完整藏文原文 · 德格版页 当前仅加载第 68 函德格 268b 版页；藏文 NFD、目录标记与异常页序保留在来源切片中，重复版页行以稳定序号区分。
ཆགས་པའི་སྙིང་གིས་ཡུལ་ལ་སེམས་འཇུག་པའམ། སྡིག་པའི་གྲོགས་པོ་དང་ཕྲད་པས་སམ། ར་རོ་བའི་ཉེས་པས་མ་ལ་འཁྲིག་པ་བྱས་ཤིང་སད་ནས་ཀྱང་ཤིན་ཏུ་ཆགས་པའི་འདོད་ཆགས་དང་ལྡན་པས་འཁྲིག་པ་བྱས་ལ་སྡིག་པའི་གྲོགས་པོའི་ཚིག་གིས་དེ་ནས་ཆགས་
D287.068.0268b01.01པས་ཡང་དེ་ཉིད་ལ་འཁྲིག་པར་བྱེད། ཀུན་ཏུ་སྟེན་ཅིང་སྒོམ་ལ་མང་དུ་བྱེད། གཞན་དག་ཀྱང་དེ་ཉིད་ལ་རབ་ཏུ་འཇོག་པར་བྱེད་ན་དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་སྡུག་བསྔལ་མཐའ་ཡས་མང་དུ་སྐྱེ་བར་འགྱུར་རོ། །དེར་སྐྱེས་ནས་
D287.068.0268b02.01ཀྱང་གང་སེམས་ཅན་དམྱལ་བ་ཡང་སོས་ལ་སོགས་པའི་གནོད་པ་དེ་དག་ཐམས་ཅད་བརྒྱ་འགྱུར་དུ་འབྱུང་ངོ་། །ཁྱད་པར་དུ་འབྱུང་བ་ནི་འདི་ལྟར་དེའི་རྐུབ་ཏུ་ཕུར་བུ་རབ་ཏུ་འབར་བ་རྣམས་དང་། ཚེར་མ་གང་ཡིན་པ་དག་འཇུག་པར་བྱེད་དོ། །སྣར་ཡང་ཐོ་བ་དག་
D287.068.0268b03.01བླངས་ནས་ཕུར་བུ་རྣམས་འདེབས་པར་བྱེད། རྣ་གུང་དུ་ཡང་ཐོ་བ་དག་གིས་ཕུར་བུ་རྣམས་འདེབས་པར་བྱེད། ཁར་ཡང་ཐོ་བ་བླངས་ནས་ཕུར་བུ་སོ་རྣོ་ཞིང་འབར་རབ་ཏུ་འབར་བ་རྣམས་ཀྱིས་རབ་ཏུ་འགེངས་པར་བྱེད། དེའི་འོག་ཏུ་ཁའི་སྡུག་བསྔལ་རབ་ཏུ་འབར་བ་དང་།
D287.068.0268b04.01འོག་ཏུ་གྱུར་པའི་སྡུག་བསྔལ་དག་གིས་སྡུག་བསྔལ་བར་བྱེད། སྲེག་པར་བྱེད། གཤེག་པར་བྱེད། རྡེག་པར་བྱེད། རྔོ་བར་བྱེད་དོ། །ནང་གི་མནར་མེད་པའི་ཀུན་ནས་རྣམ་པ་ཐམས་ཅད་དུ་སྡུག་བསྔལ་གྱིས་ཉེན་ཏེ་ཇི་ལྟར་དེ་དཔེ་བྱ་བར་སླ་བ་མ་ཡིན་པ་དེ་ལྟར་ཇི་
D287.068.0268b05.01སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་སྡུག་བསྔལ་མྱོང་བར་འགྱུར་རོ། །དེ་ཕྱིས་སེམས་ཅན་དམྱལ་བ་བསྐལ་པའམ། བསྐལ་པ་ལས་ལྷག་པར་བསྲེགས་པ་དེ་ལས་ཐར་ན་སྡིག་པའི་ལས་དེ་དང་རྒྱུ་འཐུན་པའི་འབྲས་བུས་ཚེ་རབས་
D287.068.0268b06.01བཞི་སྟོང་དུ་{ཡི་དགས་,ཡི་དྭགས་}ཁ་ཐུར་དུ་བལྟས་པ་མདག་མ་ཟ་བའི་ནང་དུ་ལུས་བཀྲེས་པ་དང་། སྐོམ་པས་གདུངས་པའི་ལུས་སུ་སྐྱེ་བར་འགྱུར་རོ། །མྱ་ངམ་ཆུ་དང་། གྲིབ་མ་མེད་པའི་སྨྱིག་མའི་ཚལ་གྱི་དུད་འགྲོ་དག་ཏུ་ཡང་སྐྱེ་བར་འགྱུར། སྲོག་ཆགས་རི་ལ་གནས་པ་གྲིབ་མ་
D287.068.0268b07.01