完整藏文原文 · 德格版页 当前仅加载第 68 函德格 257b 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་ཉེས་པར་སྤྱད་པ་བྱས་པ་དང་། གང་མནར་མེད་པ་བྱས་པ་དང་། མི་དགེ་བ་བཅུའི་ལས་ཀྱི་ལམ་དང་ལྡན་པ་དེ་ནི་རྒྱུ་དེ་དང་འཐུན་པའི་འབྲས་བུ་ཉེ་བར་སྤྱོད་པར་འགྱུར་ཏེ། དེ་ལྟར་དེ་སྲིན་བུ་མར་ཀོ་ཏ་ཀའི་རི་དེར་ལོ་འབུམ་ཕྲག་དུ་མར་སྡུག་བསྔལ་མྱོང་བར་འགྱུར་
D287.068.0257b01.01རོ། །གལ་ཏེ་ཡང་དེ་ལས་ཐར་ན་ཤ་ཟ་བ་སེང་གེ་དང་། སྟག་དང་། དྲེད་དང་། གུང་དང་། དོམ་གྱིས་གང་བའི་ཚལ་དུ་རྒྱུག་པ་དང་། དེ་རྣམས་ཀྱིས་དེ་བཟུང་ངོ་། །བཟུང་ནས་ཀྱང་ཡན་ལག་རབ་ཏུ་ཟ་བར་བྱེད་དེ། ལ་ལ་ནི་{གླད་པ་,ཀླད་པ་}བརྟོལ་ནས་གླད་
D287.068.0257b02.01རྒྱས་ཟ་བར་བྱེད། ལ་ལ་ནི་བརླའི་ངོས་ལ། ལ་ལ་ནི་རྒྱུ་མ་ལ། ལ་ལ་ནི་གཉེ་མ་ལ། ལ་ལ་ནི་ལོང་ཀ་ལ། ལ་ལ་ནི་ཕོ་བ་ལ། ལ་ལ་ནི་བྱིན་པའི་སྦུ་གུ་ལ། ལ་ལ་ནི་པུས་མོ་ལ། ལ་ལ་ནི་རྐང་པ་ལ། ལ་ལ་ནི་རྐང་མཐིལ་ལ་ཟ་སྟེ། དེ་ལྟར་དེ་བཟའ་
D287.068.0257b03.01བཟའ་ནས་ཡང་ཤིན་ཏུ་གཞོན་ཤ་ཅན་དུ་འབྱུང་བར་འགྱུར་རོ། །ཤིན་ཏུ་གཞོན་ཤ་ཅན་དེ་ལ་ཡང་དང་ཡང་དུ་ལྷག་པར་སྡུག་བསྔལ་མྱོང་བར་འགྱུར་ལ་ཡང་ཟོས་ན་ཡང་དེའི་ཤ་རྫོགས་པར་སྐྱེ་བར་འགྱུར་ཏེ། དེས་སྲོག་གཅོད་པ་བྱས་ཤིང་བསགས་པའི་འབྲས་བུ་
D287.068.0257b04.01ནི་དེ་ཡིན་ནོ། །དེ་ལྟར་དེ་རང་གིས་བྱས་པ་གཞན་དང་མི་འདྲ་བའི་སྡིག་པའི་ལས་དེ་ལོ་འབུམ་ཕྲག་དུ་མར་མྱོང་བར་འགྱུར་རོ། །དེ་ནས་ཡང་དགེ་སློང་དེ་མ་བྱིན་པར་ལེན་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པའི་འབྲས་བུ་སོ་སོ་ཡང་དག་པར་མྱོང་བ་ལ་རྟོག་
D287.068.0257b05.01པར་བྱེད་དེ། དེས་ཐོས་པ་ལས་བྱུང་བའི་ཤེས་པས་བརྟགས་ན། འདི་ལྟར་དེ་ཉེས་པར་བྱས་པའི་ལས་ཀྱི་མཐའ་ལ་སྤྱོད་པ་མགལ་མེའི་འཁོར་ལོ་དང་། དྲི་ཟའི་གྲོང་ཁྱེར་དང་། {རི་དགས་,རི་དྭགས་}སྐོམ་པ་ལྟ་བུ་དག་ལ་དོན་གྱི་རྣམ་པ་ཆེན་པོ་དབྱིག་དང་། ནོར་བུ་དང་།
D287.068.0257b06.01གོས་དང་། ནོར་དང་། འབྲུའི་ཚོགས་སུ་ལྟའོ། །དེ་ལྟར་དེ་ཆགས་པས་ཟིལ་གྱིས་ནོན་ལ། ལས་ཀྱི་རྨོངས་པ་དག་འདི་སྙམ་དུ་སེམས་ཏེ། འདི་དག་ནི་བདག་གི་ཡིན་ནོ་སྙམ་མོ། །དེ་ལྟར་རྨོངས་པ་སྡིག་པ་བྱེད་པ་དེ་མེ་མདག་རབ་ཏུ་འབར་བའི་ཆུ་བོ་དག་ལས་
D287.068.0257b07.01