完整藏文原文 · 德格版页 当前仅加载第 68 函德格 217b 版页；藏文 NFD、目录标记与异常页序保留在来源切片中，重复版页行以稳定序号区分。
ལྟར་གཞན་དག་ཀྱང་འདོད་རྒྱལ་དུ་ལྟ་བར་གྱུར་པ་དེར་རབ་ཏུ་འཇོག་པར་བྱེད་ཅིང་། ཡང་དག་པར་སྟོན་པར་བྱེད་ལ། ལུས་ཀྱི་ཆད་པ་དང་། ངག་གི་ཆད་པ་དང་། ཡིད་ཀྱི་ཆད་པས་ཉམས་པར་བྱེད་པ་དེ་ནི་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རུས་པ་
D287.068.0217b01.01རྡོ་རྗེ་ལྟ་བུ་འབྱུང་ཞིང་འདུ་བར་སྐྱེ་བར་འགྱུར་རོ། །དེར་སེམས་ཅན་དམྱལ་བ་ཡང་སོས་ལ་སོགས་པའི་སྡུག་བསྔལ་བསྡུས་པ་དེ་དག་ཐམས་ཅད་འབྱུང་བའི་སྟེང་དུ་ཁྱད་པར་དུ་འབྱུང་བ་ནི་འདི་ལྟར་གཤིན་རྗེའི་མི་རྣམས་ཀྱིས་གང་གི་ཚེ་སེམས་ཅན་དམྱལ་བ་པ་དེ་དག་མཚོན་ཆ་ཧུ་ལུ་
D287.068.0217b02.01རྣོན་པོ་དག་གིས་དེའི་ཤ་མེད་པར་བྱས་ལ་གང་དགྲ་གཞན་བྱུང་བས་རུས་པ་དེ་དག་བླངས་ཏེ། དགྲ་དེས་རུས་པ་ཕན་ཚུན་བཏགས་སོ། །རུས་པ་དེ་དག་ཀྱང་དེ་དག་གི་ལས་ཉེས་པར་བྱས་པ་དེས་རྡོ་རྗེ་ལྟ་བུར་གྱུར་ཏེ། ཁ་ཅིག་གི་མགོ་ཕུག །ཁ་ཅིག་གི་རྐེད་པ་ཕུག །ཁ་ཅིག་གི་ཡན་ལག་དང་
D287.068.0217b03.01ཉིང་ལག་ཐམས་ཅད་ཐལ་བར་རློག །ཁ་ཅིག་གི་ཁྲག་ཙམ་ལུས་པར་བྱེད། ཁ་ཅིག་གི་ཡན་ལག་གཅིག་འཇིག་པར་བྱེད། ཁ་ཅིག་ལ་ཕན་ཚུན་སྦྲོན་པར་བྱེད། རུས་པ་དང་། རུས་པས་སམ། རྡོ་རབ་ཏུ་འབར་བ་དག་གིས་སེམས་ཅན་དམྱལ་བ་པ་དེ་དག་གཅིག་ལ་གཅིག་རྡེག་ཅིང་
D287.068.0217b04.01གསོད་དེ། སེམས་ཅན་དམྱལ་བ་པ་ལས་ཀྱིས་བསྐུལ་བ་དེ་དག་འདི་ལྟར་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ཡུན་ཤིན་ཏུ་རིང་པོ། ལོ་བགྲང་གིས་མི་ལང་བར་སེམས་ཅན་དམྱལ་བ་དེ་དག་གཅིག་ལ་གཅིག་གསོད་དོ། །དེ་ཕྱིས་སེམས་ཅན་དམྱལ་བ་དེ་
D287.068.0217b05.01ལས་ཐར་བར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་འཐུན་པའི་འབྲས་བུས་{ཡི་དགས་,ཡི་དྭགས་}རང་གི་གླད་རྒྱས་ཟ་བའི་ནང་དུ་སྐྱེ་བར་འགྱུར། དེ་ནས་ཤི་ནས་ཀྱང་ཚེ་རབས་སུམ་བརྒྱར་དུད་འགྲོའི་འཇིག་རྟེན་རྩངས་པ་དང་། སྐྱིན་གོར་དང་། སྲོག་ཆགས་བྷི་ལ་ཀར་སྐྱེ་བར་འགྱུར་རོ། །དེ་ནས་
D287.068.0217b06.01ཤི་ནས་ཀྱང་གལ་ཏེ་བརྒྱ་ལ་གཉའ་ཤིང་གི་བུ་གར་རུས་སྦལ་འཇུག་པ་ལྟ་བུར་མི་རྣམས་དང་སྐལ་བ་མཉམ་པར་མིར་སྐྱེས་ན་དེ་ཚལ་དུ་གནས་པ་དང་། འགྲོ་ལྡིང་བའི་ཡུལ་དང་། ཨན་དྷ་ཀའི་ཡུལ་གྱི་དབུས་དག་ཏུ་དབུལ་བ་དང་། ནད་བུ་ཅན་དང་། གཞན་གྱིས་བཀོལ་བར་འགྱུར་བ་མཐོང་
D287.068.0217b07.01