完整藏文原文 · 德格版页 当前仅加载第 68 函德格 85b 版页；藏文 NFD、目录标记与异常页序保留在来源切片中，重复版页行以稳定序号区分。
འབོགས་པར་བྱེད། ལམ་ལ་ཡང་འཇོག་པར་བྱེད། མ་བྱིན་པར་ལེན་པ་སྤོང་བ་དག་ལ་འཇོག་པར་བྱེད་ཅིང་། ལས་ཀྱི་ཉེར་བསྡོགས་དང་། ལས་ཀྱི་མཇུག་མི་བྱེད་པའོ། །མ་བྱིན་པར་ལེན་པའི་ལས་ཀྱི་ཉེར་བསྡོགས་ཇི་ལྟ་བུ་ཡིན་ཞེ་ན། འདི་ལ་མ་བྱིན་
D287.068.0085b01.01པར་ལེན་པ་པོས་ཕ་རོལ་ལ་གཡོ་སྒྱུ་བྱེད་ཅིང་གསང་ཐབས་སུ་སྨྲ་བ་དང་། འཇལ་ལུགས་ལ་གཡོ་བྱེད་པ་དང་། མི་རིགས་པའི་ལས་ལྷག་པར་སྤྱོད་པ་རྣམ་པ་འདི་དག་ནི་ལས་ཀྱི་ཉེར་བསྡོགས་ཡིན་ནོ། །ལས་ཇི་ལྟ་བུ་ཡིན་ཞེ་ན། གང་གི་ཚེ་ཕ་རོལ་གྱིས་
D287.068.0085b02.01ཡོངས་སུ་བཟུང་བའི་རྫས་ཀྱི་རྣམ་པ་མ་བྱིན་པར་ལེན་པ་འདི་ནི་ལས་ཡིན་ནོ། །ལས་ཀྱི་མཇུག་ཇི་ལྟ་བུ་ཡིན་ཞེ་ན། འདི་ལ་བྱས་ནས་རྗེས་སུ་ཡི་རང་བར་བྱེད་ཅིང་གོམས་པར་བྱེད་ལ་མང་དུ་བྱས་ཏེ། རྗེས་སུ་ཡི་རང་བ་ཀུན་ཏུ་འཆབ་པར་བྱེད། ཚུལ་ཁྲིམས་
D287.068.0085b03.01དང་ལྡན་པ་གཞན་མ་བྱིན་པར་ལེན་པ་ལ་རབ་ཏུ་འཇོག་པར་བྱེད་པ་འདི་ནི་ལས་ཀྱི་མཇུག་ཡིན་ནོ། །རྣམ་པ་འདི་གསུམ་གྱིས་མ་བྱིན་པར་ལེན་པའི་ལས་ཀྱི་ཉེར་བསྡོགས་དང་། མཇུག་དང་བྲལ་བ་མ་བྱིན་པ་ལེན་པའི་ཆད་པའི་འབྲས་བུ་ཆུང་བར་འགྱུར་ཏེ། མྱོང་བར་
D287.068.0085b04.01འགྱུར་བར་ངེས་པ་མ་ཡིན་ནོ། །གཞན་ཡང་འདོད་པས་ལོག་པར་གཡེམ་པ་ཇི་ལྟ་བུ་ཡིན་ཞེ་ན། རྣལ་འབྱོར་སྤྱོད་པ་ཆོས་ལ་ཆོས་ཀྱི་རྗེས་སུ་ལྟ་བས་མཐོང་སྟེ། འདི་ལ་འདོད་པས་ལོག་པར་གཡེམ་པ་ཀུན་ཏུ་སྤྱོད་པ་ན་རང་གི་ཆུང་མའམ་གཞན་གྱི་ཆུང་མ་དག་གི་སྐྱེ་
D287.068.0085b05.01གནས་མ་ཡིན་པར་འཇུག་པར་བྱེད། གཞན་བྱེད་པ་ལ་ཡང་རྗེས་སུ་ཡི་རང་བར་བྱེད། མི་བྱེད་པ་ཡང་ཐབས་ཀྱིས་བྱེད་དུ་འཇུག་པ་འདི་ནི་འདོད་པས་ལོག་པར་གཡེམ་པ་ཞེས་བྱའོ། །འདོད་པས་ལོག་པར་གཡེམ་པའི་འབྲས་བུ་ཆུང་བར་འགྱུར་བ་ཇི་ལྟ་བུ་ཡིན་ཞེ་ན།
D287.068.0085b06.01འདི་ལ་བྱས་ནས་འགྱོད་ཅིང་འཆགས་ཏེ། རྗེས་སུ་ཡི་རང་བར་མི་བྱེད། གཞན་འདོད་པས་ལོག་པར་གཡེམ་པ་ཡང་ཕྱིར་ཟློག་པར་བྱེད། ལམ་ལ་འཇོག་པར་བྱེད། ལས་ཀྱི་ཉེར་བསྡོགས་དང་། ལས་ཀྱི་མཇུག་དང་བྲལ་བའི་སེམས་ཡིན་ཞིང་ཚུལ་ཁྲིམས་དང་
D287.068.0085b07.01