完整藏文原文 · 德格版页 当前仅加载第 68 函德格 100b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། འཇིགས་པ་དུ་མ་ཉམ་ང་བ་དག་དང་བྲལ་ཞིང་འཇིགས་པ་དང་། ཉམ་ང་བ་དག་ལས་ཀུན་ཏུ་ཐར་ཏེ། །སྐྱེ་བོ་ཐམས་ཅད་ཀྱི་སྡུག་པ་དང་། མཆོག་ཏུ་དགའ་བར་འགྱུར། སྡིག་པའི་སྐྱེ་བོ་དང་། དགེ་བའི་སྐྱེ་བོ་ལ་བུ་དང་། སྤུན་དང་འདྲ་བར་སྡུག་པར་
D287.068.0100b01.01འགྱུར་རོ། །ལུས་དང་བྲལ་ནས་ཀྱང་བདེ་འགྲོ་མཐོ་རིས་ལྷ་རྣམས་ཀྱི་འཇིག་རྟེན་དུ་སྐྱེ་བར་འགྱུར་ཏེ། དེར་ཡང་རྫུ་འཕྲུལ་ཆེ་བ་དང་། མཐུ་ཆེ་བར་འགྱུར། གཟུགས་དང་། སྒྲ་དང་། རེག་བྱ་འདོད་པ་ཐམས་ཅད་འབྱོར་པ་ལ་གནས་པར་འགྱུར་ཞིང་དགའ་བའི་
D287.068.0100b02.01ཚལ་དང་། ཡོངས་སུ་འདུ་བ་དང་། རྣམ་པར་མཛེས་པ་དང་། ཤིང་རྟ་སྣ་ཚོགས་ཀྱི་ཚལ་ཆེན་པོ་རྣམས་སུ་ལྷའི་བུ་མོའི་ཚོགས་ཀྱིས་ཡོངས་སུ་བསྐོར་བར་འགྱུར། དེའི་ལུས་དང་། ངག་དང་། ཡིད་ལ་ལྷ་གང་གིས་ཀྱང་རྣམ་པར་གཙེ་བར་མི་ནུས་ཤིང་། དེ་
D287.068.0100b03.01ལ་ལྷ་འབུམ་སྙེད་དག་གིས་དགའ་བ་སྐྱེད་པར་འགྱུར་ལ། ལྷའི་རྒྱལ་པོ་བརྒྱ་བྱིན་གྱི་འདོད་པ་དང་། སྡུག་པ་དང་། དགའ་བ་དང་། ཡིད་དུ་འོང་བར་འགྱུར། ལྷ་དང་ལྷ་མ་ཡིན་གྱི་གཡུལ་འགྱེད་པའི་ཉོན་མོངས་པ་དག་ཀྱང་མེད་ཅིང་འཁྲུག་པ་དག་དང་འབྲལ་བར་
D287.068.0100b04.01འགྱུར་རོ། །གལ་ཏེ་ངེས་པར་འབྱུང་བ་འཇིག་རྟེན་ལས་འདས་པའི་ལམ་ཉོན་མོངས་པ་མེད་པར་ཡོངས་སུ་བསྔོ་ན། དེ་ལྷའི་འཇིག་རྟེན་དེ་ནས་ཤི་ནས་འཁོར་ལོས་སྒྱུར་བའི་རྒྱལ་པོ་གླིང་བཞི་ལ་དབང་བ་རིན་པོ་ཆེ་སྣ་བདུན་ལ་ཉེ་བར་སྤྱོད་པ་རྣམ་པ་དུ་མར་འགྱུར་ཏེ།
D287.068.0100b05.01འདི་ལྟ་སྟེ། བུད་མེད་རིན་པོ་ཆེ་ནི་དེའི་བུད་མེད་ཀྱི་ལུས་ལས་ཙན་དན་དང་སྤོས་འབྱུང་ཞིང་ཁ་ནས་ཨུད་པ་ལའི་དྲི་འབྱུང་། བྱ་ཀ་ལིང་ག་ལྟར་རེག་ན་བདེ་བར་འགྱུར་ཏེ། བྱ་ཀ་ལིང་ག་ཞེས་བྱ་བ་ནི་རྒྱ་མཚོའི་གླིང་ལ་གནས་པའི་བྱ་ཡིན་ནོ། །དེ་ལྟར་འདིའི་མཐུས་གང་
D287.068.0100b06.01ལ་རེག་པ་ཉིད་ཀྱི་ལུས་ཀྱི་ཉོན་མོངས་པ་མེད་པར་འགྱུར་ཞིང་། གླིང་དེ་ན་གནས་པའི་སྐྱེ་བོ་བཀྲེས་པ་དང་། སྐོམ་པ་དང་། མྱ་ངན་དང་བྲལ་བར་འགྱུར། བུད་མེད་དེ་ལྟ་བུ་དེ་འཁོར་ལོས་སྒྱུར་བའི་རྒྱལ་པོས་མཐོང་ནས་གྲང་བའི་དུས་སུ་ནི་དྲོ་བར་བྱེད་ཅིང་དྲོ་བའི་དུས་སུ་ནི་
D287.068.0100b07.01