完整藏文原文 · 德格版页 当前仅加载第 68 函德格 298a 版页；藏文 NFD、目录标记与异常页序保留在来源切片中，重复版页行以稳定序号区分。
དག་ལས་གང་གིས་སྐྱེ་བར་འགྱུར་སྙམ་ནས་དེས་ཐོས་པ་ལས་བྱུང་བའི་ཤེས་པས་བརྟགས་ན། མི་བློ་གྲོས་ངན་པ་སེར་སྣས་ཟིལ་གྱིས་ནོན་པའི་གཞི་གང་གི་བཙོན་ར་བྱ་བའི་ཕྱིར་ས་བརྐོས་པ་མུན་ནག་གི་ནང་དུ་སེམས་ཅན་བཅིངས་པ་གང་དག་ཕན་ཚུན་བལྟ་བར་
D287.068.0298a01.01ཡང་མི་མཐོང་སྟེ། དེ་དག་ངུ་སྐད་འབྱིན་ཅིང་ཀུ་ཆོ་འདོན། སོ་སོ་ནས་མགོན་མེད་ལ་ཤིན་ཏུ་སྡུག་བསྔལ་བ་དག་མི་ངན་པ་གང་གིས་བཙོན་རར་འཇུག་པར་བྱེད་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་{ཡི་དགས་,ཡི་དྭགས་}སའི་འོག་ན་གནས་པ་ས་གཞི་མུན་པ་མུན་གནག་གི་ནང་
D287.068.0298a02.01དུ་འབྱུང་བར་འགྱུར་ཏེ། དེ་ལུས་ཀྱི་ཚད་དཔག་ཚད་གསུམ་ཡོད་ལ་ཀུན་ནས་སྦྲུལ་གདུག་པས་དཀྲིས་ཤིང་དེ་རླུང་གྲང་ལ་མི་འཐུན་པ་རྣམས་ཀྱིས་ཤིན་ཏུ་གནོད་པར་བྱེད། ལུས་སྤུ་ཅན་བཀྲེས་པ་དང་སྐོམ་པས་མཆོག་ཏུ་གདུངས་པས་ངུ་ལ་ལུས་སྐྲ་རིང་པོས་ཁེབས་པ། ཡང་དང་ཡང་
D287.068.0298a03.01དུ་སྡུག་བསྔལ་རྣམ་པ་སྣ་ཚོགས་རྣམ་པ་དུ་མ་རྣམས་ཀྱིས་མངོན་པར་གདུངས་ཤིང་དགོན་པ་མི་བཟད་པར་ཞུགས། སྡུག་བསྔལ་དྲག་ཅིང་མི་བཟད་པ་མྱོང་བཞིན་དུ་ཡོངས་སུ་རྒྱུག་ལ། གཅིག་པུ་ཟླ་མེད་ཅིང་གྲོགས་མེད་པ། རླུང་སྤུ་གྲི་ལྟ་བུས་བདས་པ་ན་ཇི་སྲིད་དུ་ཉེས་པར་བྱས་པའི་
D287.068.0298a04.01ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་དེ་མྱོང་བར་འགྱུར་རོ། །དེ་ཕྱིས་དེ་ལས་ཐར་བར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་འཐུན་པར་ལས་ཉེ་བར་འགྲོ་བ་ཇི་ལྟ་བ་བཞིན་དུ་འཁོར་བ་ན་ཡོངས་སུ་འཁྱམ་མོ། །དེ་གལ་ཏེ་མི་རྣམས་ཀྱི་ནང་དུ་གཉའ་ཤིང་གི་བུ་གར་རུས་སྦལ་
D287.068.0298a05.01འཇུག་པ་ལྟ་བུར་མི་རྣམས་དང་སྐལ་བ་མཉམ་པར་མིར་སྐྱེས་ན་དེ་རི་གསེབ་དང་རྒྱ་མཚོའི་རི་དང་ཉི་མ་དང་ཟླ་བ་མེད་པའི་ཡུལ་རྣམས་སུ་ལོང་བར་འགྱུར་ཞིང་སྲོག་འཚོ་བ་གཞན་དག་ལ་རག་ལས་པ་དང་། དབུལ་པོར་འགྱུར་བ་མཐོང་ངོ་། །དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་
D287.068.0298a06.01པ་ཤེས་པ་དེས་{ཡི་དགས་,ཡི་དྭགས་}ཀྱི་འཇིག་རྟེན་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་{ཡི་དགས་,ཡི་དྭགས་}ཀྱི་འཇིག་རྟེན་ན་{ཡི་དགས་,ཡི་དྭགས་}རྫུ་འཕྲུལ་ཆེ་བ་ཞེས་བྱ་བ་རང་བཞིན་གྱིས་རྫུ་འཕྲུལ་ཆེ་ཞིང་མཐུ་ཆེ་བ་ཇི་ལྟར་འདུག་པ་མཐོང་ངོ་། །དེ་ལས་གང་གིས་དེར་སྐྱེ་བར་འགྱུར་སྙམ་ནས་དེས་ཐོས་པ་
D287.068.0298a07.01