད་ཀྱི་གནས་སུ་གྱུར་པ་{ཡི་དགས་,ཡི་དྭགས་}ཁ་ཟས་མེད་པ་ཞེས་བྱ་བ་མཐོང་ངོ་། །དེར་ལས་གང་གིས་སྐྱེ་བར་འགྱུར་སྙམ་ནས་དེས་ཐོས་པ་ལས་བྱུང་བའི་ཤེས་པས་བརྟགས་ན། སྐྱེས་པའམ་བུད་མེད་སེར་སྣས་ཟིལ་
D287.068.0290a02.01གྱིས་ནོན་ཅིང་ཕྲག་དོག་གི་ཟིལ་གྱིས་ནོན་པ་དང་། གཡོ་ཐབས་སམ་སླུ་བར་བྱེད་པ་སྟོབས་དང་ལྡན་པ་གང་གིས་སེམས་ཅན་དག་བཅིང་བས་བཅིངས་ཏེ། ཁ་ཟས་མ་བྱིན་པས་སྲོག་དང་ཕྲལ་ལ། སྲོག་དང་ཕྲལ་ནས་ཀྱང་སྙིང་ནས་འཆགས་པར་མི་བྱེད་ལ་འགྱོད་པར་མི་བྱེད།
D287.068.0290a03.01ཡང་ལས་དེ་ཉིད་བྱས་ནས་རྗེས་སུ་དགའ་བར་བྱེད་ཅིང་གཞན་དག་ཀྱང་དེ་ཉིད་ལ་རབ་ཏུ་འཇོག་པར་བྱེད། ལས་དང་ལས་ཀྱི་ཉེར་བསྡོགས་དང་། ལས་ཀྱི་མཇུག་དག་བྱས་ནས་ཡང་དེ་ཉིད་བྱེད་ན་དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་{ཡི་དགས་,ཡི་དྭགས་}ཁ་ཟས་མེད་པ་རྣམས་ཀྱི་
D287.068.0290a04.01ནང་དུ་སྐྱེ་བར་འགྱུར་རོ། །སྐྱེས་པ་དེའམ། བུད་མེད་དེ་དེར་སྐྱེས་ནས་ཁ་ཟས་མེད་པར་བྱས་ནས་བཀྲེས་པ་དང་སྐོམ་པར་བྱས་པ་མེ་དེས་སྲེག་པ་ན་ཡང་དང་ཡང་དུ་རི་ལས་ཆུ་འབབ་པའི་ཤུགས་ལྟར་བཀྲེས་པ་དང་སྐོམ་པའི་སྡུག་བསྔལ་མང་དུ་འཕེལ་ལོ། །དེའི་ཁ་ཟས་
D287.068.0290a05.01མེད་པར་བྱས་པའི་མཐུ་དེས་ཇི་ལྟར་ཐལ་བ་ཡང་མི་མངོན་པ་དེ་ལྟར་དེའི་ནང་དང་ཡན་ལག་དང་ཉིང་ལག་ཐམས་ཅད་སྲེག་གོ། །དེ་ནས་ཡང་ཡན་ལག་དང་ཉིང་ལག་དེ་དག་སླར་འབྱུང་བར་འགྱུར་ཏེ། ཡང་སྲེག་པར་བྱེད་དོ། །དེ་བཀྲེས་པ་དང་སྐོམ་པས་གདུངས་པ་དང་། ལུས་
D287.068.0290a06.01བསྲེགས་པ་སྟེ། སྡུག་བསྔལ་གཉིས་ཀྱིས་སྲེག་པ་ན་རང་གི་ལས་ཀྱི་འབྲས་བུ་ཉེས་པར་བྱས་པས་བསླུས་པ་དེ་སྡུག་བསྔལ་གྱིས་ཉམ་ཐག་ནས་ཤིན་ཏུ་ངུ་སྐད་འབྱིན། ཆོ་ངེས་འདེབས། སྨྲེ་སྔགས་འདོན་ཅིང་ཕྱོགས་དང་ཕྱོགས་མཚམས་སུ་རྒྱུག་སྟེ་དེ་ནི་དེའི་ནང་དུ་འབྱུང་བའི་
D287.068.0290a07.01