完整藏文原文 · 德格版页 当前仅加载第 68 函德格 218a 版页；藏文 NFD、目录标记与异常页序保留在来源切片中，重复版页行以稳定序号区分。
ངོ་། །དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། སེམས་ཅན་དམྱལ་བ་ཆེན་པོ་ཚ་བའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་སྐུད་པ་ནག་པོས་འདྲལ་ཞིང་གཅོད་པ་ཚ་བ་ཞེས་བྱ་བ་མཐོང་ངོ་། །
D287.068.0218a01.01དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས་དེས་ཐོས་པ་ལས་བྱུང་བའི་ཤེས་པས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། {བརྫུན་,རྫུན་}སྨྲ་བ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་
D287.068.0218a02.01པས་འགྱུར་རོ། །ལོག་པར་ལྟ་བས་ནི་མཚན་མ་དང་མཚན་མ་ལས་བྱུང་བ་བྱས་པ་སྟོན་པར་བྱེད། སྒོམ་པར་བྱེད། མང་དུ་བྱེད་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་ལྕགས་ནག་པོའི་སྐུད་པས་འདྲལ་ཞིང་གཅོད་པ་ཚ་བར་སྐྱེ་བར་འགྱུར་རོ། །དེར་གང་
D287.068.0218a03.01སེམས་ཅན་དམྱལ་བ་ཡང་སོས་ལ་སོགས་པའི་གནོད་པ་བསྡུས་པ་དེ་དག་ཐམས་ཅད་ལྔ་འགྱུར་དུ་འབྱུང་བའི་སྟེང་དུ་ཁྱད་པར་དུ་འབྱུང་བ་ནི་རང་གིས་བྱས་པ་ཉེས་པར་བྱས་པའི་ལས་ལས་བྱུང་བའི་སྐུད་པ་ནག་པོས་གཅལ་ནས་གཤིན་རྗེའི་མི་རྣམས་ཀྱིས་མཚོན་ཆའི་སོ་རྣོ་ཞིང་རབ་ཏུ་འབར་བ་དག་གིས་རྐང་པ་ལ་སོགས་
D287.068.0218a04.01པ་ནས་མགོའི་བར་དུ་གཅོད་དོ། །དེ་ལྟར་དེ་དག་གཅོད་པ་ན། སྙིང་རྗེ་ཞིང་རྣམ་པར་ཁྲོ་ལ་སྐད་འབྱིན་ཅིང་ངུའོ། །མཚོན་ཆས་གཤེག་ཅིང་ལྕགས་ནག་པོའི་སྐུད་པས་འདི་ལྟར་ཡུངས་ཀར་ཙམ་དུ་ཡང་མི་མངོན་པར་ཆེས་ཕྲ་བར་གཅོད་དོ། །དེ་ལྟར་སེམས་ཅན་དམྱལ་བ་པ་དེ་དག་ཇི་སྲིད་དུ་
D287.068.0218a05.01དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ཡུན་ཤིན་ཏུ་རིང་པོར་གནོད་པ་མྱོང་བར་འགྱུར་རོ། །དེ་ཕྱིས་སེམས་ཅན་དམྱལ་བ་དེ་ལས་ཐར་བར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་འཐུན་པའི་འབྲས་བུས་ཚེ་རབས་ལྔ་བརྒྱར་{ཡི་དགས་,ཡི་དྭགས་}གཏོར་མ་ཟ་བ་རྣམས་ཀྱི་ནང་
D287.068.0218a06.01དུ་སྐྱེ་བར་འགྱུར། ཚེ་རབས་ལྔ་བརྒྱར་དུད་འགྲོ་ཆུའི་སྲིན་བུ་དང་། སྡིག་པ་དང་། གྲོག་སྤུར་གྱི་སྐྱེ་གནས་དག་ཏུ་སྐྱེ་བར་འགྱུར། གལ་ཏེ་མི་རྣམས་དང་སྐལ་བ་མཉམ་པར་མིར་སྐྱེས་ན། དེ་དེ་དག་གི་རྒྱུ་འཐུན་པས་དེ་ཚེ་རབས་སུ་བཀྲེས་པ་དང་། སྐོམ་པས་གདུངས་པར་འགྱུར་ཞིང་
D287.068.0218a07.01