完整藏文原文 · 德格版页 当前仅加载第 68 函德格 190a 版页；藏文 NFD、目录标记与异常页序保留在来源切片中，重复版页行以稳定序号区分。
{བརྫུན་,རྫུན་}སྨྲ་བ་ནི་རྩོད་པའི་ཚེ་རང་གི་གཉེན་འདབ་ཀྱི་ཕྱིར་རམ་ཕྱོགས་གཟུང་བའི་ཕྱིར་རམ། ཕྱོགས་སུ་གྱུར་པས་སྨྲས་ལ། དེ་སྨྲས་ནས་ཀྱང་འཆགས་པར་མི་བྱེད་སྐྱོན་དུ་མི་འཛིན་ལ་ཀུན་དུ་བསྟེན་ཅིང་བསྒོམས་ཏེ་མང་དུ་བྱས་ན། དེ་ལུས་དང་བྲལ་ནས་
D287.068.0190a01.01ངན་འགྲོ་ལོག་པར་ལྟུང་བ་སེམས་ཅན་དམྱལ་བ་སྒྲ་འབྱིན་ཤིན་ཏུ་སྒྲ་འབྱིན་དུ་སྐྱེ་བར་འགྱུར་རོ། །དེར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། དེའི་ལྕེ་གང་གིས་{བརྫུན་,རྫུན་}སྨྲས་པ་དེ་ལ་ཆད་པས་གཅོད་པར་བྱེད་དེ། གཤིན་རྗེའི་མི་རྣམས་ཀྱིས་སྤུ་
D287.068.0190a02.01གྲིས་མིད་པ་དྲལ་ནས་དེར་འབྱིན་ཏེ། ཕྱུང་ནས་བ་ཚྭའི་ཆུ་རབ་ཏུ་ཚ་བས་ཆག་ཆག་འདེབས་སོ། །ནང་ན་ཡོད་པའི་ལྕེ་ལ་རུལ་པའི་དྲི་རབ་ཏུ་འབྱུང་ཞིང་སྲོག་ཆགས་མར་ཀོ་ཏ་ཀའི་ཁ་རབ་ཏུ་འབར་བས་ཀྱང་ལྕེ་དེ་ལ་ཟའོ། །ལུས་ཀྱི་ཚོར་བ་ཡང་གང་སེམས་ཅན་
D287.068.0190a03.01དམྱལ་བ་ཡང་སོས་ལ་སོགས་པའི་བཤད་པ་དེ་ཐམས་ཅད་ཀྱི་མཐའ་དག་སྔ་མ་བཞིན་དུ་ཇི་སྲིད་དུ་དེའི་{བརྫུན་,རྫུན་}གྱི་ལས་དེ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་སེམས་ཅན་དམྱལ་བ་པ་དེ་ལ་འབྱུང་བར་འགྱུར་རོ། །དེ་ཕྱིས་སེམས་ཅན་དམྱལ་བ་དེ་ལས་ཐར་བར་
D287.068.0190a04.01འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་{ཡི་དགས་,ཡི་དྭགས་}དང་། དུད་འགྲོ་དག་ཏུ་མ་སྐྱེས་ལ་མི་རྣམས་དང་སྐལ་བ་མཉམ་པར་མིར་སྐྱེས་ན་དེ་སྨྱོན་པར་འགྱུར་ཞིང་དབུལ་བར་འགྱུར། སེམས་རྣམ་པར་གཡེངས་པ་དང་། ཚེ་
D287.068.0190a05.01ཐུང་བ་དང་། དབང་པོ་མ་ཚང་བ་དང་། སྐྱེ་བོ་ཀུན་གྱིས་སྨད་པ་དང་། དོན་ཐམས་ཅད་མེད་པའི་སྐལ་བ་ཅན་དུ་འགྱུར་བ་མཐོང་ངོ་། །དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་སེམས་ཅན་དམྱལ་བ་ངུ་འབོད་ཆེན་པོའི་འཁོར་ལ་
D287.068.0190a06.01བརྟགས་ན། དེས་ཐོས་པ་ལས་བྱུང་བའི་ཤེས་པས་ཇི་ལྟར་སེམས་ཅན་དམྱལ་བ་ངུ་འབོད་ཆེན་པོའི་འཁོར་ཚོར་བ་དཔག་ཏུ་མེད་པ་ཞེས་བྱ་བ་ཡོད་པ་མཐོང་ངོ་། །དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས་དེས་ཐོས་པ་ལས་བྱུང་བའི་ཤེས་པས་
D287.068.0190a07.01